Nida.az
Rusiya təhlükəsizliyinin əsas şəxsi Bakıya niyə gəlir? – ŞƏRH
Rusiya Federasiyası Təhlükəsizlik Şurasının katibi Nikolay Patruşev mayın 11-12-də Azərbaycana səfər edəcək.
Publika.az xəbər verir ki, səfər çərçivəsində
regional və beynəlxalq təhlükəsizlik məsələləri müzakirə
ediləcək.
“İnterfaks”ın məlumatına görə, səfər zamanı N. Patruşev Prezident
Administrasiyasının rəhbəri Ramiz Mehdiyev və milli təhlükəsizlik
naziri Eldar Mahmudovla görüşəcək.
“Beynəlxalq məsələlərlə bağlı geniş müzakirələr aparılacaq,
həmçinin təhlükəsizlik məsələsi ətrafında fikir mübadiləsi olacaq”,
- deyə Rusiya Federasiyası Təhlükəsizlik Şurasının mətbuat
xidmətinin məlumatında deyilir.
Rusiyanın Azərbaycandakı səfirliyinin məlumatında isə deyilir ki,
Təhlükəsizlik Şurasının katibi Bakıda ümummilli lider Heydər
Əliyevin məzarını ziyarət edəcək, Sovet İttifaqı Qəhrəmanı Həzi
Aslanovun abidəsinə baş çəkəcək. Həmçinin Böyük Vətən müharibəsi
veteranları ilə görüş keçiriləcək.
Rusiyalı politoloq Sergey Mixeyev hesab edir ki, N. Patruşevin
səfəri zamanı gündəlikdəki əsas məsələ regional təhlükəsizlik üçün
Azərbaycan-Rusiya dialoqunun aparılması olacaq: “Regionda
terrorizmə, narkoticarətə, qaçaqmalçılığa qarşı birgə mübarizənin
aparılması müzakirə oluna bilər. Həmçinin Yaxın Şərqdəki vəziyyət
və Şimali Qafqazdakı qeyri-sabit durum ətrafında fikir mübadiləsi
aparıla bilər”.
Milli Məclisin deputatı, politoloq Rasim Musabəyov isə hesab edir
ki, rusiyalı qonaq Bakıda Dağlıq Qarabağ münaqişəsinin nizama
salınması prosesini müzakirə edə bilər.
“Bu məsələ də Təhlükəsizlik Şurasının maraqları çərçivəsinə
daxildir. Bununla yanaşı, gündəmdə Rusiyadan Azərbaycana hərbi
çatdırmalar, o cümlədən Şimali Qafqazda genişlənən radikal islam
qruplarının təhdidləri ola bilər. Hansı ki bunlar təkcə Rusiya üçün
yox, Azərbaycan üçün də təhlükəlidir”, - deyə politoloq
bildirib.
Asif Nərimanlı
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO
-
Ekologiya07:17
Bu günə olan hava PROQNOZU - 20 dərəcə isti
-
Magazin206:16
Leonardo Di Kaprio ilə sevgilisi arasında NƏ BAŞ VERİR?