Nida.az
“Stratfor”: “İran Cənub Qaz Dəhlizinə qoşulur və Rusiya “ofsayda” düşür”
ABŞ kəşfiyyatının leqal üzü hesab olunan “Stratfor” beyin mərkəzi nüvə proqramı ilə bağlı razılıqdan sonra İranın qazının Avropa bazarına çıxarılması yollarından və Rusiyanın düşdüyü vəziyyətdən bəhs edən məqalə yayımlayıb.
Publika.az xəbər verir ki, “Rusiya əsəbi halda:
Gözlər ABŞ-la İrana dikilib” başlıqlı yazıda qeyd olunur ki, “Cənub
axını” layihəsindən imtina edən Rusiyanın “Türk axını” planı da
qüsurlarla doludur: “Heç kim Rusiya və Türkiyə arasında çəkiləcək
boru kəmərinə investisiya yatırmaq istəmir, həmçinin qiymət
məsələsində razılıq əldə olunmayıb. Bundan başqa, avropalılarda da
“Türk axını”na həvəs yoxdur. Əslində, bu, avropalıların daha
qorxmadığı Rusiyanın növbəti blefidir”.
“Stratfor” Bakının təşəbbüsü ilə reallaşan Cənub Qaz Dəhlizi
layihəsinə diqqət çəkir.
“Bu, Avropanın da marağında olan layihədir. Hansı ki, gələcəkdə
qitənin enerji təhlükəsizliyinə daha çox töhfə verəcək və Rusiyadan
fərqli olaraq Bakı anlaşmanı pozmayacaq. Ən kritik məqamlarda kranı
bağlamayacaq. “Şahdəniz - 2” layihəsi bu gün Avropa üçün Rusiyadan
yan keçən ən real və etibarlı mənbədir. Sadəcə olaraq, bura əlavə
qazın qoşulması aktual məsələdir. Bu prosesdə gözlər Türkmənistana
dikilib. Aşqabadın razılığı avropalı investorlara Xəzərin dibi ilə
boru kəmərinin çəkilməsi və türkmən qazının Bakıya çıxarılaraq,
hazırda tikilən boru kəmərlərinə vurulması stimul verir. Lakin
Rusiya faktoru Xəzərdə yenə də öz sözünü deyir və türkmən hökuməti
üçün əsas maneə yenə də Moskvadır.
Məhz buna görə Xəzərin statusu məsələsinin həlli hələ də uzanmaqda davam edir. Lakin Rusiya üçün qurduğu strategiya həmişə yaxşı olmur. Aşqabadla bu məsələlər müzakirə edildiyi bir vaxtda, İranla dünyanın razılığa gəlməsi vəziyyəti dəyişdirir. Düzdür, 2016-cı ilə qədər İrana qarşı sanksiyalar tamamilə aradan qalxmayacaq və razılaşma üzərində müzakirələr aparılır. Lakin artıq dünyanın enerji bazarına İran qazının çıxarılması gündəmdədir. Bu baxımdan, İran qazının Cənub Qaz Dəhlizinə qoşulması enerji xəritəsindəki siyahıya yeni əlavələr edir və bu, Rusiyanı “ofsayda” salır. İran qazının Avropaya çıxarılması marşrutunda ciddi təhlükə yoxdur. Bakı və Ankara buna razıdır, o cümlədən, avropalılar da maraqlı görünür”, - deyə məqalədə bildirilir.
Asif Nərimanlı
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO