Nida.az
Kod adı “...” olan casus: xarici kəşfiyyata bağlı olan partiya sədri kimdir?
Razi Nurullayev AXCP-dən gedəndən sonra Əli Kərimli
haqda açıqladığı faktlar şok effekti yaradır. Əslində buna qədər
müəyyən ehtimallar, dəlillər var idi. Lakin AXCP daxilindən çıxmış,
bu mətbəxdə nələrin bişdiyini ən azı müşahidə etmiş bir şəxsin
dedikləri təkzibolunmaz idi.
Bunun ardınca Milli Məclisin üzvü, 90-cı illərin siyasi
kuluarlarına yaxşı bələd olan BAXCP sədri Qüdrət Həsənquliyev AXCP
sədri haqda maraqlı fakt açıqladı.
“Gündəlik teleqraf” qəzetinə müsahibəsində Q. Həsənquliyev Əli
Kərimlinin Rusiya kəşfiyyatına bağlı olması haqda ciddi faktların
olduğunu deyib.
“Əli Kərimli bu gün maliyyəni Qərbdən alsa da, onun Rusiyaya işləməsini düşünməyə ciddi əsaslar var. Məsələn, Əli Kərimlinin Qənimət Zahidi pul üçün Rusiyaya göndərməsi. Qənimət Zahid Cənubi Azərbaycandan yazırdı, Əbülfəz Elçibəyin yanında idi. Onun İrana göndərilməsi anlaşılan deyildi. Bildiyiniz kimi, Qənimət Zahid Azərbaycana qayıdan kimi dedi ki, onu İranda saxlayıblar, əməkdaşlığa cəlb etmək istəyiblər. Adətən, ikili agentlər bu metoddan istifadə edirlər. Ona görə deyirəm ki, Əli Kərimlinin sovet vaxtından KQB-yə işləməsi ilə bağlı ciddi əsaslar var. Bu günə qədər mətbuatda dəfələrlə məsələ qaldırılıb ki, onun vəsiqəsinin “Krasnaya Zvezda” qəzetində çap olunması necə baş verə bilərdi, ancaq Əli Kərimli bu məsələyə aydınlıq gətirmir. Çünki bilir ki, mətbuat bunu araşdıracaq.
Razi Nurullayevlə bağlı məlumatı da Əli Kərimliyə Rusiya kəşfiyyatı
verib. Əli Kərimli ABŞ və Britaniya səfirliyinin adını çəkir və özü
də bilir ki, partiyadan çıxardığı adam bu haqda mətbuata danışacaq,
deməli, böyük ehtimalla ona məlumatı Rusiya kəşfiyyatı verib. Razi
Nurullayevlə bağlı deyiblər ki, bu, milli düşüncəli şəxsdir, ondan
ehtiyatlı ol. İstisna etmirəm ki, Əli Kərimli müavinlikdən
çıxardığı şəxsin mətbuatda bu haqda danışacağını bilməmiş deyildi.
Nə vaxt ki, Rusiya ilə indiki iqtidarın münasibətləri yaxşıdır, Əli
Kərimlidən Rusiya kəşfiyyatı öz xeyrinə istifadə edəcək”, - deyə o
bildirib.
Bu açıqlama Azərbaycanın siyasi müxalifətində vaxtilə KQB
tərəfindən “verbovka” olunanların mövcudluğu məsələsini gündəmə
gətirdi. Hansı ki, media bunu dəfələrlə yazıb, zaman-zaman müzakirə
mövzusu olub.
Lakin bir məqam da xüsusi diqqət çəkir. Əli Kərimlinin İrana
bağlılığı. Misal üçün, bu gün Əli Kərimlinin vaxtilə İrana
göndərdiyi Qənimət Zahidin redaktorluğu ilə “Azərbaycan saatı”
verilişi yayımlanır. Azərbaycan iqtidarına qarşı sərt mövqeyi ilə
seçilən veriliş hazırda “Qüds TV”-nin peyki vasitəsilə efirə gedir.
Bu televiziyanın rəhbəri Nurəddin Şirinin İrana bağlı olduğu haqda
informasiyalar var. Hətta İsrail kəşfiyyatı Mossadın 27 fevral 2012
tarixli məlumatında deyilir: “Nurəddin Şirin İslami Vəlfəcr
internet səhifəsini idarə edir. İllərdir Türkiyədə və ondan kənarda
İran üçün təbliğat aparan radikal siyasi fəaldır. “Hizbullah” və
“Həması” açıq dəstəkliyir”.
Təxminən iki il öncə mediada Əli Kərimlinin İran kəşfiyyatına bağlı
olması haqda iddia yer aldı. O zaman onu “Əli” kod adı ilə təqdim
ediblər. Əbülfəz Elçibəyin qardaşı oğlu Hürrü Əliyev bu haqda
ictimaiyyətə sənəd də açıqlamışdı.
Sənəd deyilir ki, “Əli” adında agent İranın Bakıdakı səfiri
Nəhavəndianın səfirliyin diplomatları ilə keçirdiyi müşavirədə
Azərbaycan dövlət nümayəndə heyətinin İrana rəsmi səfərinin
nəticələrini yüksək qiymətləndirib. Qeyd edir ki, Azərbaycan
rəhbərliyinin qonşu İran dövlətinin böyüklüyünü dərk edərək üzünü
ona tərəf çevirir, Türkiyə siyasəti Azərbaycanda puça çıxır, İranın
nüfuzu isə artır.
“Bu imkanı əldən verməmək üçün Azərbaycana humanitar yardım kimi
ərzaq və başqa istehlak malları göndərilməli, İran-Azərbaycan
vətəndaşlarının vizasız bu dövlətə gediş-gəlişini təmin edilməli,
Naxçıvan və Lənkəranda İranın baş konsulluqları açılmalıdır. İran
televiziya proqramı birbaşa Azərbaycan televiziya kanallarının
birində göstərilməli, bəzi rayonlarda İranın dini məktəbləri və
mədrəsələri açılmalıdır. Azərbaycanın ali və orta təhsil
ocaqlarında iranlıların təhsil alması, yerli həkimlərin müqavilə
əsasında İrana işləməyə göndərilməsi kimi məsələlər tezliklə
həllini tapmalıdır”, - deyən “Əli” adlı casus bu istiqamətdə
çalışacağına söz verir.
İki vərəqdən ibarət arayışda Azərbaycanın o vaxtkı dövlət katibi
(Əli Kərimli) və Milli Məclis sədrinin prezidentdən (Əbülfəz
Elçibəy) nüfuzlu olduğu qeyd olunur. Bütün siyasi məsələləri onlar
həll etdiyi üçün həmin iki şəxslə əlaqələrin möhkəmləndirilməsinin
vacibliyi vurğulanır. Azərbaycan-İran münasibətlərində siyasi
gərginlik yaranarsa, “Naxçıvan” məsələsinin ortaya atılması
variantı çıxış yolu kimi göstərilir.
Hazırda Türkiyədə yaşayan Hürrü Əliyev Publika.az-a açıqlamasında
dediklərinin nağıl, yaxud cəfəngiyyat olmadığını, ciddi və tutarlı
əsaslara söykəndiyini bildirib: “Mən bunları 2003-cü ildən bəri
deyirəm. Hər dəfə deyəndə mənə hökumət adamı ittihamı
səsləndirilir. Bu təşkilatların, “liderlərin” mövqelərini düzgün
analiz edərək onların yanlış yolda olduğunu, ambisiya və öz
məqsədləri üçün fəaliyyət apardıqlarını görürəm. Minlərlə fədakar,
vətənpərvər cəbhəçini, gəncləri öz siyasi ambisiyalarına qurban
verirlər. Halbuki bütün cəbhəçilər, milli qüvvələr, o cümlədən
gənclər Elçibəy ideologiyasının ardınca getmək üçün AXC-də idi.
Onlar milli xətt, torpaqlarımızın azadlığı, ərazi bütövlüyü naminə
bura toplaşmışdı. Neçə-neçə aydınlarımızı, hərəkatçıları, mübariz
insanları Əli Kərimli bu 14 ildə xərcləyə-xərcləyə gəldi, hər kəs
də seyrçi qaldı. Tənqid və iradlarımızı bildirəndə adımızı “hökumət
adamı” qoyurlar”.
H. Əliyev təkcə Əli Kərimlinin yox, ona yaxın bir neçə şəxsin İran
və Rusiya kəşfiyyatına bağlı olduğunu bildirib.
“Bütün bunları hələ 10 il öncə demişəm. 2003-cü ildən başlayaraq,
yaradılan bütün birlik və blokların əleyhinə çıxış etmişəm. Çünki
bu birliklər xalqın mövqeyini ifadə etmir, sadəcə olaraq, seçkiyə
hesablanıb. Seçki bitəndən sonra dağılır. Ən son Mili Şura yarandı.
O vaxt bu qurumun boş olduğunu və bir ildən sonra dağılacağını
dedim. Belə də oldu. Bu insanlar 14 ildir bir-birini təhqir edir,
küsür, sonra da heç nə olmamış kimi bir yerə toplaşırlar. Xalqı və
özlərini aldatmaqdan başqa heç nə etmirlər. Bu gün Azərbaycan
gəncliyinin milli ideologiya yönündə mübarizə aparmasına ehtiyac
var. Lakin təəssüflər olsun ki, nə belə bir təşkilat var, nə də
siyasi lider. Xüsusi qeyd etmək istədiyi bir məsələ var. AXCP milli
düşüncədən, bütöv azərbaycançılıqdan və Elçibəy ideologiyasından
uzaq, yolundan azmış xəyanətkarın əlindən alınıb öz varisinə
verilməlidir. AXCP gəncliyi və hərəkatçılar mənim bu fikrimi yaxşı
düşünsünlər. Əli Kərimliyə siyasi milli xətt yox, Xalq Cəbhəsinin
sadəcə adı və statusu lazımdır”, - deyə o bildirib.
H. Əliyev qeyd edib ki, bu gün Azərbaycanda müxalifət deyə bir şey
yoxdur. Onun sözlərinə görə, yeni qüvvələr, xüsusilə indiki gənclik
milli ideologiya, bütöv azərbaycançılıq ideologiyası missiyasını öz
üzərinə götürməli, təşkilatlanmalıdır: “Bu gün müxalifət dediyimiz
düşərgə öz dövlətinin ayağını qazan, müstəqil Azərbaycan dövlətinə
qarşı hər kəsdən, hətta xarici düşməndən dəstək alıb xəyanət etməyə
hazır olanlardır. Öz millətini, dövlətini sevən siyasi liderlər bu
gün birlik, bərabərlik nümayiş etdirib öz dövləti ilə birgə əsas
ana problemimiz olan Qarabağı azad etmək üçün mübarizə aparmalıdır.
Daha tarix boyu bu məmləkətə, xalqa tarix boyu qənim kəsilən rus və
fars şovinizminə çalışmaz”.
Asif Nərimanlı
-
Dünya14:08
Makronla Silvanın romantik pozaları gündəmi silkələdi - FOTO
-
Sosial13:47
Bu şəxslər pensiyaya 5 il erkən çıxacaq
-
Yaxın Şərq13:16
Mahmud Abbas ermənini nazir təyin etdi - FOTO
-
Sosial13:03
Sabah 25 dərəcə isti olacaq
-
Magazin112:31
Rəşad Dağlının oğluna görün nə hədiyyə etdilər - FOTO
-
İdman12:01
Corcina Ronaldodan geri qalmır: Görün nə oyun çıxardı - VİDEO
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır