Milli Şuradan KXCP-yə sərt ittiham: “Mirmahmud bəyə dəvətnamə göndərməliydik?”
Bizi izləyin

Nida.az

Milli Şuradan KXCP-yə sərt ittiham: “Mirmahmud bəyə dəvətnamə göndərməliydik?”

Milli Şura KXCP sədri Mirmahmud Mirəlioğlunu təyin olunan mitinqdən xəbərsiz olduğuna görə ittiham edib.

Milli Şuranın Koordinasiya Mərkəzinin üzvü Vidadi Mirkamal Publika.az-a açıqlamasında deyib ki, Mirmahmud Mirəlioğlunun danışmağa haqqı yoxdur: “Ona görə xəbəri yoxdur ki, Mirmahmud bəy Koordinasiya Mərkəzinin son bir neçə iclasında iştirak etmir. İclasların keçirilməsi haqqında mərkəzin hər bir üzvünə bir gün öncədən sms-lə vaxtı, yeri və müzakirə olunacaq məsələlər haqqında məlumat verilir. Mirmahmud bəyə də məlumat verilir, lakin o, iclaslarda iştirak etmir. İndi durub xəbərim yoxdur deyirsə, problem özündədir. Bu qərar Koordinasiya Mərkəzində verilib, o da iştirak edəydi, biləydi. Bundan başqa, qərarla bağlı mətbuat hər gün yazır. Adama deyərlər, bilmirsən, oxu, öyrən. Yox istəmirsənsə, belə deməyə də haqqın yoxdur. Mirmahmud bəyə mitinqə gəlməsi üçün dəvətnamə göndərməliydik? Biz mitinq keçirdirik, toy yox. Ona görə də, onun heç nə deməyə haqqı yoxdur".

V. Mirkamalın ittihamlarını KXCP sakit qarşılayıb. M. Mirəlioğlunun müavini, Milli Şuranın keçmiş üzvü Xəzər Teyyublu Publika.az-a bildirib ki, bütün bu məsələlər KXCP üçün o qədər də əhəmiyyət kəsb etmir. Onun sözlərinə görə, M. Mirəlioğlu atdığı addımları, dediyi sözləri düşünərək edir: “Əslində, mitinq qərarının verildiyi iclasda iştirak etməyibsə, deməli, Mirmahmud bəy nə bu məsələdən xəbərdar olmağa borcludur, nə də bu qərarı dəstəkləməyə”.


Asif Nərimanlı

Oxumağa davam et
Reklam
Reklam

Gündəm