Nida.az
Avropaya boykot! - VİDEO
Avropada bir kabus dolaşmaqdadır. Və onun adı kommunizm
deyil. İndi xaos yaxınlaşır. Qərbin bir zamanlar Şər İmperiyası
deyə lənətlədiyi Sovet zamanı və məkanında Azərbaycan da soyuq
müharibənin içindəydi. Müstəqil olmadığımızdan ağa deyən dərəyə
sürür, sürülürdük. Nəinki soyuq, elə isti müharibəyə də
aparırdılar, qırdırırdılar, qırılırdıq! İmperializmə lənət
oxuyurduq, hansısa Anjela Devisi müdafiə etmək lazımdır? Baş üstə!
Yarım il ac qaldığına məsum-məsum inandığımız, sonralar cibindən
suxarı çıxsa da gözlərimiz və qulaqlarımıza inanmayacağımız Çarlz
Xayderin qarnı ilə birlikdə quruldamaq lazımdır, o da baş
üstdə!
O zaman Sovet Respublikası idik. Başımız bağlı idi. O zaman bizə
deyirdilər ki, 15 maykaya nəfəs üfürmək lazımdır. Soyuq Müharibədə
Donmayaq deyə. İnd isə bizi soyuq müharibənin olacağı ilə
qorxudurlar… Baxmayaraq ki, nəinki artıq soyuq müharibə özünün
oğlan çağlarını yaşayır, hətta isti müharibənin boyun qarsan
hənirini də hiss etmək olur. Rusiya prezidentinin üzü Qərbə barmaq
əvəzinə, 40 nüvə başlıqlı raket silkələməsi boşuna deyil. Onu iki
ayağı üstünə, şahə qaldıran səbəblər var. Moskva artıq ona atılmış
çağırışın tam fərqindədir.
ABŞ-ın raket hücumundan müdafiə sistemini Avropada qurmasına hələ
bu niyyətin başlanğıcından qəzəbli olan Putinin Baltikyani ölkələrə
silah-sursat, hərbi texnika göndərməsinədək bütün addımları artıq
onun təhlükədən müdafiə olunma cəhdi kimi təqdim oluna və özünə
haqq qazandıra bilər. Və mən artıq Putinlə qəribə bir həmrəylik
hiss edirəm. Çünki Azərbaycanla Rusiyanı birləşdirən məqamlar
yaranıb. Onu da vururlar, bizi də… Və bizi vuran qüvvələr də demək
olar ki, onu vuran qüvvələrlə eynidir. Amma burda bir böyük fərq
var. Rusiyanı işğalçı olduğuna görə vururlar, bəs bizi, bizə də
yəqin ona görə ki, işğal olunmuşuq…
Biz uzun müddət seçim eləmək istəmirdik. Düşünürdük ki, Amerikanın
öz yolu var, Rusiyanın öz yolu. Avropanın da yolu özünə məxsusdur.
Və onlar bizim də yolumuzun olması ilə barışacaqlar. Əksinə bu
çətin yolda təcrübəli yolçular kimi əlimizdən tutacaq, dünyanın,
Avropanın stajlı müstəqillərinə qoşulmaq üçün yanımızda olacaqlar.
Sadədilcəsinə, bəlkə də avamcasına inanır, zənn edirdik… Amma biz
nə gördük: gördük ki, bizi elə bu qüvvələr sıxırlar ki… Özü də
əvvəl-əvvəl budaqlarımızla oynayırdılar, indi kökümüzə,
dövlətimizin bazisinə balta vururlar. Avropa Şurası İlham Əliyev
hakimiyyətini bir müddət ağ-qara gördü, sonra yalnız qara gördü,
sonra İlham Əliyevlə qurtardılar və keçdilər ərazi bütövlüyümüzün
özünə.
AŞPA-nın son sənədindən Dağlıq Qarabağın işğal olunması faktını
çıxardılar və sadəcə belə qeyd etdilər: Dağlıq Qarabağ münaqişəsi.
Səbəb həmişəkidir. Guya Azərbaycanda insan haqlarının pozulmasının
qarşısını almağa hakimiyyəti vadar etmək istəyirlər. Amma anlamaq
çətindir: Dağlıq Qarabağın işğal olunması faktının sənəddən
çıxarılmasının Azərbaycanda insan haqlarına nə xeyri ola bilər.
Deməli səbəb ayrıdır: dünyanın ən güclü dövlətlərin yaratdığı yeni
qaydalar sistemi. Daha doğrusu qaydasızlıqlar. “Bespredel”
qanunları. Kim nə istəyir onu da edir.
Novruz Məmmədov Qərblə onun öz dilində danışmağa çalışır, hələ bir
umub-küsür, gileylənir ki, Ermənistanda pozulan insan haqlarından
niyə danışmırlar?! Ay əziz Novruz müəllim! Ona görə danışmırlar ki,
Ermənistanda baş verən hadisələr Rusiyanın əlində olan Ermənistan
“Elektrik şəbəkələri” Qapalı Səhmdar Cəmiyyətinin, onun Baş
direktoru Yevqeniy Bibinin, yəni Moskvanın əlyehinədir. Deməli bu
Qərbə sərf edir… Bu azdır? Qərbin davası Rusiya ilədir.
Ermənistanda da Qərb Rusiya ilə döyüşür.
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO
-
Qoroskop00:31
Günün qoroskopu: köklü yeniliklər başlanır
-
Magazin119 Aprel 23:15
Nazpəri illər sonra İlhamə Quliyeva ilə küsülü olmasının səbəbini açıqladı - VİDEO
-
Hadisə19 Aprel 22:48
Bakı metrosunda OLAY
-
Nida Xəbər 19 Aprel 22:24
4 kənd qayıtdı - Növbəti mərhələdə nə var?
-
Dünya19 Aprel 22:12
Ukrayna Rusiyanın hərbi obyektlərini vura bilər - NATO-dan TAM DƏSTƏK
-
MDB19 Aprel 21:50
95 yaşlı diplomat öldü
-
Nida Xəbər 19 Aprel 21:20
Sərhədin delimitasiyası başladı: İrəvan dərhal Tehrana hesabat verdi