Nida.az
Vəfa Quluzadə: “Yeganə ümid Rusiya-ABŞ müharibəsinədir”
“Burada itirən Poroşenko olacaq və Ukrayna “II Qarabağ"la üzləşəcək”.
Bunu Publika.az-a açıqlamasında sabiq dövlət
müşaviri, politoloq Vəfa Quluzadə Minsk danışıqlarını şərh edərkən
deyib.
Onun sözlərinə görə, Fransua Ollandla Angela Merkel qələbə çalmaq
istəyir: “Onlar sülh olmasını, yaxud ən azından müvəqqəti olsa
belə, atəşkəsin elan olunmasını istəyirlər. Burda da itirən
Ukraynadır. Çünki atəşkəs olarsa, Poroşenko torpaqlarını
separatçılardan azad etmək hüququndan məhrum olur. Putin
separatçıları de-fakto müstəqillik qazanır. Baxmayaraq ki, Moskva
Ukraynanın ərazi bütövlüyünü tanıdığını bildirir. Rusiya
Azərbaycanın da ərazi bütövlüyünü tanıyır. Amma Dağlıq Qarabağın
azad olunmasına imkan vermir və 20 ildir atəşkəs rejimi tətbiq
olunub. Rusiya olmasa, biz ermənilərlə bir saatın içində danışıqlar
apara, ya sülh, ya da müharibə yolu ilə ərazi bütövlüyümüzü bərpa
edə bilərik. Amma Rusiya burda qılınc kimi göydən asılıb. Ukraynada
da eyni Qarabağ ssenarisidir”.
V. Quluzadə hesab edir ki, Ukraynada atəşkəs olarsa, bu, müvəqqəti
olacaq.
“Çünki müharibədə atəşkəs mənasız prosesdir. Rusiya Ukraynadan
çıxmalı, Proşenkoya Donesktdəki ruslarla danışıqlar aparmağa imkan
yaratmalıdır. Lakin Putin buna imkan vermir və deyir ki, Poroşenko
oradakı rusları qıracaq. Yəni belə təcavüzkar, imperialist siyasət
yürüdür. Göründüyü kimi, hazırda Ukraynada Azərbaycan ssenarisi
tətbiq olunur. Ruslar bu ssenariləri uzun illər öncə icad ediblər.
İşğal edir, öz canişinlərini gətirir. Heç nə dəyişməyib. Sadəcə
olaraq, bircə ümid var”, - deyə politoloq qeyd edib.
Sabiq dövlət müşavirinin fikrincə, yeganə ümid Rusiya ilə özündən
daha böyük imperiyanın – ABŞ-ın savaşmasıdır. Onun sözlərinə görə,
Ukraynada Qərb və Rusiyanın maraqları toqquşdu: “Qərb geri
çəkilməyəcək. İlkin varianta görə, atəşkəs olacaq. Bunun köməyi ilə
Ukrayna Avropa ölkəsinə çevriləcək. Belə olarsa, bu, Rusiyanın
xeyrinə deyil. Putinin məqsədi Ukraynanı tamamilə qarışdırmaqdır.
Ora Yanukoviçin özünü, yaxud onun tipli rəhbər gətirmək istəyir.
Hazırda Ukraynada heç bir müsbət proses görmürəm. Ukrayna ilə
sərhəddə Rusiya qoşun saxlayır və mütəmadi olaraq atəş açır.
Hazırkı situasiya olduqca təhlükəlidir. Çünki Putin nüvə şantajına
qədər gedir. İndi Qərb-Rusiya qarşıdurmasının nəticələrinin necə
olacağı vacibdir. Rusiya imperiyasından bütün zərərçəkmişlər ABŞ-ı
dəstəkləyir. Amma hansının qələbəsinin bizə nə gətirəcəyi məlum
deyil”.
Asif Nərimanlı
-
Sosial20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO
-
Art19:36
Azərbaycan və Türkiyə birgə film çəkəcəklər - ADI AÇIQLANDI
-
Elm və təhsil19:12
Emin Əmrullayev ona VƏZİFƏ VERDİ
-
Kriminal18:12
Tulin Ələkbərovanın sevgilisi tərəfindən döyülməsi faktı araşdırıldı: nəticə... - VİDEO
-
Kriminal17:32
Faciəvi şəkildə ölən tələbənin ailəsi məhkəməyə getməkdən imtina etdi - FOTO
-
Nida Təhlil 17:11
İrəvan “Krokus”la bağlı bəyanatı rədd etdi: Kreml necə cəzalandıracaq?
-
Sosial16:58
Bu avtomobillərlə taksi fəaliyyəti göstərmək qadağan edildi