Nida.az
Azərbaycan Yaponiyaya nümunə göstərildi: “Bakı balıq kimi manevr edir”
Putin Yaponiyaya nə vaxt səfər edəcək? Bu məsələni gündəmə gətirən Yaponiyanın “Asahi Shimbun” nəşri Tokio administrasiyasına Azərbaycan və bir sıra ölkələri nümunə göstərib.
Publika.az xəbər verir ki, nəşr Rusiya prezidenti
Vladimir Putinin Tokioya səfər ideyasının ötən ilin aprelində
gündəmə gəldiyini yazıb.
“Onda yapon lider Rusiyaya baş çəkdi, Soçidə Olimpiada oyunlarının
açılış mərasimində iştirak etdi. O zaman Vladimir Putinin bu ilin
payızında Yaponiyaya səfəri məsələsi razılaşdırıldı. Hər iki
ölkənin diplomatları səfərin noyabrda olacağına ümid edirdilər.
Tərəflər Putinin Asiya səfəri zamanı Yaponiyaya da baş çəkəcəyini
güman edirdilər. Bununla belə, artıq noyabrın ilk günü olmasına
baxmayaraq, səfər proqramı razılaşdırılmayıb. Lakin tərəflərdən heç
kim “səfər ləğv edilib” açıqlamasını da vermir. Bütün hallarda,
səfərin proqramlaşdırılması üçün praktiki baxımdan vaxt azlığı
var”, - deyə nəşr yazıb.
Nəşr Yaponiya hökumətinin Putinin səfərindən çəkindiyini iddia
edib. Nəşrə görə, Ukrayna hadisələrindən sonra Tokio ilə Moskva
arasında münasibətlərin durğunluq dövrü başlayıb: “Yaponiya Senkaku
və Takesima adalarına görə Çin və Cənubi Koreya ilə münaqişə edir.
Bunun fonunda Tokioya Moskva ilə münasibətləri dərinləşdirmək
lazımdır. Lakin bunu bacarmırlar. Burda daha çox ABŞ-ın təhdidləri
var. Vaşinqton sanki Putinin Yaponiya səfərinin baş tutmaması üçün
Tokioya əmr verib. Lakin Avropa Birliyinin bir hissəsi olan İtaliya
öz maraqları çərçivəsində Moskva ilə təmasları tam kəsmir. Bu il
İtaliyanın xarici işlər naziri Federika Moqerini Rusiyaya baş
çəkərək Vladimir Putinlə görüşdü. Bu səfər İtaliyanın bir növ
Moskvanı salamlaması idi. Hazırda Qərb ölkələrinin əksəriyyəti
Putini qəbul etmir, amma burada Avstriya da istisnadır. İyun ayında
Putin rəsmi səfərlə Avstriyaya baş çəkdi. Tərəflər Rusiyadan qaz
kəmərinin tikinti layihəsini inkişaf etdirməklə bağlı razılığa
gəldilər. Yaponiya diplomatlarının biri bu haqda “ABŞ bu səfərə
mane olmağa çalışırdı. Amma mən Avstriyanın cəsarətinə heyranam”
deyə reaksiya vermişdi. Təəssüf ki, Yaponiya bu qədər bacarıqlı
deyil”.
Daha sonra “Asahi Shimbun” Azərbaycanı Yaponiya hökumətinə nümunə
göstərir: “Xəzər sahillərindəki bu kiçik ölkə iki nəhəng güc olan
ABŞ və Rusiya, eləcə də regionun digər gücləri arasında sanki balıq
kimi manevr edir. Bakı ABŞ kimi nəhəngin istəklərini öz maraqlarına
qurban verməməkdə israrlıdır. Onlar Qərblə qarşılıqlı münasibətləri
saxlayır, iqtisadi layihələri, xüsusilə enerji sahəsində
əməkdaşlığı genişləndirir. Lakin yaxın qonşusu böyük Rusiyanı da
unutmurlar. Moskva ilə hərbi, iqtisadi, siyasi sahələrdə
münasibətlərini qoruyur. Hərçənd, onlar Yaponiya kimi böyük ölkə
deyil. Cəmi 20 illik müstəqillik tarixinə malikdirlər. Amma rəsmi
Bakı bu gün Tokio üçün bariz nümunədir”.
Asif Nərimanlı
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ