Rusiyalı politoloq: “Bakı sürətli müharibə ilə torpaqlarını azad edə bilər”
Bizi izləyin

Nida.az

Rusiyalı politoloq: “Bakı sürətli müharibə ilə torpaqlarını azad edə bilər”

“2015-ci ildə Dağlıq Qarabağ münaqişəsinin Azərbaycanın ərazi bütövlüyü çərçivəsində həll olunması çətin görünür”.


Publika.az xəbər verir ki, bu barədə rusiyalı politoloq Vitali Arkov deyib.


Onun sözlərinə görə, indiyə qədər münaqişənin sülh və ədalətli həlli üçün beynəlxalq vasitəçilər konkret təkliflə çıxış etməyiblər: “Yəni konkret bazanın mövcudluğu sual altındadır. Bundan sonra münaqişənin Azərbaycanın xeyrinə həlli çətin məsələdir. Bu gün Ermənistan mövcud status-kvonu saxlamaq üçün bütün yollara əl atır. Bu ölkə başqasına aid torpaqlara nəzarət edib və dünya birliyi onun işğalçı olduğunu tanımır, ona qarşı sanksiyalar tətbiq etməyib. 2015-ci ildə Ermənistanın Avrasiya İttifaqının üzvlüyü bu ittifaqda təmsil olunan Moskva və Astananı açıq hərbi qarşıdurma faktı qarşısında qoyacaq. Digər tərəfdən, dünyanın bir çox ölkəsi Dağlıq Qarabağ münaqişəsində Avrasiya İttifaqını tərəf kimi görəcək və müəyyən mənada ədalətli mövqedən çəkinəcəklər. Hərçənd Azərbaycan dövləti bunu bilir və indidən özünü bu prosesə hazırlayır”.


V. Arkov hesab edir ki, rəsmi Bakı sürətli müharibə ilə öz torpaqlarını azad edə bilər.


“Lakin müharibə minlərlə insan itkisi, iqtisadi tənəzzül, həmçinin, beynəlxalq ictimaiyyət qarşısında günahkar duruma düşmək deməkdir. Azərbaycan hakimiyyəti bunları anlayır. Ona görə də müharibə variantını ikinci plana saxlayaraq, daha çox sülh danışıqlarına gedir. Lakin onlar əmindir ki, müharibə etsələr, indiki situasiyada qalib olacaqlar”, - deyə o vurğulayıb.


V. Arkov 2015-ci ildə Avrasiya İttifaqının daha da genişlənəcəyini proqnozlaşdırır.


Asif Nərimanlı

Oxumağa davam et
Reklam
Reklam

Gündəm