Nida.az
Səfir: “Ermənistan müstəqil dövlət kimi davrana bilmir”
“Öz yanlış siyasəti nəticəsində regionun inkişafından kənarda qalan Ermənistan 20 ildən artıqdır müstəqil dövlət kimi davrana bilmir. Bu isə rəsmi İrəvanın öz xalqının gələcəyini nə qədər düşündüyünü şübhə altına qoyur”.
Azərbaycanın ABŞ-dakı səfirliyindən Publika.az-a verilən məlumata görə, bu barədə səfirimiz Elin Süleymanov Cənubi Kaliforniya Universitetinin Vaşinqton şəhərində fəaliyyət göstərən bölməsində professor-tələbə heyəti qarşısında “Azərbaycan: Enerji Siyasəti və Geosiyasət” mövzusunda çıxış zamanı deyib.
Səfir çıxışında Azərbaycan dövlətinin tarixi nailiyyətləri, geostrateji mövqeyi və Ermənistan-Azərbaycan münaqişəsi barədə məlumat verib. O, xüsusilə ölkəmizin iqtisadi inkişafı, enerji, nəqliyyat, informasiya-kommunikasiya texnologiyaları sahəsində Azərbaycanın iştirakı ilə həyata keçirilən iri regional layihələr, o cümlədən Bakı-Tbilisi-Ceyhan və Bakı-Tbilisi-Ərzurum boru kəmərləri, Cənub Qaz Dəhlizi, Bakı-Tbilisi-Qars dəmir yolu xətti, Trans-Avrasiya Super İnformasiya Magistralı layihələri auditoriyanın diqqətinə çatdırıb.
Azərbaycanın regionda məhz müstəqil və praqmatik dövlət kimi etibarlı tərəfdaş olduğunu qeyd edən diplomat Azərbaycanın həmçinin regionda müstəqil siyasət aparan, beynəlxalq hüquqa riayət edən, heç bir dövlətin daxili işlərinə qarışmayan, özünü təmin etmək imkanında olan, bərabər hüquqlu tərəfdaşlığa üstünlük verən ölkə olduğunu vurğulayıb.
Onun sözlərinə görə, bir tərəfdən Avrasiya məkanında baş verən
proseslər, digər tərəfdən isə Azərbaycanın son iki dekadada keçdiyi
müstəqillik dövrü və inkişafı sübut edir ki, Azərbaycan xalqının
ümummilli lideri Heydər Əliyevin zamanında qəbul etdiyi qərarlar
özünün strateji yanaşması və uzaqgörənliyi ilə fərqlənir. Xəzərin
zəngin karbohidrogen ehtiyatlarını dünya bazarlarına açmış “Əsrin
müqaviləsi”ndən 20 il sonra Azərbaycan prezidenti İlham Əliyevin
təşəbbüskarı olduğu Cənub Qaz Dəhlizi layihəsinin həyata
keçirilməsi regional enerji təhlükəsizliyinin gücləndirilməsi ilə
yanaşı, bölgənin ümumi siyasi transformasiyasına təsir edib,
əməkdaşlığın daha da inkişaf etdirilməsinə dəstək verib: “Bunun
nəticəsi olaraq Azərbaycan Cənubi Avropanın yeni coğrafiyasının
formalaşmasının müəllifinə çevrilib. Eyni zamanda, Azərbaycan
Bakı-Supsa kəməri ilə Qara dəniz regionuna, Bakı-Tbilisi-Ceyhan
kəməri ilə Aralıq dənizi regionuna çıxıb, Cənub Qaz Dəhlizi
vasitəsilə isə Xəzər, Qara, Aralıq və Adriatik dənizi məkanı
yaradılıb”.
E.Süleymanov qeyd edib ki, Azərbaycan müstəqilliyin məsuliyyətini tam anlayaraq özünün inkişafı ilə bərabər regionun digər ölkələrinin inkişafına töhfə verir ki, bu xüsusiyyət regionda lider ölkələrə məxsus mövqeyi əks etdirir.
Diplomat son vaxtlar Şərqi Avropada, eləcə də Yaxın Şərqdə baş verən münaqişələrin yenidən kəskinləşməsinə istinad edərək böyük dövlətlərin daha məsuliyyətli yanaşmasının vacibliyini bildirib: “Sabitlik və inkişaf olmayan yerlərdə radikallaşma meylləri daha çox nəzərə çarpır ki, Qərb dövlətləri, o cümlədən rəsmi Vaşinqton tərəfindən daha strateji, düşünülmüş və mövcud reallıqları nəzərə alan yanaşma əhəmiyyətlidir”.
Asif Nərimanlı
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı