Nida.az
“Xəstə, intriqaçı, yalançı” – Milli Şuraya “diaqnoz” qoyuldu
Milli Şura iqtidar-müxalifət dialoqunda iştirak edən siyasi partiyaları ittiham edib.
Qurumun Koordinasiya Şurasının toplantısında dialoqda iştirak edən partiyalar hakimiyyətə dəstək verməkdə, “satqınçılıqda” günahlandırılıb.
Publika.az dialoqda iştirak edən siyasi
partiyaların məsələ ilə bağlı fikrini öyrənib.
Azərbaycan Milli İstiqlal Partiyasının (AMİP) sədri Yusif Bağırzadə
Milli Şuranın bəyanatını qeyri-hüquqi və qeyri-siyasi adlandırıb:
“Azərbaycan dünyada kifayət qədər tanınmış ölkədir və burda baş
verən proseslər diqqətlə izlənilir. Yaxın vaxtlarda ölkəmizdə I
Avropa Oyunları keçiriləcək. Dünyanın diqqəti Azərbaycanda olacaq.
Belə bir vaxtda hakim partiyanın təşəbbüsü ilə ölkədə fəaliyyət
göstərən siyasi partiyalarla dialoq təqdirəlayiqdir. Bu
Azərbaycanda demokratiya və söz azadlığının inkişafına xidmət
edəcək”.
AMİP sədri hesab edir ki, bu dialoqlardan sonra parlament seçkiləri
daha şəffaf olacaq.
“Bu dialoqların ardıcıl olması da ümumi prosesə xeyir verəcək. Mən
görüşdə siyasi partiya sisteminin təkmilləşməsi üçün təkliflər
paketi hazırladığımızı bildirdim. Bu məsələlər də gündəmə gələcək
və bütün bu məsələlərin hamısı yalnız dialoqlarda həll olunur.
Təzyiq, təhqir, bir-birini ittiham etməklə heç bir problem yoluna
qoyulmur”, - deyə o bildirib.
Azərbaycan Demokratik Partiyasının (ADP) sədri Sərdar Cəlaloğlu
Milli Şura və AXCP-nin müxalifətçiliyinin xalqa heç bir xeyir
gətirmədiyini deyib. Onun sözlərinə görə, bu siyasi qüvvələrin
indiyə qədər bacardığı ən yaxşı şey ittiham etmək və söyməkdir:
“Belə çıxır ki, ölkənin bütün siyasi qüvvələri satqın və
ağılsızdır. Bircə onlar hər şeyin düzünü bilirlər. 20 ildir
müxalifətçilik edirlər, amma bu müddət ərzində bircə dəfə də olsun
xalqı, ölkəni irəli aparacaq məsələləri qaldırmayıblar. Ancaq
kiminsə fəaliyyətini təftiş etmək, ittiham etmək, özlərini mühakimə
edən prokuror kimi aparmağı bacarırlar. Xalqa mənasız sözlər,
mənasız vədlərdən başqa nə veriblər?”
S. Cəlaloğlu iqtidar-müxalifət dialoqunun ölkənin gələcəyinə xidmət
etdiyini deyib.
“Dialoq demokratiyanın əsas elementlərindədir. Problemləri
dialoqlarda həll olunan ölkələr həmişə inkişaf edib. Biz 20 ildə
ittiham etməyin, qarşıdurmanın hansı nəticələr verdiyini görmüşük.
Əslində bu nəticəsizlik olub. Sən iqtidarı burdan söy, onlar cavab
versin və belə davam etsin. Amma hara qədər? Bu ölkəyə, xalqa nə
verib? Heç nə. AXCP, Milli Şura kimi demokratik düşüncəsi dar
olanlar üçün yalnız özlərinin etdiyi doğrudur. Əslində bu
xəstəlikdir. Xəstəlik mütləq hansısa orqanın sıradan çıxması demək
deyil. Ən ağır xəstəlik beyində, düşüncədə olan çatışmazlıqlardır.
Hesab edirəm ki, siyasi partiyaların bir araya gəlib görüşməsi,
problemlərin həllini dialoq yolu ilə axtarması ən məqbul
variantdır. Müsavatın da bu prosesə qoşulacağına ümid edirəm. Qoy
Milli Şura burda olmasın. Onların olması, yaxud olmaması heç nəyi
dəyişdirmir”, - deyə o bildirib.
Klassik Xalq Cəbhəsi Partiyasının (KXCP) sədri Mirmahmud Mirəlioğlu
da Milli Şuranın yanaşmasının absurd adlandırıb. Onun sözlərinə
görə, Milli Şura rəhbərliyi öz rəhbərliyini aldadır: “Guya iqtidar
tərəfi onlara dəfələrlə zəng edib, dəvətlər göndəriblər. Onlarsa
mövqelərini dəyişməyib. Bunu prinsipiallıq kimi təqdim edirlər. Bu
cür yalan danışmaq heç kimə yaraşmır. Mən Koordinasiya Şurasında
təmsil olunan bir sıra insanlara hörmət edirəm. İstəyim onları
nədəsə ittiham etmək də deyil. Əslində dialoq qəbul etməmək olar.
Lakin bunu normal dillə ifadə etmək mümkündür. Yoxsa, təhqir,
ittiham dilində danışmaq heç kimin haqqı deyil. Ölkənin əksər
siyasi qüvvələri görüşdə iştirak edib, həll olunub - olunmamasından
asılı olmayaraq, problemləri dilə gətirib. Onlar nəyi səhv
ediblər?”
M. Mirəlioğlu dialoqun bütün cəmiyyətə xeyrinin olacağını bildirib.
Onun sözlərinə görə, cəmiyyətin bir parçası olan Milli Şura da bu
görüşlərin nəticələrindən bəhrələnəcək.
“Ən azından siyasi islahatların sürətlənəcəyinə, daha rahat mühitin
yaranacağına ümidlər var. Bu isə bütün siyasi partiyalara xeyirdir.
Xeyirli bir işi ləkələmək yaxşı hal deyil”, - deyə o bildirib.
Azadlıq Partiyasının sədri Əhməd Oruc Milli Şuranın dialoqa qarşı
çıxmasını ölkədə qarışıqlığın baş verməsində maraqlı olması ilə
əlaqələndirib: “Onların dialoqun əleyhinə çıxış etməsi, ölkədə
qarşıdurmanın davam etməsində maraqlı olması təəssüf doğurur. Bu
qüvvələr nə hansısa problemin həlli üçün ağıllı yol göstərə
bilirlər, nə də bu istiqamətdə hansısa təşəbbüsləri dəstəkləyirlər.
Bacardıqları da ancaq ittiham etmək, ləkələməkdir. Bu, sağlam mövqe
deyil”.
Partiya sədri hazırkı dövrdə iqtidar-müxalifət dialoqunun olduqca
pozitiv olduğunu bildirib.
“Bu prosesə aktiv siyasi qüvvələr qoşulur və ümumi məqsəd
cəmiyyətin inkişafına, daha yaxşı ölkənin qurulmasına xidmət
etməkdir. Biz bunu ölkə üçün edirik. İndi kim görür, kim görmür,
yaxud görmək istəmirsə, bu, onların problemidir”, - deyə o
bildirib.
Asif Nərimanlı
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO
-
Region09:06
I Aram Ərdoğana cavab verdi: Unutmayın ki...
-
Nəqliyyat08:32
Bu yollarda tıxac var - SİYAHI
-
MDB08:17
Generalın və ailəsinin əmlaklarının üzərinə həbs qoyuldu
-
ABŞ08:05
Rusiya nüvə başlığı daşıya bilən peyk hazırlayır - ABŞ