Nida.az
Niyaməddin Orduxanlı: “Bunların Xədicə İsmayıl qədər də hörməti yoxdur” - MÜSAHİBƏ
Bütöv Azərbaycan Xalq Cəbhəsi Partiyasının sədr müavini Niyaməddin Orduxanlının Publika.az-a müsahibəsi
- Niyaməddin bəy, Bütöv Azərbaycan Xalq Cəbhəsi
Partiyasının 2015-ci illə bağlı hədəfləri, planları nədən
ibarətdir?
- Bütöv Azərbaycan Xalq Cəbhəsi Partiyasının 2015-ci ildəki planları və gördüyü işlərlə bağlı deyə bilərəm ki, partiyamızı bu il daha böyük uğurlar gözləyir. Bütün fəaliyyətimizi bu istiqamətdə aparacağıq. Maksimum dərəcədə çalışacağıq ki, noyabr da keçirilən parlament seçkilərində BAXCP parlamentin ən çox yer qazanan müxalifət partiyası olsun. Bunun üçün partiyamızın kifayət qədər potensialı da var. Partiyamızın rəhbərliyində təmsil olunan şəxslərin nüfuzu imkan verir ki, daha çox mandat qazanaq. Həmçinin partiya kimi həm daxili siyasətə, həm də partiyamızın beynəlxalq təşkilatlarda təmsil olunmaq səylərini artıracağıq. Bu istiqamətdə partıyamızın lideri, millət vəkili Qüdrət Həsənquliyevin indiyə qədər gördüyü xeyli işlər var. Keçən il bu yönümdə ciddi işlər aparıb. Düşünürəm ki, bu il BAXCP daha böyük uğurlara imza ata biləcək. BAXCP 2014-cü il bələdiyyə seçkilərindən dərhal sonra cari ilin noyabr ayında keçiriləcək parlament seçkilərinə hazırlıq işlərinə start verib. BAXCP-nin son bələdiyyə seçkilərində 300-ə yaxın namizədi olub və artıq demək olar ki, 100-dən artıq BAXCP namizədi seçilən lider namizədlər arasında qərarlaşıb. Hazırda Mərkəzi Seçki Komissiyasının rəsmi nəticələrini gözləyirik. Bələdiyyə seçilənlər arasından partiya sədrinin müavini vəzifəsini daşıyan şəxslər də var. Artıq 4 dəfədir ki, bələdiyyə seçkilərində uğur qazanıram. Özüm də noyabr seçkilərində parlament seçkilərinə qatılacam. Bu artıq mənim parlament seçkilərində üçüncü seçkim olacaq. Sonuncu parlament seçkilərində ikinci yeri tutmuşdum. Böyük bir seçki təcrübəm var və yaşadığım ərazinin seçiciləri məni kifayət qədər tanıyır.
- Partiya parlament seçkilərində müstəqil şəkildə, yoxsa
hər hansı bir partiya ilə əməkdaşlıq formasında iştirak
edəcək?
- 2010-cu il parlament seçkilərində BAXCP blok şəkilində seçkiyə
qatılmışdı. Vətəndaş Həmrəyliyi, Ədalət, Böyük Quruluş və Təkamül
Partiyasının birgə seçki bloku olan “İslahatçı” seçki bloku ilə
seçkiyə qatılmışdıq. Bu blokun yenidən seçkiyə birgə getməsi ilə
bağlı indidən hər hansı bir fikir bildirmək tezdir. Bu və başqa bir
formatda seçkiyə qatılmağımız zamanın işidir. BAXCP 2007-ci ildə və
2011-ci ildə 4 partiyanın - VHP, Ədalət, BAXCP və BQP-nin birgə
hazırladığı “Konstitusiya islahatları haqqında” qanun layihəsini
Milli Məclisə təqdim edib. Qanunda parlament seçkilərində
birmandatlı seçki dairəsi ilə yanaşı, proporsional seçki sisteminin
bərpası və Milli Məclis üzvlərinin sayının artırılması, seçkidə
qalib gəlmiş partiyanın hökuməti formlaşdırmasına qədər
dəyişidirilməsi təklif edilib. Məncə, ölkədə çoxpartiyalı sistemi
inkişaf etdirməyin ən yaxşı yolu budur. Demək olar ki, artıq keçmiş
SSRİ-nin 15 respublikasından yalnız Azərbaycan və bir neçə ölkədə
proporsional seçki sistemi yoxdur. BAXCP uzun illərdi ki, bu
təşəbbüslə çıxış edir.
- Ümumilikdə, partiya olaraq 2015-ci illə bağlı
gözləntiləriniz nədən ibarətdir? Bu il müxalifət, xüsusilə bu
düşərgənin radikal qanadı üçün nə dərəcədə uğurlu və ya uğursuz
olacaq?
- Düşünürəm ki, hər dəfə olduğu kimi, bu dəfə də beynəlxalq
təşkilatlar siyasi cameənin radikal hissəsindən Azərbaycan
hakimiyyətinə qarşı təzyiq kimi istifadə etməyə çalışacaq. Son 20
il seçkisində bu özünü açıq şəkildə göstərib. Uzun illər bir-birini
təhqir edən, öz mətbuat orqanında ən aşağılayıcı fikirləri yazan və
yazdıran Əli Kərimli mümkündür ki, yenidən Müsavat Partiyası ilə
“qardaşlaşsın”. Son parlament seçkilərinin hamısında bu baş verib.
Bu Əli Kərimli və ya İsa Qəmbərin təşəbbüsü olmayıb. Buna həmin
adamları beynəlxalq təşkilatlar məcbur edib. Onlar da heç bir
etiraz etmədən bu addımı atıblar. Gözlənilir ki, bu il keçiriləcək
seçkidə tarix təkrar olunsun. Ancaq mənim şəxsi qənaətim odur ki,
Azərbaycan cəmiyyəti heç bir halda radikal siyasəti aparan bu
şəxslərə ciddi dəstək verməyəcək. Bu düşərgə daha böyük itkilərlə
seçkidən ayrılacaq. Son bələdiyyə seçkilərində Əli Kərimlinin
partiyasından 100 nəfər namizəd verə bilmədi. Çünki bunun üçün
kifayət qədər yerlərdə təmsilçilərin və bölgələrdə ciddi dəstəyin
olmalıdır. Kim Əli Kərimlinin partiyasından namizəd olmağa razılıq
verər? Özünə hörmət edən və gələcəyini düşünən şəxs Əli Kərimlinin
partiyasında qalmaz və neçə ki, Əbülfəz Elçibəydən sonra Əli
Kərimlinin yanında “matros” Faiqdən başqa heç kim qalmayıb. Başında
olan 5-10 gənc də vaxtı gələndə onun kim olduğunu bilib, düşərgəni
tərk edəcək.
- Bir qayda olaraq seçki ərəfəsində ölkədə siyasi sabitliyi
pozmağa cəhdlər edilir. Parlament seçkiləri ərəfəsində belə bir
prosesin baş verməsi mümkün görünə bilərmi?
- Bəli, mümkün hesab edirəm. Bu gün Azərbaycanın milli maraqlarını
sevməyən bir çox təşkilatlar və dövlətlər var. Onlar istəmirlər ki,
Azərbaycan Prezidenti cənab İlham Əliyev müstəqil dövlət siyasətini
aparsın. Onlar Azərbaycan dövlətini bu cür görmək istəmirlər.
2013-cü il prezident seçkilərində Rusiya açıq şəkildə Rüstəm
İbrahimbəyovu ortalığa atmaqla Azərbaycan hakimiyyətinə “təzyiq”
etmək yolunu seçdi. Ancaq sonda gördülər ki, bu yolla ciddi bir
uğur qazana bilməyəcək. Hətta radikal müxalifətdən dəstək
almalarına baxmayaraq Azərbaycan xalqından kifayət qədər dəstək ala
bilmədilər. Sonda geri çəkildilər. Noyabr seçkilərində də Qərbin
belə bir təşəbbüsdə bulunmasını gözləmək olar. Bir məqamı
diqqətinizə çatdırım: son 20 ildən artıq müddətdə Əli Kərimli, İsa
Qəmbər, Rəsul Quliyev, Eldar Namazov və digərləri bütün
çıxışlarında bəyan edirlər ki, onlar Qərbyönümlü siyasətçilərdir və
Azərbaycanın gələcəyini də Qərbdə görürlər. Ancaq adi bir jurnalist
Xədicə İsmayılın həbsi onu göstərdi ki, sən demə, Qərbin siyasi
dairələrinin Xədicə İsmayıla verdiyi dəyərin heç birini nə Əli
Kərimliyə, nə İsa Qəmbərə, nə Rəsul Quliyevə, nə də Eldar Namazova
verir. Bu adamların heç birinin Xədicə İsmayıl qədər hörməti yox
imiş.
Asif
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ