Nida.az
Sərdar Cəlaloğlu: “Əli Kərimli mənə o vaxt yalvarırdı”
“İyirmi ildir Azərbaycan siyasətindəyik. Bu illər ərzində Əli Kərimli iqtidarla gizli danışıqlara gedərək iki dəfə deputat olub. Amma indi Sərdar Cəlaloğlu ölkənin mili maraqları naminə dialoqa gedəndə satqın adlandırırlar. Mandat üçün danışıqlar apardığımızı deyirlər. Bəlkə, mən parlament seçkilərində heç namizədliyimi irəli sürməyəcəm. İndidən niyə vay-şivən salıblar”.
Bunu Publika.az-a açıqlamasında Azərbaycan
Demokratik Partiyasının (ADP) sədri Sərdar Cəlaloğlu AXCP-yə yaxın
“Azadlıq” qəzetinin iqtidar-müxalifət dialoqunda iştirak edən
siyasi partiyaları mandat alverində ittiham etməsinə münasibət
bildirərkən deyib.
“Dialoq satqınlıqdırsa, Əli Kərimli 2005-ci ildə mənə niyə
yalvarırdı?”
ADP sədri Əli Kərimlinin dialoq yolunu bağlamaq məqsədi güddüyünü
bildirib: “Çünki bu gün biz dünyada gedən siyasi prosesləri düzgün
anlayırıq və düzgün yol tutmuşuq. Onun vəziyyəti yaxşı deyil.
Açığı, hökumət də Əli Kərimli ilə dialoqa getmək istəmir. Ona görə
də dialoq yolunu bağlamaq istəyir. Əgər Əli Kərimlini dialoqa dəvət
etsəydilər, o, iştirak etməyənləri satqınlıqda ittiham
edəcəkdi.
Dialoq satqınlıqdırsa, Əli Kərimli 2005-ci ildə mənə niyə yalvarırdı? Mənə yalvarırdı ki, icazə verək, o da ADP-nin dialoq bəyanatına qoşulsun. Onda ADP ilə yanaşı, AXCP, Liberal Partiyası və VİP Azərbaycanda siyasi dialoqun tərəfdarı kimi iqtidarla görüşmək istəyi haqda bəyanat imzaladı. Sadəcə olaraq, bir həftə Müsavat Partiyası Əli Kərimlini tənqid etdi. O da daşını atıb, başını tutdu. Dedi ki, “məni biabır edirlər, adım onsuz da satqınçılığa çıxıb, biz imtina edirik”. Əgər dialoq satqınlıqdırsa, o bəyanatı niyə imzalamışdı? Həmin bəyanatı elə həmin “Azadlıq” qəzetində tapmaq olar. Əli Kərimli mənə yalvarırdı onda”.
“Ayıbdır, sən həmin Əli Kərimlisən də”
S. Cəlaloğlu əsl satqınlığın Əli Kərimlinin xarici nümayəndələrlə
görüşünün olduğunu deyib. Onun sözlərinə görə, Əli Kərimli Avropa
Şurası və ATƏT-in keçirdiyi bütün iqtidar-müxalifət dialoqlarında
başda otururdu: “Özü də heç kimə danışmağa imkan vermirdi. Ayıbdır,
sən həmin Əli Kərimlisən də”.
“Bizim dialoqumuz onun alver siyasətinin yolunu
bağlayıb”
ADP sədri AXCP sədrinin iqtidar-müxalifət dialoqunu hədəfə
almasının əsl səbəblərinə toxunub.
“Əli Kərimli iqtidarla gizli danışıqlar aparmaq istəyir. Dialoqda
isə hər şey açıq-aşkardır. Hər kəsin yanında öz şəxsi maraqlarını
irəli sürə bilməyəcək. Yəni bizim dialoqumuz onun alver siyasətinin
yolunu bağlayıb. Bütün qıcıqlar və nifrət dolu ittihamlar da bundan
doğur.
Bu günlədə Pənah Hüseyn bəyanat verdi ki, biz iqtidarla parlamentdə iştirakımızı açıq şəkildə razılaşdırmalıyıq. Amma Əli Kərimli iki dəfə gizli razılığa gedərək deputat olub. Hansı Azərbaycan xalqının marağına uyğundur, hansı satqınlıqdır? Pənah Hüseyn deyir ki, bütün müxalifətlə iqtidar razılaşsın, Əli Kərimli isə vaxtilə Müsavatı, ADP-ni, AMİPİ-i satdı. Adama deyərlər, öz eybini palazla örtə bilmirsən, başqasının gözündə çöp axtarırsan”, - deyə S. Cəlaloğlu vurğulayıb.
Asif Nərimanlı
-
Dünya10:56
Almaniya prezidenti İstanbulda hər kəsi təəccübləndirdi: Dönər kabab...
-
Nida Xəbər 10:16
General Mirzəyev və 40 məmura sanksiya təklif edilir - SİYAHI
-
Qarabağ 10:06
Araikin efirə getməyən müsahibəsi haqda sensasiyalı iddia: Nikol dərhal nə edib?
-
MDB09:45
Rusiya bu ərazidə nüvə silahı yerləşdirib - Şok iddia
-
Nəqliyyat08:25
Bakının bu yollarında tıxac var - SİYAHI
-
Magazin108:10
Şəbnəmin prodüseri vəfat etdi
-
Qoroskop07:39
Bu 3 bürcün may ayında bəxti gətirəcək
-
Magazin107:25
Məşhur aktyor Serenayla tərəf müqabili olacaq