Britaniyalı parlamentarilər Xocalı qurbanlarının xatirəsini yad edib

Böyük Britaniya Parlamentində Mühafizəkarlar Partiyasını təmsil edən, Böyük Britaniya-Azərbaycan Parlamentlərarası Dostluq Qrupunun üzvü Bob Bləkmən Xocalı faciəsinin 23-cü ildönümü ilə əlaqədar 805 saylı petisiya ilə (Early day Motion) həmkarlarına müraciət edərək imza toplama kampaniyasına başlayıb.

Petisiya Böyük Britaniya Parlamentinin saytında (http://www.parliament.uk/business/publications/business-papers/commons/early-day-motions/edm-detail1/?session=2014-15&edmnumber=805) yerləşdirilib. Petisiyaya 4-dən artıq millət vəkili qoşulub.

Petisiyada 1992-ci ilə fevralın 26-da Xocalı şəhərinə erməni silahlı qüvvələrinin hücumundan 23 il ötməsi və bunun nəticəsində qətlə yetirilmiş 613 insanın əziz xatirəsi yad edilir, Azərbaycan xalqına baş sağlığı verilir və Böyük Britaniya hökumətinin münaqişəsnin Birləşmiş Millətlər Təşkilatının Təhlükəsizlik Şurasının 822, 853, 874 və 884 saylı qətnamələri əsasında sülh yolu ilə həll edilməsinə çağırış edilir.