Nida.az
"Azərbaycanlılar da meydandadır" - Kiyevdə yaşayan jurnalist danışır
Ukraynada küçə döyüşləri davam edir. 25 nəfərdən artıq insanın öldürüldüyü meydanda yaralananlar arasında azərbaycanlının da olduğu deyilir.
Ukraynada fəaliyyət göstərən GUAM Ölkələri Jurnalistlərinin
Araşdırma Mərkəzinin direktoru, uzun müddət Ukrayna parlamentində
aparıcı mütəxəssis olmuş Elxan Nuriyev Publika.Az –a açıqlamasında Maydandakı son
durum, ölkədə ictimai və siyasi vəziyyəti şərh edib.
“Bir neçə dəqiqə əvvəl Maydana iki avtobus kömək
gəldi”
Hər iki tərəfdən ölən və yaralanın olduğunu deyən E. Nuriyev
bildirib ki, 25 nəfərin öldürülməsi rəsmi olaraq təsdiq edilib:
“Öldürülənlərin 10 nəfəri hüquq-mühafizə orqanlarının əməkdaşları,
yerdə qalanı isə özünümüdafiə qüvvələrinin üzvləridir. Hamısı bir
qayda olaraq oldu silahdan açılan atəşlə öldürülüb. Şəhərdə müəyyən
təxribat qrupları da var. Maydandan kənarda da belə hadisələr baş
verir. Dövlət Avtomobil Müfəttişliyinin iki zabitini güllələyiblər.
Başqa yerdə iki nəfər dinc adamı sikinxedlər öldürüb. Vəziyyət
olduqca gərgindir. Artıq prezident vəziyyətlə bağlı fərman verib.
Sabah Ukraynada matəm günüdür. Şəhərə giriş məhdudlaşdırılıb,
magistral yoldan gələn bütün maşınlar yoxlanılır. Amma yol tapıb
gələnlər də var. Bir neçə dəqiqə əvvəl Maydana iki avtobus kömək
gəldi”.
“Bir neçə günə Ukrayna diasporu ayağa qalxar, o zaman
Yanukoviç tam izolyasiya olacaq”
Həmyerlimiz qeyd edib ki, Qərbi və Mərkəzi Ukraynada hərbi
hissələr, yerli icra hakimiyyətləri orqanları camaatın əlində
keçib. Onun sözlərinə görə, bu proses Kiyevə doğru irəliləyir. O,
baş verənləri 1990-cı ilin qanlı yanvarına bənzədir.
“Hadisələri o zaman Bakıda baş verənlərlə müqayisə etmək olar. Hər iki tərəfdən yüksək səviyyəli siyasətçilərə heç nə olmayacaq. Nə olacaqsa, vətənpərvər, qeyrətli insanlara olacaq. Təbii ki, bu hakimiyyət uzun müddətli ola bilməz. Çünki Avropa artıq hakimiyyəti izolyasiyaya edir. Bununla bağlı çağırışlar var. Heç kəs unutmasın ki, ukraynalıların dünyanın aparıcı ölkələrində-Amerikada, Kanadada, Avstraliyada, Braziliyada, Argentinada 20 milyonluq güclü diasporu var və onlar dünya ölkələrinə təsir etmək gücündədirlər. Bu gün hakimiyyət özünü Belarusiya kimi aparmaq istəyirsə, bu ukraynalılarla alınmayacaq. Hesab edirəm ki, bir neçə günə dünyadakı ukraynalılar da ayağa qalxacaq və o zaman Yanukoviç tam izolyasiya olacaq”-deyə o vurğulayıb.
Azərbaycanlıların da meydanda olduğunu deyən E. Nuriyev kiminsə
yaralanmasından, yaxud hansısa xəsarət almasından xəbərsiz olduğunu
bildirib. Onun sözlərinə görə, Maydanda ölənlər arasında gürcü də
var, digər millətlərdən olanlar da. Amma azərbaycanlılarla bağlı
dəqiq məlumatı yoxdur, çünki vəziyyət olduqca qarışıqdır.
Uzlaşdılar deyərkən qəfil toqquşmalara səbəb nə
oldu?
E. Nuriyev müxalifətlə hökumətin uzlaşdığı deyildiyi bir vaxt bu
cür qarşıdurmanın yaranmasının detallarını açıqlayıb. Bildirib ki,
dünən səhər saat 10:00-da parlamentin iclası başı tutub: “Ukrayna
parlamenti belədir ki, bir həftə işləyir, bir həftə yoxdur. Birinci
günlər də gündəliyin təsdiqinə həsr olunur. Ən vacib məsələlər də
parlamentdə yalnız həftənin bir günü müzakirəyə çıxarıla bilər.
Qanunvericiliyə görə belədir. Dünən - fevralın 18-də səhər saat
10:00-da parlamentin sədri 226 səslə yeni parlament çoxluğunu
gündəliyə salmalı idi. Belə olsaydı, yeni hökumətin ilkin
konturlarını müəyyənləşdirmək mümkün olacaqdı. Yeni hökumətdə
kimlərin təmsil olunacağı ilkin variant olaraq biləcəkdi. Bu gün də
danışıqlar getməli idi və sabah-ayın 20-də yeni hökumətin ilk
konturları səsə qoyulmalı idi. Dünən yeni parlament çoxluğunun
qəbul edilməsi üçün parlamentə birbaşa təzyiq etmək məqsədilə
Maydandan təşkil edilmiş xüsusi qruplar parlament binasına doğru
irəliləməyə başladı. Onlar çöldə gözlədiyi vaxt, parlament sədri
məsələni gündəliyə çıxarmadı və gərginlik başlandı. Hər iki tərəf
günahkardır. Bir tərəfdən sözünü tutmayan parlament sədri, digər
tərəfdən özlərini yaxşı aparmayan müxalifət. Beləliklə, vəziyyət bu
həddə qədər gəlib çıxdı”.
Asif Nərimanlı
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO