Nida.az
Putin “Xarici Legion”u niyə yaradır? - İDDİA
Rusiya çağırışçı sayı azalan orduya xarici vətəndaşları da qəbul etmək qərarına gəlib.
Publika.az xəbər verir ki, İtaliyanın “La
Repubblica” nəşri Rusiya prezidenti Vladimir Putinin bu barədə
fərmanını şərh edərkən belə yazıb.
Fərmana əsasən, 18 yaşı çatmış qeyri-ruslar Rusiya ordusunda qulluq
keçə biləcəklər. Bir şərtlə ki, onlar rus dilini bilməlidir.
Nəşr bu barədə qərarın 2003-cü ildə qəbul edildiyini yazıb.
Lakin indiyə qədər müxtəlif səbəblərdən icra edilməyib. Hazırda
gənc çağırışçıların çatışmazlığı Moskvanı bu qərarın təcili
icrasına məcbur edir. Putinin təcili fərman verməsi də bununla
bağlıdır.
“Ukraynanın şərqində separatçılar tərəfindən vuruşan minlərlə
qeyri-rus gənclə rastlaşmaq olar. Bu, faktiki olaraq, Rusiyanın
“xarici legionu” deməkdir”, - deyə “La Repubblica” vurğulayır.
Digər tərəfdən, nəşr rus ordusunda xidmət keçən qeyri-ruslar,
xüsusilə bu ölkədə işləyən miqrantların daha asan formada
vətəndaşlıq ala biləcəyini istisna etmir. “La Repubblica”a görə, bu
prosesin sonunda belə nəticələr ola bilər: “Miqrantların
vətəndaşlıq əvəzinə orduda xidmət keçməsi əvvəl də gündəmə
gəlmişdi. Rusiyanın hazırkı vəziyyəti prosesin bu hədəfə doğru
getdiyini göstərir. Beləliklə, Moskva “xarici legion”
yaradacaq”.
Qeyd edək ki, Rusiyada artıq Tacikistanda sınaq üçün 201-ci
diviziya yaradılıb. Bu diviziyada Tacikistan və Özbəkistan
vətəndaşları müqavilə əsasında xidmət keçir. Bu, fransızların
xarici legionuna bənzər formada yaradılıb.
Ötən il Rusiya Dövlət Dumasında bu məsələ “Rusiya miqrantları ittifaqı” tərəfindən hökumətə verilən təklifə əsasən gündəmə gəlmişdi.
“Rusiya miqrantları ittifaqı” rəhbəri Məhəmməd Amin təklifini belə
əsaslandırırdı: “Rusiya ərazisində doğulmuş uşağın valideynlərindən
biri Rusiya vətəndaşıdırsa, ona vətəndaşlıq avtomatik verilir. Amma
hər iki valideynin vətəndaşlığı yoxdursa, burda problemlər yaranır.
Bu baxımdan, məsələ ilə bağlı əməkdaşlıq ilk yaxşı addımdır.
Hakimiyyətdən bizim müraciətimizə daha yaxşı baxmağı və nəzərə
almağı xahiş edirik. Çünki Rusiyada yaşayan miqrant vətəndaşlıq,
mənzil hüququ və digər hüquqları tələb edirsə, Rusiya ordusunda
xidmət keçməyə məcburdur”.
Dumada “Hərbi borc və hərbi xidmət haqqında” qanun layihəsinə
dəyişikliklərin edilməsi də təklif olunmuşdu. Qanuna təklif olunan
düzəliş xarici vətəndaşların Rusiyada təcili hərbi xidmət keçməsi
ilə bağlı idi. Hansı ki, bu şəxslər Rusiya ərazisində doğulublar.
Çünki Rusiyada yaşayan miqrantların orda doğulan uşaqlarının
əksəriyyəti bu ölkənin vətəndaşlığını ala bilməyib. Deputatlar bu
şəxslərə hərbi xidmət əvəzinə dərhal vətəndaşlıqla bağlı pasportun
verilməsini təklif edirdilər.
Daha bir diqqət çəkən təklif isə Rusiyada yaşayan miqrantların da
rus ordusunda hərbi xidmətdən keçməsi və qarşılığında vətəndaşlıq
alması idi. Belə ki, bu şəxslər öz ölkələrində hərbi xidmət
keçməyiblər və Rusiyada doğulmasalar da, rus torpaqlarında
yaşayırlar, onlara bu imkan tanınacaq.
Bu təkliflər hələ də gündəmə qalır və “Rusiya miqrantları
ittifaqı” müzakirələrin müsbət nəticələnəcəyinə ümid edir.
Dumanın müdafiə məsələlər üzrə komitəsinin üzvü Viktor Vodolaskiy
də məsələni şərh edərkən deyib ki, Rusiya ordusunda xidmət keçmək
miqrant uşaqları üçün kifayət qədər problemli məsələdir. Onun
fikrincə, bu qanunvericilikdə həllini tapmalıdır: “Rusiya
vətəndaşlığını almamış, amma bizim ölkənin ərazisində doğulmuş
miqrant uşaqları orduda xidmət keçmək, hətta zabit olmaq
istəyirlər”.
O da hərbi xidmət əvəzinə miqrantlara Rusiya pasportu verilməsi təklifini müdafiə edib.
Bu miqrantlar üçün stimul verici təklif olsa da, onların gəldiyi
ölkələr üçün xoşagəlməz tendensiyalara səbəb ola bilər. Rusiyada
azərbaycanlı miqrantların da olduğunu nəzərə alsaq, bunun müəyyən
mənada bizə də təsirləri var.
Politoloq Vəfa Quluzadə Publika.az-a açıqlamasında bunu azalan rus
əhalisinin miqrantlar hesabına artırılması kimi şərh edib: “Məsələ
odur ki, Rusiyada əhali azalması var. Buna görə də Rusiya
miqrantları öz içərisində əritmək üçün müxtəlif addımlar atır. Bu
da belə addımlardan biridir. Əgər miqrant Rusiyada yaşayırsa,
işləri yaxşıdırsa, evinə qayıtmaq fikri yoxdursa, buyursun rus
ordusunda vuruşsun və vətəndaşlıq alsın. Miqrantların kütləvi
şəkildə buna gedəcəyinə inanmıram. Amma inanıram ki, bəzi
miqrantlar buna gedə bilərlər. Hər-halda, Rusiyada tək Azərbaycanda
yox, bütün keçmiş sovet ölkələrindən külli miqdarda miqrant var.
Əgər həmin miqrantlar rus ordusunda xidmət edib vətəndaşlıq
alsalar, Rusiya doğum problemini də həll etmiş olar”.
Moskvada Azərbaycan diasporunun adının açıqlanmasının istəməyən
nümayəndəsi isə məsələ ilə bağlı maraqlı detallar açıqlayıb.
Diaspor nümayəndəsi hesab edir ki, bu təklifin gündəmə gəlməsi
əslində Kremlin sifarişidir: “Faktiki olaraq, Rusiyada vətəndaşlıq
almaq üçün kifayət qədər miqrant sıraya dayanıb. Onlar arasında
azərbaycanlılar da var. Güman ki, əksər miqrantlar bu təklifi qəbul
edəcəklər. Son vaxtlar NATO-nun Şərqə doğru hərəkət etməsi Moskvanı
buna sövq edir. Lakin o da bəllidir ki, bu məsələ yalnız Kremlə
lazım olanda tətbiq ediləcək”.
Asif Nərimanlı
-
Avropa17:28
Bu ölkə Rusiyanı hədələdi: Şəhərlərinizi bombalayarıq
-
Region17:00
İrandan növbəti hədə: Görün SEPAH İsraili nə ilə qorxutdu
-
MDB16:22
Moskvada 21 yaşlı azərbaycanlı avtomobilini səkidə saxladı, ona irad tutan gənci öldürdü - VİDEO
-
Nida Təhlil 15:51
İşğalçı erməniyə göz yaşı tökən molla: İran silahı ilə Azərbaycanın neçə əsgəri öldürülüb?
-
Magazin115:18
Həbsxanada evlənən müğənni: “Heç kimin bacarmadığını etmişəm”
-
Nida Xəbər 14:34
Moskva İrəvandan tələb etdi: Brüsseldə hazırlanmış plana reaksiya gözləyirik
-
İdman13:46
"Real"ın ÇL-dəki qəhrəmanı bu gözəllə eşq yaşayır - FOTOLAR
-
Avropa13:16
Fransanın ikiüzlülüyü: Avropada Rusiya qazının ən böyük alıcısı oldu