Nida.az
Azərbaycanda yeni partiya yarana bilər – Qubad İbadoğlu təməlləri atır
Müsavat Partiyasının VIII qurultayının nəticələrindən narazı qalanlar Qubad İbadoğlunun rəhbərliyi altında yeni partiya yarada bilər. Artıq gələcək partiyanın təməllərinin Azərbaycan Demokratiya və Rifah (ADR”) hərəkatının nəzdində atıldığına dair ehtimallar var.
Müsavat Mərkəzi İcra Aparatının rəhbəri Gülağa Aslanlı da
Publika.az-a açıqlamasında narazıların partiya
yaratması ehtimalını istisna etməyib.
“İndidən gələcəkdə qurmaq istədikləri partiyanın təməllərini
atmaqla məşğuldurlar”, - deyə Müsavat yetkilisi bildirib.
ADR Təşkilat Komitəsinin sədri Qubad İbadoğlu da partiya yaratmaq
variantının olduğunu deyib: “Hərəkatın siyasi partiyaya çevrilməsi
bu ilin proqram fəaliyyətində nəzərdə tutulmayıb. Amma strateji
plan və müzakirələr başa çatmayıb, partiya yaradılması da
alternativ variantlardan biridir. Partiya məsələsi nə vaxtsa
gündəmə gələ bilər”.
Lakin ADR daxilində partiya yaratmaq ideyasına tərəfdar olmayanlar
da var.
“Partiya yaradıldığı barədə şaiyələr yayaraq bizim
fəaliyyətimizə don geyindirilir”
Hərəkatın üzvü, Müsavat Qadınlar Birliyinin (ADR) sədri Ellada
Məmmədli Publika.az-a açıqlamasında Müsavatdan getməyin tərəfdarı
olmadığını bildirib. MQB sədri bir sıra məqamlara da aydınlıq
gətirib: “Təşkilat Komitəsinin yanvarın 3-də olan iclasında kifayət
qədər məsələlər müzakirə olunmuşdu. O ərəfədə rayonlardan olan
müsavatçılar və fərdi insanlar ADR-ə qoşulmaq istəyirdilər. Bu
müraciətləri nəzərə alaraq qrafik tutmuşuq, cədvəl üzrə hərəkət
edirik. İlk təşəbbüs Salyandan olduğu üçün orada ilk təşəbbüs qrupu
yaratdıq. Bu gün Suraxanı rayonunda yaradacağıq, Səbail, Xətai
rayonu da daxil olmaqla cədvəlimizdə 6 rayonun adı var. Lakin biz
partiya yaratmaq niyyətində deyilik. Bizə qoşulanlar müxtəlif
partiyalardan olan adamlardır. KXCP, AXCP, XAP, Ümid
partiyalarından müraciət edib qoşulanlar var. Amma müsavatçılar
üstünlük təşkil edir. Partiya yaradıldığı barədə şayiələr yayaraq
bizim fəaliyyətimizə don geyindirilir. Bu, birmənalı olaraq belə
deyil. Gələcək perspektivdən asılı olaraq qərar veriləcək. Mən
müsavatçıyam və bu partiyanın üzvü olaraq da qalacağam”.
E. Məmmədli qeyd edib ki, Azərbaycan dövlətçiliyində Azərbaycan
Xalq Cəbhəsi bir hərəkat olaraq müstəqillik gətirdi: “İndi isə
demokratik cəmiyyətə doğru hərəkatdır. ADR yaratmaqda məqsədimiz
budur, partiya qurmaq yox. Millətimizə xidmət edərək demokratiya və
əhalinin rifahına çalışırıq. Ona görə də bütün partiyalar bizə
qoşulub onu yönləndirmək istəyir. Müəyyən şəxslərin ürəyindən o
keçir ki, Qubad İbadoğlunun tərəfdarları partiyanı tərk eləsinlər.
Biz müsavatçıyıq və partiyada qalacağıq. Bizi xəyanətkar demək
istəyirlər, ancaq heç də belə deyil. Biz Müsavatda demokratik
durumun olmasını istəyirik, ona görə də fikirlərimizi irəli
sürürük”.
MQB sədri Gülağa Aslanlının icra aparatının rəhbəri təyin
olunmasına da münasibətini bildirib.
“Arif Hacılının komandası deyilən bir şey varsa, təbii ki, burada
ona yaxın olan insanlar iş başında olacaq. Əvvəldən
proqnozlaşdığımız, Qubad İbadoğlunun dediyi fikirlər öz yerini
aldı. Bir adamın həm Divan, həm Məclis, həm də İcra Aparatına
sədrlik etməsi demokratik qayda-qanuna uyğun deyil. Bu yaxınlarda
Sabir Məmmədlinin də fikri olmuşdu ki, icra aparatının
nümayəndələri gərək Divanda iştirak etməsinlər. Məncə, eyni
adamların həm qanunvericilikdə, həm də idarəçilikdə təmsil olunması
yaxşı hal deyil. Məndən əvvəl bunu söyləmiş insanlar var. Bu artıq
reallıqdır. Bu təyinat bizim üçün qəribə olmadı, çünki gözlənilən
idi”, - deyə o, vurğulayıb.
“Gülağa Aslanlı nostradamusluq edir ... partiya
yaratmırıq”
ADR-in Təşkilat Komitəsinin üzvü Hüseyn Məlik də Publika.az-a
açıqlamasında partiya yaratmaq məsələsinin gündəmdə olmadığını
bildirib: “Biz ADR-in təsis konfransına hazırlaşırıq. Bir ay
ərzində bu konfransı keçirmək niyyətindəyik. Mən Təşkilat
Komitəsinin üzvü kimi bütün iclaslarda iştirak etmişəm. Lakin
indiyə qədər Təşkilat komitəsində bu məsələ nə müzakirə olunub, nə
də təklif verilib. Bunun haradan qaynaqlandığını dəqiq deyə
bilmərəm. Sadəcə olaraq, bu ideya Səxavət bəy tərəfindən irəli
sürülüb. Lakin hazırda gündəmdə deyil”.
H. Məlik Gülağa Aslanlının “indidən gələcək partiyalarının
təməllərini atmaqla məşğuldurlar” fikrinə sərt reaksiya verib.
“Gülağa bəy qabaqcadan proqnozlar verməklə nostradamusluq edir.
Gələcəkdə nə olacağını indidən demək çox çətindir”, - deyə o
bildirib.
“Tərəzinin siyasi tərəfi əyilir”
Səxavət Əlisoy isə ADR-in partiyaya çevrilməsini dəstəkləyir.
Publika.az-a açıqlamasında o, bu imkanların böyük olduğunu deyib:
“ADR-in təşkilatlanması tempini siyasi arenaya çıxan ciddi
partiyaların tempi ilə müqayisə etmək olar. Ancaq biz ADR-in
partiyaya çevrilməsi, yaxud hərəkat kimi qalmasını qarşıya məqsəd
qoymamışıq. Hələlik müzakirələr gedir. Bu, gələcəyin söhbətidir.
Burada qərarlar kiminsə fikri ilə deyil, kollegial qaydada qəbul
edilir. İndi bütün fikrimizi hərəkatın rayonlarda təşkilatlarının
yaranmasına yönəltmişik. Müxtəlif siyasi partiyaların təmsilçiləri
var. Bu da onu göstərir ki, tərəzinin siyasi tərəfi əyilir. Birbaşa
partiya yaratmaq məqsəd deyil. Nizamnaməmizdə də siyasi partiya
haqqında söhbət yoxdur. Bəlkə də hərəkat kimi qalıb fəaliyyət
göstərəcəyik, yaxud siyasi partiyaya keçəcəyik. Bütün bunlar
gələcək müzakirələrin nəticəsində bəlli olacaq”.
Asif Nərimanlı
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR
-
Sosial12:31
Kəmaləddin Heydərov onu yüksək vəzifəyə təyin etdi - FOTO
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO