Nida.az
Arif Hacılının qardaşından İbadoğluya cavab: “Bu irin-qan yığnağı...” – POLEMİKA
Müsavat başqanı Arif Hacılının qardaşı, Əhrar Partiyasının sədri Vaqif Hacıbəyli Müsavatdan çıxarılan başqanlığa keçmiş namizəd Qubad İbadoğluya cavab verib.
Publika.az xəbər verir ki, V. Hacıbəyli Qubad
İbadoğlunun Arif Hacılıya “qardaşınızın mənim ünvanıma söylədikləri
uydurma böhtan və təhqirlərə görə şeytan da onlara həsəd aparar.
Bunlar heç şeytanın da ağlına gələ bilməzdi” sözlərinə cavabında
bunu təhqir adlandırıb: “Şeytanın kimliyinin hamıya məlum olması
üçün aramızda olan polemikanın qısa xülasəsini vermək
istəyirəm.
Qurultaya qədər bu mövzuya heç toxunmadım, münasibət bildirmədim. Qurultaydan sonra dostumuzun İsa bəyə və Müsavat rəhbərliyinə ünvanlanan ittihamlarına cavab olaraq yazmışam: “İsa bəyin səs hüququnu kim əlindən alıb ki? O, müsavatçı deyil? Budurmu sizin yeni təfəkkürünüz, yeni nəfəsiniz, yeni simanız? Kənardan heç də yaxşı görünmür”. Qubad mənim danışmağa mənəvi və siyasi hüququmun olmadığını deməklə cavab verdi. Mən isə belə cavab vermişəm: “Deyirsən ki, mən bütün Müsavat rəhbərliyinə qarşı apardığım mübarizədə uduzmuşam, mən də bunu faktlarla təkzib etmişəm. Əgər özünü ziyalı hesab edirsənsə, əks arqumentini söylə, dediyini sübut et. Arqumentin yoxdursa “sən özün pis adamsan” tipli polemikaya keçmə, çünki bu sayaq polemika ziyalıya yaraşmır”.
V. Hacıbəyli xatırladıb ki, ötən il noyabrın 8-də Müsavatda Q.
İbadoğlunun tərəfdarları ilə keçirdiyi görüşə hərə bir cür qiymət
verəndə özü barışdırıcı mövqedən çıxış edib: “Yazmışdım ki, Qubad
İbadoğlu noyabrın 8-də bütün müsavatçıları yığıncağa dəvət edərək
“görüşün Müsavatın çağdaş tarixində barışıq, birlik, vəhdət və
bütövlük görüşü kimi yadda qalacağına inandığını” bəyan edib. Nə
qədər lazımlı və gözəl sözlərdi. Mən bu sözlərin səmimiyyətinə
inanmaq istəyirəm və hamını da buna inanmağa çağırıram”. Mənim bu
xoşməramlı mövqeyimə dostumuzun reaksiyası isə bu şəkildə oldu: “O
gedib biznesi ilə məşğul olsun”. Yeni hərəkat yaratdıqlarını bəyan
edəndə də bəzi dostlarımızın aqressiv reaksiyalarına cavab olaraq
yazmışam: “ADR-in yaradılması barədə bəyannaməni oxudum və bu
münasibətlə verilən ilkin rəylərlə tanış oldum. Partiya üzvlərinin
ictimai hərəkat yaratmasının partiya nizamnaməsi ilə bir araya
sığmadığı barədə açıqlamaların hüquqi əsası yoxdur. Hesab edirəm
ki, siyasi baxımdan da qəbul edilən qərar yaranmış vəziyyətdən
məqbul çıxış yollarından biridir.
Bu prosesin partiyanın rəsmən parçalanması və ya hansısa tapşırığın yerinə yetirilməsi kimi dəyərləndirilməsi isə ən azı tələsik verilən qiymətdir. Hər şey indidən sonra atılacaq addımlardan, xoşniyyətli olub-olmamaqdan, aparılan fəaliyyətin daxili qeyri-sağlam rəqabətə, yoxsa irticaya qarşı yönələcəyindən çox asılıdır. Mən tam səmimiyyətlə hərəkatın yaradılması barədə bəyanatı imzalayanlara uğurlar arzulayıram və xeyirli olsun deyirəm”. Yazdıqlarımın mətnindən də görünür ki, bu məsələdə mənim mövqeyim kimlərə qarşıdır. Ən azı heç kəs məni qərəzli olmaqda, ədalətin yanında olmamaqda günahlandıra bilməz”.
Müsavat Divanının Qubad İbadoğlu ilə bağlı qərarına gəldikdə isə,
V. Hacıbəyli bu məsələdə Mirbaba Babayevi dəstəklədiyini
açıqlayıb.
O, Q. İbadoğluya öz sözləri ilə cavab verib.
“Get yazdıqlarını soyuq başla bir də oxu, ya da ədalətinə ən çox
güvəndiyin adama oxutdur, onda biləcəksən ki, bu irin-qan yığnağı
ziyalının missiyası ola bilməz. Bu, sənin “qəzəb gəldi, ədəb getdi”
missiyandır. Bu missiyanın sənin sözdə istinad etdiyin ədalətə və
demokratik ideallara heç bir dəxli yoxdur”, - deyə o bildirib.
Asif
-
Magazin121:05
O getdi, mən də daha yoxam! - Əməkdar artist səhnə ilə vidalaşdı
-
Sosial19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı
-
Sosial17:00
Sabiq baş pediatrın intiharı ilə bağlı cinayət işi başlandı - Yeniləndi
-
Cənubi Qafqaz16:39
Ukrayna deputatları Vardanyanı biabır etdilər - Nobel Komitəsinə müraciət