Nida.az

Milli Məclis yeni rəhbər seçdi

28 Oktyabr 2014 13:38

Milli Məclisdə Azərbaycan-Bosniya və Herseqovina parlamentlərarası əlaqələr üzrə işçi qrupuna yeni rəhbər seçilib.

Publika.az xəbər verir ki, parlamentin bu gün keçirilən iclasında “Azərbaycan Respublikası Milli Məclisinin parlamentlərarası əlaqələr üzrə işçi qruplarının rəhbərlərinin seçilməsi haqqında” Azərbaycan Respublikası Milli Məclisinin qərarında dəyişiklik səsə qoyularaq qəbul edilib.

Spiker Oqtay Əsədov layihəni təqdim edərək bildirib ki, hazırda boş qalan Azərbaycan-Bosniya və Herseqovina parlamentlərarası əlaqələr üzrə işçi qrupunun rəhbəri yerinə Gülçöhrə Məmmədovanın seçilməsi təklif olunur.

Səsvermə nəticəsində G. Məmmədova bu posta seçilib.

Qeyd edək ki, qrupun rəhbəri hazırda Dini Qurumlarla İş üzrə Dövlət Komitəsinin sədri, keçmiş deputat Mübariz Qurbanlı olub.

Asif