Nida.az
Bzejinskinin Azərbaycan proqnozu – təhlükə nə qədər realdır?
Məşhur Amerika politoloqu Zbiqnev Bzejinski Azərbaycanın da adını çəkərək təhlükəli proqnozla çıxış edib.
Publika.az xəbər verir ki, Bzejinski Moldova,
Gürcüstan və Azərbaycanın qaynar nöqtələrə çevrilməsi ehtimalını
yüksək qiymətləndirib: “Əgər Ukraynadakı müharibə Rusiya üçün
uğurlu olsa, onda eyni proseslər başqa məkanlarda da davam edəcək.
Rusiya prezidenti Vladimir Putinin davranışlarının analizi göstərir
ki, Moskvanın hücumu Ukrayna ilə bitməyəcək. Baltikyanı ölkələr,
Gürcüstan, Moldova, Azərbaycan, hətta Polşa da təhdid altındadır.
Mən peyğəmbərlik edib qara ssenarilər haqda proqnoz vermək
istəmirəm. Lakin Rusiyanın Ukrayna ilə kifayətlənməyəcəyi ehtimalı
böyükdür”.
Bunu Qərb-Rusiya qarşıdurmasında adıçəkilən ölkələrin tutacağı
mövqeyə təsir etmək cəhdi kimi də hesab etmək olar. Lakin dünya
nizamının formalaşmasında ideyalarından istifadə olunan Bzejinski
kimi bir politoloqun fikirlərinin qeyri-ciddi olduğunu düşünmək
sadəlövhlük olardı. Hansı ki, indiyə qədər onun bir çox proqnozunun
reallaşdığı faktı var.
Azərbaycan Milli Strateji Tədqiqatlar Mərkəzinin rəhbəri, politoloq
Natiq Miri Publika.az-a açıqlamasında
Bzejinskinin proqnozunu şərh edib.
“Onun dedikləri həqiqətə uyğundur. Lakin bu siyahıda Azərbaycanın
lap sonda olduğunu hesab edirəm. Çünki bu gün əsas hədəfdə olan
ölkələr Ukrayna kimi Avropa Birliyi ilə Assosiativ Sazişi imzalayan
Gürcüstan və Moldovadır. Bu ölkələr Avropa ilə ciddi inteqrasiya
prosesi keçir, onların NATO-ya inteqrasiyası nəzərdə tutulub. Bu
istiqamətdə konkret tədbirlər hazırlanır. Ukraynada isə onsuz da
böyük savaş aparılır. Hesab edirəm ki, yay aylarında bu savaş daha
da böyüyəcək. Minskdə əldə olunmuş iki saziş isə daha çox Rusiyanın
özünü toparlaması xarakteri daşıyır. Bu gün Donbasa yeni qüvvələrin
cəlb edilməsi də Rusiyanın Ukraynadan əl çəkməyəcəyini göstərir”, -
deyə politoloq qeyd edib.
N. Mirinin fikrincə, Ukraynada itirən Rusiya Avrasiya modelində
Kiyevi kompensasiya edəcək yeganə ölkə kimi Azərbaycanı görür:
“Çünki Azərbaycan regionda Gürcüstan və Ermənistanın birlikdə
gücündən qat-qat güclü, qüdrətli və strateji önəmi olan
ölkədir. Azərbaycanın Rusiya nüvəsinin ətrafında olması
Moskvanı ciddi şəkildə gücləndirə bilər. Digər tərəfdən, Azərbaycan
Qərb dünyasının enerji təminatında da ciddi rola malikdir. Moskva
üçün Bakının dəstəyini qazanmaq enerji rıçaqında əlavə divident
qazanmaq olardı”.
Lakin politoloq indiki şəraitdə Rusiyanın Azərbaycanı hərbi hədəf
olaraq seçmədiyini bildirib. Onun sözlərinə görə, qarşıda bu
halqanın zəif nöqtələri olan Gürcüstan və Moldova əsas hədəf olaraq
seçilib: “Moldovada Dnestrayanı problemdən başqa qaqauzlarla bağlı
da problem var. Ümumilikdə Gürcüstanla Moldovanı ram etmək
Azərbaycanla müqayisədə qat-qat asandır. Azərbaycanın hərbi qüdrəti
də bu ölkələrin ümumilikdə hərbi gücündən böyükdür. Eyni zamanda,
Azərbaycanın Türkiyə kimi strateji müttəfiqi var. Azərbaycana qarşı
hansısa müdaxilə Türkiyənin, dolayısı ilə NATO-nun prosesə
qarışmasına səbəb ola bilər.
Bu baxımdan, strateji olaraq bu tipli gözləntilər olsa da, Azərbaycanı real təhlükə gözlədiyini düşünmürəm. Ola bilsin ki, Dağlıq Qarabağda hərbi əməliyyatlar genişlənə, daha böyük təxribat cəhdləri ola bilər. Lakin ordumuzun potensialı bu təhlükə haqda qorxunu yox edir. Hesab edirəm ki, Azərbaycana qarşı belə bir hərəkət, onu etməyə cəhd edən qüvvənin boğazında qalar”.
Asif Nərimanlı
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middletonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək