Nida.az
Arif Hacılı “təmizləmə əməliyyatına” hazırlaşır? – Cəzalar sərt olacaq
Müsavat Partiyasında “qara siyahı” hazırlandığına dair iddialar
gündəmi zəbt edib.
Bununla bağlı ilk anonsla yeni başqan Arif Hacılının əleyhdarı
Səxavət Əlisoy çıxış etdi. Onun iddiasına görə, partiyada
“təmizləmə” əməliyyatı oktyabrın 25-dən sonra başlayacaq.
Bir neçə gün öncə səslənən iddiada deyilir: “Dünən bir müsavatçı
zəng edib dedi ki, Arif Hacılının dəstəsi Müsavatdan gedəcəkləri
ehtimal olunan şəxslərin siyahısını hazırlayıb və o siyahıda
olanların istefalarını önləyərək, tezliklə partiyadan xaric
edəcəklər. Səbəb də o olacaq ki, bu şəxslər Müsavatın nizamnaməsinə
zidd çıxışlar edir, təftişçiliklə məşğuldurlar, partiyanı nüfuzdan
salırlar və sair və ilaxır. Və onu da dedi ki, Əlövsət
Talışxanlının, İbrahim İbrahimlinin, Vurğun Əyyubun, Rövşən
Dəmirlinin, Rövşən və Məhəbbət qardaşlarının, Əli Rzayevin, Kamil
Xəlilbəylinin, İsmayıl Kəsəmənlinin, Rüfət Əliyevin və təbii ki,
mənim adım (Səxavət Əlisoy - red) bu siyahıda var”.
Müsavatın tanınmış hüquqşünaslarından olan, Arif Hacılının
tərəfdarı Osman Kazımov “təmizləmə” çağırışı etmişdi.
“Müsavat Partiyası öz kursundan dönməyəcək. Heç bir istefa məsələsi
olmayacaq. İlk olaraq pozuntulardan danışırdılar, İndi Arif bəyi
istefaya çağırırlar. Çox maraqlıdır ki, başqanlığa namizəd Qubad
bəy istefa vermir. Ayrı-ayrı şəxslər istefa verir. Yaxşı, bəylər,
sizlər Müsavatdan gedirsiniz. Gedin, yolunuz açıq olsun. Amma Qubad
bəy gələcəkdə kimə güvənib yenidən namizədliyini verəcək. Qəribə
proses gedir. Heç nədən çəkinmədən partiyada təmizləmə aparmaq
lazımdır”, – deyə o bildirib.
Göründüyü kimi, iddia olunan “təmizləmə əməliyyatı” gözləniləndir.
Hətta düyməyə basıldığı da iddia edilir. Belə ki, başqanın keçmiş
müşaviri, Qubad İbadoğlu tərəfdarı Hüseyn Məlik bildirib ki, “qara
siyahı”nın reallaşması prosesinə başlanılıb.
“Artıq Osman Kazımovun qara siyahısı reallaşdı. Muradov
qardaşlarından Məhəbbət Muradov Qubadlı rayon təşkilatından
qovuldu”, - deyə o bildirib.
Keçmiş müşavir hətta təklif edib ki, yaxın günlərdə partiya qərargahının önündə etiraz aksiyası da keçirilsin.
Burda diqqət çəkən S. Əlisoyun açıqladığı “təmizləmə
əməliyyatı”ndakı qurbanların adları arasında Məhəbbət Muradovun da
adının olmasıdır və artıq bu şəxs partiyanın Qubadlı rayon
təşkilatından uzaqlaşdırılıb.
M. Muradov özünün pozulan hüquqları haqqında sosial şəbəkələrdə
çağırışlar edib.
Publika.az Müsavatda “təmizləmə əməliyyatı”nı araşdırmağa
çalışıb.
Osman Kazımov bizə açıqlamasında bildirib ki, belə bir proses
yoxdur. O, sadəcə, öz fikirlərini bildirib: “Partiya rəhbərliyi
belə bir şeyi planlaşdırmır və planlaşdıra da bilməz. Digər
tərəfdən, Arif Hacılı ömrü boyu Müsavat üçün çalışıb, indi hansısa
məsələyə görə kimisə müsavatçılıqdan uzaqlaşdırmaz. Sadəcə olaraq,
mən təklif etmişəm ki, təhqiramiz fikirlər səsləndirənlər,
partiyada bölücülük edənlər cəzalandırılmalıdır. Bu cəzalandırma ya
partiyadan uzaqlaşdırılmaqla, yaxud da hansısa başqa formada ola
bilər. Əks təqdirdə partiya daxilindəki demokratik mühitdən
istifadə edənlər çox irəliyə gedirlər və etik qaydalarını belə
gözləmirlər”.
Səxavət Əlisoy isə hesab edir ki, od olmayan yerdən tüstü də
çıxmaz. Onun sözlərinə görə, belə bir məsələ kulislərdə keçməsəydi,
Osman Kazımov bunu deməzdi.
“Mən bununla bağlı adlar açıqlamışdım. Bu adları özümdən
uydurmamışdım, onları mənə müsavatçı dostlarımdan biri demişdi.
Göründüyü kimi, proses başlayıb. Adını çəkdiyim Muradov
qardaşlarından Məhəbbət bəy təşkilatdan uzaqlaşdırılıb. Özü də bu
barədə məlumat yayıb. Bunlar nəyi təkzib edirlər. Hər şey 25-dən
sonra aydınlaşacaq”, - deyə o bildirib.
Asif Nərimanlı
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ