Nida.az
Üç il öncənin və bu günün təkrarlanan ssenarisi: Bakıya qarşı təzyiq və məşhur “hüquq müdafiəçiləri”...
Üç il öncə, 2012-ci il... “Eurovision-2012” mahnı müsabiqəsinə Bakı ev sahibliyi edir.
Həmin dövrün mənzərəsi, yəqin ki, çoxlarının yadındadır. Avropanın
QHT səviyyəli bir sıra qurumları Azərbaycana qarşı kampaniyaya
başlamışdı.
“Qanunsuz söküntülər”, “heyvanlara qarşı qəddar münasibət”, saxta
“siyasi məhbus” siyahıları... mayasında qərəz olan bu
kampaniyaların əsas motivləri bunlar idi.
Bu təşkilatlara “qulluq edən” bir sıra xarici və yerli media orqanı
bu tipli manşetlər atır, sadə azərbaycanlının həyatına dair özünü
də təəccübləndirən “faktlar” tirajlayırdı. Lakin müsabiqə
keçirildi, özü də avropalı mütəxəssislərin özlərinin dili ilə
desək, yarışma tarixinə qızıl hərflərlə yazılan bir müsabiqə
kimi.
Bakı bu ssenariləri izlədi, şəhərin ən sadə sakinləri, siyasətə
qarışmayan vətəndaşlar belə bu cür qərəzli filmlərə tamaşa
etdi...
“Eurovision-2012”-dən 3 il ötür və kompromatçılar üçün Azərbaycanı
qaralamaqdan ötrü yeni imkan tapılıb.
Tarixdə ilk dəfə I Avropa Oyunları keçirilir. Müxtəlif namizədlər
arasında gərgin keçən seçim turunda Azərbaycan bir çox üstünlüklərə
görə yarışmaya ev sahibliyi etmək hüququnu əldə etdi. Hazırda
oyunların Təşkilat Komitəsi gərgin iş rejimində çalışır və hazırlıq
işləri aparılır. Oyunların keçiriləcəyi məkanlar son tamamlanma
işlərini yekunlaşdırır, loqonun hazırlanması və bir sıra işlər başa
çatdırılıb.
Belə bir beynəlxalq idman yarışının Bakıda keçirilməsi Azərbaycanın təbliği və dünya ictimai rəyində mühüm yer tutması baxımından önəmlidir.
Lakin təəssüf ki, bu ölkəni sevməyənlər hər zaman startda dayanıb.
Onlar üçün kiçik bir məqam lazımdır ki, Azərbaycan haqda bu ölkənin
vətəndaşlarının “bilmədiyi faktları” ortaya çıxarsınlar.
Yenə üç il öncəki ssenari gündəmdədir: “Qanunsuz söküntülər”,
“heyvanlara qarşı qəddar münasibət”, saxta “siyasi məhbus”
siyahıları, “azadlıqların boğulması”, insanlar haqları və uzun bir
siyahı.
Bu işin mayasında qərəzin olması ilk baxışdan diqqət çəkir. Ən
azından sual yaranır: bu sadalanan problemlər Azərbaycanda var
idisə, onu dilə gətirən təşkilatlar indiyə qədər niyə susurdu? Nə
üçün məhz I Avropa Oyunları ərəfəsində və dünyanın diqqətinin
Azərbaycana yönəldiyi bir vaxtda bu “problemlər” qabardılır?
“Problemlərdən” danışan təşkilatların adı Azərbaycan insanı üçün
çox şey deyir.
“Amnesty İnternational” təşkilat: İnsan haqları məsələsini özünə
bayraq edən bu təşkilat məsələ Azərbaycanın üzərinə gələndə
əvvəldən hazırladığı “hesabatı” işə salır. Bu hesabatların heç
birində fikir balansı qorunmur, yalnız birtərəfli şəkildə təqdim
olunur və onun istinad etdiyi mənbələrin kimliyi Azərbaycan insanı
üçün məlumdur. Bu baxımdan, “Amnesty İnternational” Azərbaycanla
bağlı açıqladığı fikirləri imtahana girən şagirdin “şparqalkası”
hesab etmək olar. Təşkilat ev tapşırığına uyğun olaraq I Avropa
Oyunlarının Bakıda keçirilməsini boykot etməyə çağırır.
Milli Məclisin üzvü Aydın Mirzəzadə Publika.az-a
açıqlamasında adıçəkilən təşkilatın Azərbaycana qarşı münasibətinin
heç vaxt yaxşı olmadığını deyib: “Bu münasibət daim obyektivlikdən
uzaq, hansısa qərəzlərə söykənən münasibət olub. Bunu hər zaman
görmüşük. Vaxtilə “Eurovision-2012” mahnı müsabiqəsində bu
təşkilatın tutduğu mövqeyə hər kəs şahid oldu. Görünür, Avropa
Oyunlarının Bakıda keçirilməsi təşkilat rəhbərliyi və onların
dolayısı yolla erməni lobbisinə çıxan bağlantıları üçün əsl
məqamdır. Maraqlıdır ki, belə təşkilatlar heç vaxt sadə insanın
problemini düşünərək addım atmır, yaxud buna uyğun fikirlər
səsləndirmir. Onlar müəyyən qüvvələrə xidmət edən təşkilat olaraq
tapşırıqlar nəticəsində belə bir “məhsul” ortaya qoyurlar. Əvəzində
isə özlərinə lazım olan maliyyəni əldə etməyə çalışırlar”.
Millət vəkili qeyd edib ki, burada Azərbaycanı istəməyən qüvvələrin
rolu açıq şəkildə özünü göstərir.
“Azərbaycanın güclənməsini, artan gücünü qəbul edə bilməyən
qüvvələr var. Avropa oyunları kimi möhtəşəm tədbirin Bakıda
keçirilməsi də ölkəmizə verilən qiymətdir. “Amnesty İnternational”
ölkəmizin imicini korlamağa, nüfuzuna xələl gətirməyə çalışaraq
dezinformasiyalara əsaslanan açıqlamalar verir. Lakin hər şeyə
rəğmən Azərbaycan həmişə olduğu kimi bu möhtəşəm tədbirə də
layiqincə ev sahibliyi edəcək”, - deyə o bildirib.
“Amnesty İnternational”la bir medalyonun iki üzü olan “Human Rights
Watch” təşkilatı da boykot çağırışlarına qoşulub və Azərbaycanı
ittihamlar “yağışına” tutub.
Milli Məclisin üzvü Asim Mollazadə Publika.az-a açıqlamasında
“Human Rights Watch” kimi təşkilatların qərəzli açıqlamalarına
əhəmiyyət verməməyi tövsiyə edir. Onun sözlərinə görə, bu tipli
təşkilatların Azərbaycana qarşı münasibəti təəccüblü deyil.
“Onların müəyyən dairələrə bağlı olduğu və onların fikirlərini
ifadə etdiyi bəlli məsələdir. Hesab edirəm ki, buna əhəmiyyət
vermək lazım deyil. Vaxtilə “Eurovision” müsabiqəsi zamanı
Azərbaycanı ləkələmək üçün hər şey etdilər. Amma nəticə fərqli
oldu. İndi də bu cür addımlar atacaqlar. Amma əsas odur ki,
Azərbaycan bu tədbiri də möhtəşəm şəkildə keçirəcək. Çünki bizim
təcrübəmiz var”, - deyə o bildirib.
Bu təşkilatların Azərbaycanda təbliğini həyata keçirən media
orqanlarının olması da təəccüblü deyil. Hansı ki, biz zaman-zaman
media prinsiplərini pozan “Azadlıq” radiosu, “Azadlıq” qəzeti,
Meydan TV kimi yerli KİV-lərin tutduğu yolun şahidi olmuşuq. Çünki
bu media orqanları və onların fikirlərini təbliğ etdiyi təşkilatlar
eyni mənbələrə bağlıdır. Onların fəaliyyəti də eyni mənbələrdən
maliyyələşir.
Lakin tarixi təcrübə göstərir ki, bütün qərəzli kampaniyalara,
saxta ittihamlara rəğmən, Azərbaycan I Avropa Oyunlarını dünyaya
nümunə olacaq formada keçirəcək.
Asif Nərimanlı
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO
-
İqtisadi gündəm14:17
Azərbaycan əhalisi ərzağa bu qədər pul xərcləyir: Maaşdan yerdə nə qalır?
-
Səhiyyə13:51
Teymur Musayev əmr imzaladı - Bu uşaqlara...
-
İdman13:26
Musa Qurbanlının Messi ilə FOTOSU yayıldı: Onlar necə görüşüb?
-
İdman13:01
"Real"ı yarımfinala daşıyan Luninin memar gözəlçəsi - FOTOLAR