Nida.az
Vəfa Quluzadə: “Cəhənnəmə təzminat istəsinlər, heç nə almayacaqlar” – MÜSAHİBƏ
Sabiq dövlət müşaviri, politoloq Vəfa Quluzadə Publika.az-a müsahibəsində Avropa Parlamentinin qondarma “erməni soyqırımı” haqda qərarını və bundan çıxacaq nəticələri şərh edib.
- Avropa parlamentinin “erməni soyqırımı” haqda qərarı
hansı nəticələrə səbəb ola bilər və buna qarşı necə davranmaq
lazımdır?
- Hesab edirəm ki, Türkiyə bu barədə düşünməlidir. Görünür, Avropa
müasir Türkiyənin siyasətini qəbul etmir. Məsələn, Rasmussen belə
bir fikir səsləndirdi ki, Putin Rusiyası Sovet İttifaqından,
Ərdoğan Türkiyəsi isə Osmanlı imperiyasından pisdir.
Türkiyə düşünməlidir ki, hansı səbəb görə bütün Avropa Birliyi
onlara belə münasibət bəsləyir. Avropa Birliyi və ABŞ-la yaxşı
münasibətlərin olması Türkiyənin marağındadır. Sözsüz ki, “erməni
soyqırımı” məsələsində Avropa Parlamentinin qəbul etdiyi qərar
ədalətsizdir. Çünki heç kim bunu araşdırmayıb, Ermənistan tarixin
araşdırılmasından boyun qaçırır. Dəqiq araşdırmalar olmadan belə
qərarlar verilir. Lakin bu qərar faktiki olaraq soyqırımı tanımaq
yox, müasir Türkiyənin əleyhinə atılmış addımdır. Ən yaxşısı,
emosiyalara qapılmayaraq, Avropa Birliyinin belə mövqe
sərgiləməsinin səbəbləri üzərində düşünmək lazımdır.
- Sizcə, burda səbəblər nədir?
- Türkiyə son vaxtlar addımlarını siyasət naminə yox, yalnız ədalət
naminə atır. Siyasətdə çox vaxt ədalət axtarmağa dəyməz. Siyasətdə
rasional addımlar atmaq lazımdır ki, ölkənin və xalqın mili
maraqlarını təmin edəsən. Misal üçün, “Müsəlman qardaşları”nın
lideri Məhəmməd Mursi prezident olandan sonra Türkiyə onunla sıx
əlaqələr qurdu. Sonra Misirdə dövlət çevrilişi olanda Türkiyə bunu
şiddətlə pislədi. Bu da Amerika və Qərbin siyasətinə qarşı bir
mövqe idi. Halbuki Türkiyənin mövqeyi ədalətli idi. Çünki “Müsəlman
qardaşları” seçki yolu ilə hakimiyyətə gəlmişdi. Lakin onlar İslam
dövləti qurmaq və İsrailin əleyhinə çıxmaq istəyəndə Qərb bunu
qəbul etmədi. Türkiyə Qərbin Misirdə “müsəlman qardaşları”nın
hakimiyyətinə dözməyəcəyini düşünməli idi. Buna görə Qərblə
münasibətləri pozmağa dəyərdimi? Siyasətdə ədalət və rasionallıq
haqda dediyim budur. Azərbaycanın qanunsuz olaraq 20 faiz torpağı
işğal olunub, bir milyon qaçqın və məcburi köçkün var, Xocalıda
dəhşətli soyqırımı törədilib. Lakin bunu veclərinə almırlar. Çünki
dünya siyasətində ədalət axtarışı doğru deyil. Rasional olmaq və
adekvat hərəkət etmək lazımdır. Ədalət arxasınca qaçsaq, onda gedib
radikallara qoşulaq və cihad aparaq. Lakin bu xeyrimizə deyil. Mən
tək insanam və heç kimə məsləhət vermək istəmirəm. Hər bir dövlət
birinci növbədə xalqının və ölkəsinin maraqlarını təhlil edərək
addım atmalıdır.
- Bu qərar Ermənistana nə verəcək?
- Soyqırımın tanınması Ermənistana heç bir şey vermir və heç nə
qazandırmayacaq. Qərb bunu özü üçün edir. Yazıq vəziyyətdə olan
ermənilər bundan sonra da ac olaraq qalacaqlar. Əgər onlar
erməniləri sevsəydilər, pul verərdilər. Bu gün Ermənistan diasporun
puluna və ABŞ-ın öz maraqlarına görə bəzən ayırdığı paya möhtac
qalıb. Bu isə erməni xalqını acınacaqlı vəziyyətdən çıxara bilmir.
Xalq özü özünü pis vəziyyətdən çıxarmalıdır, başqası yox. Hesab
edirəm ki, Türkiyə bu siyasi oyunu başa düşüb adekvat addımlar
atmalıdır.
- Belə çıxır ki, Ermənistanın Türkiyədən təzminat istəyi
mənasız gözləntilərdir?
- Cəhənnəmə təzminat istəsinlər. Türkiyə heç bir təzminat
verməyəcək. Belə çıxır ki, Azərbaycan da Çar imperiyası və Sovet
İttifaqının işğallarına görə indiki Rusiyadan təzminat istəməlidir?
İstəsə belə Rusiya bunu verməz. Baxın, Özbəkistan, Türkmənistan və
Qazaxıstan dünyanın ən zəngin torpaqlarına malik olan
ölkələrindəndir. Vaxtilə Sovet təbliğatı hesab edirdi ki, bu
ölkələrdə kommunizm qurulub. Əvəzində onların sərvətləri nüvə
reaktorlarında yandırılaraq xərcləndi. İndi vəziyyətləri bərbaddır.
İndi Rusiya onlara təzminat verməlidir? Yaxud, başqa fakt. Sovet
İttifaqının əmlakı bölünəndə Rusiya bizə heç nə vermədi. Bunu tələb
etsək belə verməyəcəklər.
- Sizcə, Ankara və Bakı Avropanın bu ədalətsiz siyasətinə
qarşı hansı addımı atmalıdır?
- Onlar öz rəylərini bildirməlidir. Lakin Avropa ilə düşmənçilik
etmək zərərlidir. Çünki bura inkişaf etmiş Qitədir və biz onun
üstünlüklərindən istifadə etməliyik. Belə emosional məqamlarda
düşmənçilik etmək heç nəyə yaramır.
- Yəni hesab edirsiniz ki, öz mövqelərini
inandırmalıdırlar?
- Öz mövqeyimizi indiyə qədər demişik, deyirik, bundan sonra da
deməliyik. Avropada böyük türk diasporu var. Bizim diaspor onlarla
birləşməli və buna qarşı ağıllı addımlar atmalıdır. Lakin
düşmənçilik edilməməlidir. Çünki bizim düşmənlərimiz də istəyir ki,
Azərbaycan və Türkiyənin Avropa ilə aralarında uçurum yaransın.
Buna imkan verməməliyik.
Mən bir tarixi məqamı da vurğulamaq istəyirəm. Osmanlı imperiyası niyə çökdü? Çünki Avropa elmdə, texnikada onu üstələdi. Lakin Avropa liderləri Osmanlı sultanına göndərdikləri məktublarda “Türk ordusu dünyanın ən güclü ordusudur, Türkiyə də ən böyük ölkəsidir” deyə yazırdılar. Onlar qorxurdular ki, Avropanın inkişaf etdiyini desələr, sultan qəzəblənər və onları cəzalandırar. Ona görə də Osmanlı geridə qaldı və dağıldı. İndiki Türkiyə də özünü tam haqlı və ən inkişaf etmiş ölkə hesab edəndə uduza bilər. Türkiyə bu barədə düşünməlidir.
Asif Nərimanlı
-
Magazin121:05
O getdi, mən də daha yoxam! - Əməkdar artist səhnə ilə vidalaşdı
-
Sosial19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı
-
Sosial17:00
Sabiq baş pediatrın intiharı ilə bağlı cinayət işi başlandı - Yeniləndi
-
Cənubi Qafqaz16:39
Ukrayna deputatları Vardanyanı biabır etdilər - Nobel Komitəsinə müraciət