Nida.az
Mühacirətə gedənlər nədən Əli Kərimlini seçir? – Pərdəarxası sirr
Son dövrlər Azərbaycan siyasi arenasında qəribə tendensiya yaranıb. Ölkədən mühacir edən tanınmış şəxslərin əksəriyyəti mühacirətdə yaşamağa başladıqdan sonra Bakıya ünvanlanan bəyanat yayır. Bu bəyanatlarda AXCP sədri Əli Kərimli tərif edilir və ondan partiyasına üzv qəbul edilmək xahişi edilir. Ehtiyatda olan zabitlər birliyinin sədri, tanınmış hərbi ekspert Yaşar Cəfərlinin də AXCP sıralarına üzv olmaq üçün Əli Kərimliyə göndərdiyi müraciəti bu sıradandır və ilk hadisə deyil.
Y. Cəfərli ötən il təxminən bu vaxtlar Avropaya mühacirət etdi. Ona
bu işdə bir müddət öncə mühacirətə gedən, əsgər ölümlərini
araşdıran hüquq müdafiəçisi Ələkbər Məmmədovun kömək etdiyi haqda
xəbərlər yayıldı. Hər iki şəxsi müəyyən mənada hərbiyə yaxın
olduğunu nəzərə alsaq, bu köməkləşməni normal qəbul etmək
olar.
Mühacirətinin bir ili tamam olanda hərbi ekspert Əli Kərimliyə məlum müraciət etdi. Ona Azərbaycan üçün etdiyi xidmətlərindən danışan Y. Cəfərli AXCP-ni ölkənin əsas partiya adlandırıb və partiya sıralarına qəbul edilmək üçün ondan xahiş edib. Y. Cəfərli özü dediyi kimi bu günə qədər heç bir siyasi partiyanın üzvü olmayıb.
Maraqlıdır, o, mühacirətə gedir və bir il sonra AXCP-yə üzv olmaq istəyi peyda olur. Eyni addımı bir müddət əvvəl mühacirətdə yaşayan istefada olan polkovnik İsa Sadıqov da atdı və AXCP-ə üzv oldu.
Mühacirətə gedənlərin Əli Kərimlini seçməsi suallar yaradır. Misal
üçün, İsa Sadıqov Müsavata daha yaxın şəxs hesab olunurdu, amma
nədən Əli Kərimlini seçdi? Digər tərəfdən, bu şəxslər həyatları
boyu heç bir partiyanın üzvü olmadıqları halda, ölkəni tərk edən
kimi nə üçün AXCP-yə üzv olmaq üçün şanlı müraciətlər edirlər?
Əli Kərimlinin adının açıqlanmasının istəməyən keçmiş silahdaşı
Publika.az-a mühacirlərin AXCP-ni seçməsinin əsl
səbəblərindən danışıb.
“Təxminən 2010-cu il olardı. O zaman mən AXCP sədrinin yanında
idim və onun bir çox işlərini görürdüm. Əli bəyin yanına Avropadan
bir qonaq gəlmişdi. Adını bilmirəm. Amma söhbətlərindən təxminən
anladım ki, Əli Kərimli avropalı qonaqdan bir neçə şəxsin Avropada
siyasi mühacir statusu almasını xahiş edir. Aralarında xeyli
söhbətləşmələr oldu”, – deyə mənbə bildirib.
Onun iddialarına görə, Y. Cəfərlinin Avropada mühacirət etməsində
Ə. Kərimlinin köməyi olub: “AXCP sədri bir çoxlarına bu köməkliyi
göstərib. Hətta insanlar Avropada bəzi yüksək səviyyəli master
dərslərinə qəbul olunmaq üçün AXCP-yə üzv olur, yaxud onun adından
gedir. Bəzi jurnalistlər AXCP-yə yaxın “Azadlıq” qəzetində işə
başlayaraq mühacirət edə bilirlər. Avropada buna xüsusi fikir
verilir”.
Mənbənin sözlərinə görə, bu işdə Əli Kərimlinin Avropada əməkdaşlıq
etdiyi QHT rəhbərləri, hüquq müdafiəçiləri əsas lobbiçilik rolunu
oynayırlar: “Misal üçün mən İsveçə, yaxud Norveçə, ümumiyyətlə
Avropanın hansısa ölkəsinə mühacirət etmişəm. Yaşamaq statusu almaq
üçün bu ölkənin dövlət orqanlarına müraciət edəndə Əli Kərimliyə
yaxınlığım varsa, yaxud onun adından müraciət aparmışamsa, həmin
hüquq müdafiəçiləri mənə dəstək verəcək. Bir çox insanlar Avropaya
belə gedib”.
Ə. Kərimlinin keçmiş silahdaşı AXCP sədrinə bu işdə köməklik
göstərən şəxslərdən birinin adını açıqlayıb. Onun iddiasına görə,
Norveç İnsan Hüquqları Evinin rəhbəri Maria Dahledir: “Başqaları da
var, amma mənim bildiyim bu xanımdır. O, “Azadlıq” qəzetinin neçə
əməkdaşına, yaxud bu qəzetin adı ilə getmiş neçə insana status
almaqda yardımçı olub”.
Mənbənin iddialarına inansaq, o zaman bu prosesdə xanım jurnalist
Xədicə İsmayılın da rolunun olduğunu ehtimal etmək olar. Çünki
xanım Dahel Xanım İsmayılovanın Avropada əsas himayəçilərindən
biridir. Keçmiş “Yurd”çu olduğu deyilən X. İsmayılovanın Əli
Kərimliyə yaxınlığı detalını nəzərə alsaq, xanım Dahellə
münasibətlərin qurulmasında onun rolunun olduğunu söyləmək
mümkündür.
Mənbə X. İsmayılovanın bu prosesdə hansı dərəcədə əlinin olduğu
haqda informasiyaya malik olmadığını qeyd edib.
Qeyd edək ki, İnsan Hüquqları Evi Şəbəkəsi (İHEŞ) Qərbi
Balkanlarda, Şərqi Avropa və Cənubi Qafqazda, Afrikanın Şərqində və
Qərbi Avropada yerləşən 13 ölkədən olan 18 müstəqil İnsan Hüquqları
Evlərində 90 insan hüquqları QHT-lərinin birləşmiş qüvvələrini
özündə cəmləşdirir. İHEŞ-in məqsədi yerli insan hüquqları
təşkilatlarını gücləndirmək və dəstəkləmək və onları İnsan
Hüquqları Evlərinin beynəlxalq şəbəkəsində birləşdirməkdir.
Azərbaycan İnsan Hüquqları Evi İHEŞ-in üzvlərindən biridir və
müstəqil görüş yeri, resurs mərkəzi və Azərbaycanda insan hüquqları
təşkilatları üçün koordinator kimi xidmət göstəribr. Ev Ədliyyə
Nazirliyinin 10 mart 2011-ci il tarixli əmri ilə fəaliyyətlərini
dayandırıbr. Buna səbəb insan haqları adı altında ölkənin daxili
işlərinə qarışmaq olub.
Digər səbəblərdən biri isə təşkilatın ona əks fikir göstərənlərə qarşı sərt mövqe tutmasıdır.
Humanitar Tədqiqatlar Cəmiyyətinin sədri Əvəz Həsənov xanım Maria Dahlenin Bakıda olanda onları qeyri-konstruktiv mövqedə günahlandıraraq Evi dağıtdığını açıqlayıb: “Hətta iş o yerə çatıb ki, tənqidlərimizə dözməyən iki norveçli xanım bizi beynəlxalq tədbirlərdə görüb danışdırmırlar”.
Eyni aqibəti Sankt-Peterburq və Serbiyada olan insan haqları evləri də yaşayıb. Məlumatlara görə, onların mövqeyini tənqid edən insan haqları evlərinin hamısını intriqalar yolu ilə dağıdıblar.
Xanım Dahle daim Azərbaycana qarşı sərt tənqidləri ilə yadda
qalır. Misal üçün o, sonuncu məqaləsində Azərbaycanı repressiyalar
ölkəsi adlandırıb. Dövlətə xəyanət və maliyyə gizlinləri ilə bağlı
həbs edilən Leyla və Arif Yunusları, eləcə də digər QHT
rəhbərlərini müdafiə edərək beynəlxalq təşkilatlara Azərbaycana
təzyiq etmələri üçün çağırış edib.
Publika.az-ın əldə etdiyi məlumata görə, hökuməti tənqid etmək üçün bəzi materialları jurnalist İsmayılovaya xanım Dahle ötürüb.
M. Dahlenin Bakıda xüsusi seminarları keçirdiyi və hökumətə qarşı
kampaniyanı necə aparmağı öyrətdiyi deyilir. Evin Bakıda fəaliyyəti
dayandırılandan sonra eyni formatlı seminarlar X. İsmayıl
tərəfindən keçirilib.
Bu məlumatlardan mühacirətə gedənlərin nədən Əli Kərimli
tərəfdarına çevrildiyi və Qərbdə AXCP-nin nə üçün əsas müxalifət
hesab edildiyi müəyyən mənada aydınlaşır.
Asif Nərimanlı
-
Magazin104:44
Xalq artisti canlı yayımda kövrəldi: “Darıxdığım var” - VİDEO
-
ABŞ03:13
Komaya düşən qalmaqallı bloqer ÖLDÜ
-
Səhiyyə02:42
Ən güclü qan qrupu: onun sahibləri ÇOX YAŞAYIRLAR
-
Sosial01:41
Azərbaycanı görünüşü ilə heyrətə gətirən uşağın atası danışdı - VİDEO
-
Sosial00:30
“Space" TV-yə geri döndü: "Məbləğin bir qismi ödənildi" - FOTO/VİDEO
-
Qoroskop00:15
Günün ULDUZ FALI: normal imkanlar yaranana qədər gözləyin
-
MDB00:00
Putinə indi məruzə edildi, Şoyquya isə əvvəlcədən deyilib
-
Nida Xəbər 23 Aprel 23:48
Nazirlər Kabinetindən YENİ SİYAHI - Kimlərin adları var?