Nida.az
“Milli Şura mahiyyətini itirib” - Leyla Əliyeva detallardan danışır
Milli Şuradan istefa verən politoloq Leyla Əliyeva Publika.Az –a müsahibəsində qurumla bağlı bir
sıra detallara aydınlıq gətirdi.
-Milli Şuradan getdiniz, amma istefa vermədiyini
deyirsiniz. Bunu necə başa düşək?
-Milli Şura artıq mahiyyətini itiribdir. Onun əsas mənası məhz iki
partiya-AXCP və Müsavatın orda birləşməsi idi. İki partiya
bir-birindən ayrılıb, indi hansı Milli Şuradan söhbət gedə bilər.
Burdan istefa da verməz olmaz axı. Mən istefanı nədən verirəm,
Milli Şura indi kimin təşkilatıdır? Artıq onun mənası itib.
“Qurumun iki ciddi problemi var
idi...”
-Amma Müsavat getsə də, AXCP və Cəmil Həsənli qurumun
daha da gücləndiyini iddia edirlər.
-Mən inanmıram ki, onun mahiyyəti hələ də qalıb. Çünki bu ölkədə
əsas problem iki əsas qüvvələrin arasında birliyi olmamasıdır.
Milli Şuranın əsas üstünlüyü və unikallığı ondan ibarət idi ki,
birlikdə bu iki partiya və başqaları onun ətrafında cəmləşmişdilər.
Bu qurumun iki ciddi problemi var idi. Birinci odur ki, üzvlərin
seçilməsi prinsipi idi. Yəni üzvlər, partiyalar, müxtəlif
hərəkatlar nəyin əsasında ora üzv olurlar, burda hansı kriteriyalar
var. Legitimlik üçün ən azı hansısa seçki olmalı idi. İkinci çox
vacib problem və qurumun zəifliyi ondan ibarətdir ki, orda siyasi
qərar qəbul olunmasının mexanizmi zəif idi. Bu mexanizm konsensus
idi. Amma orda qeyri-bərabər qüvvələr toplaşıb, hər birinə də eyni
səlahiyyətlər verilib. Yəni bir nəfər hansısa ekspert qərarlara
veto qoya bilərdi, yaxud səs verməməməklə təklifin keçməsinə mane
ola bilərdi. Bir tərəfdə ciddi, təsir qüvvəsi geniş olan
partiyalar, qurumlar, digər tərəfdə daha zəif iştirakçılar var.
Milli Şuranın seçkidən də sonra yaşaması üçün bu iki problemi həll
etmək lazım idi. Lakin əfsus ki, seçkidən sonra bu dəyişikliklər
baş tutmadı. Ona görə Müsavat getdi, daha sonra da digərləri.
-Bu məsələdə tərəflər razılığa gələ bilmədi,
yoxsa...?
-Mən ümumiyyətlə, bu məsələlərlə bağlı hansısa müzakirələr
getdiyini, yaxud belə bir ideyanın qəbul olunduğunu bilmirəm. Mənim
nöqteyi-nəzərimə görə, qurumun zəifliyi bu iki problemə görə idi.
Bəlkə təsisçilər başqa cür düşünürdü, konsensus mexanizmində
hansısa problem görmürdülər, bunu mən bilmirəm. Onu bilirəm ki, iki
partiyanın birliyi pozuldu, bununla da Milli Şuranın əsas üstünlüyü
yoxa çıxdı.
“Onlar arasında ideologiya və platforma
əsasında rəqabət getsəydi, birləşə bilərdilər”
-Sizin fikrinizcə, bu iki partiya arasında ziddiyyətlər
nədən yaranır?
-Bunu partiyaların platformaları və ideologiyalarının zəifləməsi
ilə izah edirəm. Çünki iki partiya arasında bu müstəvidə hansısa
fərqlilik yoxdur. Biri daha sağdır, nəinki o birisi. Bunu demək
çətindir. Çünki orijinal proqramlarda onlar bir-birindən çox
fərqlənmirlər. Sadəcə bir qədər sosial baza, lider və komandaları
fərqlidir. Onlar arasında məzmun, mahiyyət, ideya əsasında
müzakirələr yoxdur. Əsasən şəxsi maraqlar, liderlik, komada
arasında gedən hansısa mübahisələr, müzakirələrdir. Yəni mənə elə
gəlir ki, onlar arasında ideologiya və platforma əsasında ciddi
şəkildə rəqabət getsəydi, onda ortaq fikrə gələ, birləşə
bilərdilər.
“Orda olan maraq qrupları üstünlük təşkil
edir”
-Milli Şuranın zəifləməsi, Müsavatın getməsi və bir sıra
proseslərə səbəb kimi bəzən Cəmil Həsənlinin zəif siyasətçi
olmasını göstərirlər.
-Mən razı deyiləm ki, Cəmil Həsənli zəif insandır. O, güclü
insandır, sadəcə orda olan maraq qrupları üstünlük təşkil edir.
Konsensus əsasında qurulmuş qəbul prinsipi ona gətirib çıxartdı ki,
hansısa dəyişikliklər mümkün olmadı. Cəmil Həsənli əslində iki
tərəfdən də razılaşdırılmış namizəd idi. O, özü üçün yaxşı nüfuz
qazandı, siyasətçi kimi özünü göstərdi. Burda başqa məsələlər
var.
-Amma bütün hallarda baş verənlər qaranlıq qalır və açıq
suallar buraxır. Bu da doğru, yaxud yanlış ehtimallara yol
açır.
-Azərbaycan çox mürəkkəb ölkədir. Onun mürəkkəbliyi siyasi
palitrada da özünü göstərir. Burda neft və qaza görə güclü
ölkələrin maraqları var. Ona görə də başqa ölkələrlə müqayisədə hər
şey daha mürəkkəb keçir və bu, özünü siyasi qüvvələrin rəqabətində
əks etdirir. Mən də açıq sualların qalmasına razı deyiləm, onlar
daha açıq olmalıdırlar. Mehman Əliyev də prosesi gözəl təhlil
etmişdi. Əslində Müsavatın Milli Şuradan çıxması təbii idi. Çünki
Müsavat ötən il çalışırdı ki, vaxt itirilmədən seçkilərə
hazırlaşmağa başlasınlar. Milli Şurada isə bunu ləngidirdilər.
Müsavatın yerində kim olsa bunu edərdi, çünki bu partiya müstəqil
qurum kimi seçkilərə daha ciddi hazırlıq görə bilərdi, nəinki Milli
Şuranın tərkibində. Onlar çox gecikdilər və müxtəlif problemlər
yarandı.
Leyla Əliyeva Müsavat gəlir?
-2015-ilin seçkiləri gəlir. Müxalif düşərgədə yeni
birliklərin olacağı gözləniləndir?
-Yeni birliklər olsa da, yenə də eyni problem ortaya çıxacaq. Əgər
əsas qüvvələr birlik yarada biləcəksə, yaxşı olacaq, olmasa yenə də
problemlər yaşanacaq.
-Özünüz necə hansısa birlikdə təmsil
olunacaqsınız?
-Bu çox şeydən asılıdır. Mühit və ehtiyac lazımdır. əsasən də
ehtiyac. Ehtiyac olarsa qoşulacam, olmasa xeyr.
-Müsavat keçə bilərsiniz, çünki indi ən böyük ehtimal kimi
bu görünür?
-Xeyr, ümumiyyətlə, siyasət məni maraqlandırmır. Mən ancaq siyasi
təhlilçi kimi çalışıram. Əsas prinsipim ölkədə demokratiyanın
inkişafıdır. Bunu təkcə siyasətlə deyil, vətəndaş institutları, və
digər müxtəlif yollarla etmək olar. Əgər bu prosesdə mənim
iştirakım olacaqsa razı olacam. Amma ümumiyyətlə siyasətdən uzaq
qalmağa çalışıram.
Asif Nərimanlı
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO
-
Səhiyyə17 Aprel 22:12
"Kliniki ölüm insanı “tərəvəz”ə çevirir" - Çingiz Abdullayevdən ilk açıqlama
-
Magazin117 Aprel 20:58
İş adamı Manaf Ağayevə ev bağışlayıb? - Özü danışdı
-
Nəqliyyat17 Aprel 19:40
Baş nazir elektrik mühərrikli avtomobillərlə bağlı iclas keçirdi - FOTO