Nida.az
Rüstəm İbrahimbəyov Milli Şura ilə yollarını ayırır – ÖZƏL
Milli Şuranın fəxri sədri Rüstəm İbrahimbəyov bu qurumla yollarını ayırmaq niyyətindədir.
Publika.az-ın əldə etdiyi məlumata görə, İbrahimbəyov məsələ ilə
bağlı Milli Şura sədri Cəmil Həsənli ilə telefon danışığında
müzakirə aparıb.
Mənbə İbrahimbəyovun gedişinin bir neçə səbəbi olduğunu
bildirib.
“O, əvvəldən siyasətə qoşulduğu, Milli Şuranın sədri olduğu üçün
peşman idi. Özü də müsahibələrində bunu dəfələrlə dilə gətirib.
Yəni 2014-cü ilin başlanğıcından qurumdan getmək istəyirdi. Faktiki
olaraq, fəxri sədr olsa da, Milli Şuranın heç bir işinə qarışmır.
Məlumatlar var ki, o, hökumətlə münasibətlərini yenidən yoluna
qoymaq niyyətindədir. Qardaşı Maqsud İbrahimbəyov də bu məsələdə
təkid edir. Lakin Rüstəm müəllim vaxtilə birgə olduğu insanları
yarı yolda qoymaq istəmir. Buna görə də indiyə qədər fəxri sədr
olaraq qalıb. Son vaxtlar isə Milli Şuranın fəaliyyətindən
narazılığını açıq şəkildə bildirir. Əsas narazılığı AXCP ilə
bağlıdır. Çünki Əli Kərimli qurumdakı hər kəsi yola saldı və
faktiki olaraq, Milli Şura AXCP-dən ibarətdir. KXCP ilə problemin
yaranmasından sonra Rüstəm müəllim açıq etirazını bildirdi. Söhbət
hansısa partiyanın getməsindən yox, Əli Kərimlinin apardığı siyasət
nəticəsində Milli Şuranın təklənməsindən gedir. Buna görə də Rüstəm
müəllim ümumiyyətlə Milli Şura ilə yollarını ayırmaq
niyyətindədir”, - deyə adının açıqlanmasının istəməyən Milli Şura
üzvü bildirib.
Qeyd edək ki, ötən ilin əvvəlində R. İbrahimbəyov fəxri sədrlikdən
istefa verməklə bağlı Milli Şuraya rəsmi müraciət etmişdi. Lakin
bu, müəyyən müddətə təxirə düşdü.
Məsələ ilə bağlı Publika.az-a danışan qurumun üzvü
Eldəniz Quliyev bundan xəbərsiz olduğunu bildirib: “Məndə belə bir
məlumat yoxdur. Rüstəm müəllim fəxri sədrdir. Fəxri sədr,
bildiyimiz kimi, ümumi statusdur və qurumun işlərində mütləq
formada aktiv iştirak etməyə məcbur deyil. Bildiyim qədər, Rüstəm
müəllim Cəmil Həsənli ilə telefon əlaqəsi saxlayır, bəzi məsələləri
müzakirə edir. Amma bu məsələnin gündəmdə olduğunu bilirəm”.
Milli Şuranın digər üzvü Vidadi Mirkamal da Publika.az-a R.
İbrahimbəyovun Milli Şuranın işlərinə qarışmadığını açıqlayıb: “Ola
bilsin ki, Cəmil Həsənli ilə əlaqələri var. Lakin mənimlə heç bir
təması olmayıb. Rüstəm İbrahimbəyovun Milli Şuranın işinə hansısa
formada müdaxilə də etdiyini, yaxud qurumun işində iştirak etdiyini
görməmişəm. O, Milli Şuranın yaradılmasının təşəbbüskarı olduğu
zaman fəxri sədr olması qərara alındı. Əvvəldən bunun simvolik
olduğu məlum idi. Onsuz da o, əvvəldən ictimai-siyasi həyata nüfuz
etmək imkanında deyildi. Bu gün Milli Şuranın onun qarşısında
hansısa öhdəliyi yoxdur”.
Asif Nərimanlı
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...