Nida Təhlil
Bakının 2017-ci il planı və “rus ssenarisi” – ABŞ KƏŞFİYYATI
ABŞ Mərkəzi Kəşfiyyat İdarəsinin (CİA) “kölgəsi” hesab
olunan “Stratfor” beyin mərkəzinin analitikləri 2017-ci ildə
Rusiyanın izləyəcəyi siyasəti təhlil edib.
Publika.az xəbər verir ki, amerikalı analitiklər Rusiyanın
2017-ci ili səbirsizliklə gözlədiyini hesab edirlər.
“Ötən üç il ərzində Rusiya Qərbin təzyiqi ilə üzləşdi və bir çox
strategiyasını təxirə saldı. 2014-cü ildə baş verən Maydandan sonra
Ukraynan Avropa İttifaqı və NATO ilə yaxınlaşma dövrünə qədəm
qoydu. Moldova və Gürcüstan kimi Rusiya periferiyasına daxil olan
ölkələr ABŞ “kostyumu geyinməyə” başladılar. NATO qüvvələri
Rumıniya və Baltikyanı bölgədə, həmçinin, Polşa sərhədi boyunca
fəaliyyətini genişləndirdi. Eyni zamanda, ABŞ və Avropa İttifaqı
Krıma görə Rusiyaya qarşı sanksiyaları artırdı. Bataqlığa
yuvarlanan Rusiya iqtisadi neft qiymətlərinin aşağı düşməsi ilə
daha da pisləşdi. Lakin 2017-ci il Rusiya üçün yeni mərhələ başlaya
bilər”.
“Stratfor” yazır ki, 2016-cı ildə “Brexit”in baş verməsi ilə
Rusiyaya qarşı birləşən Qərb cəbhəsində çatlar yarandı.
“Böyük Britaniyanın Avropa İttifaqından çıxması dərin çatları aşkar
etdi. Donald Trampın ABŞ-da qələbəsi isə Moskvanın əlinin
güclənəcəyini öncədən xəbər verir. 2017-ci ildə Fransa, Niderland,
Almaniya və İtaliyanın ittifaqdan çıxması ehtimalı Avropanın
gələcəyini təhlükə altına qoyur. Rusiya 2017-ci ildə Qərbdə
yaranmış fikir ayrılığından maksimum istifadə etməyə çalışacaq”, -
deyə təhlildə qeyd olunur.
Analitiklərin fikrincə, Rusiya keçmiş Sovet periferiyasında
genişlənmə yolunu tutacaq: “Avropa İttifaqı ilə münasibətlərdə
irəliləyiş əldə edə bilməyən və “aldadıqlarını” düşünməyə başlayan
Ukrayna, Gürcüstan, Moldova kimi ölkələr Moskvaya üz tuta bilərlər.
Hər-halda Rusiya bu ssenariləri indidən hazırlayır. Moldova bu
məsələdə daha asan olacaq. Çünki son seçkidə prezident seçilən İqor
Dodon Rusiyayönümlü mövqeyini gizlətmir. Ukrayna və Gürcüstan isə
ərazi itkisinə görə ruslarla eyni masada oturmayacaq, lakin onlar
Rusiya ilə ticarət əlaqələrini genişləndirə bilərlər”.
Mərkəz Rusiyanın Cənubi Qafqazda daha da güclənəcəyini diqqətə
çatdırıb.
“İndiyə qədər neytrallığını saxlayan Azərbaycan Rusiya ilə daha
çox yaxınlaşacaq, Özbəkistan da eyni siyasi xətti tutacaq.
Həmçinin, Belarus da daxil olmaqla, Ermənistan, Qazaxıstan,
Qırğızıstan və Tacikistan Rusiya ilə əməkdaşlığı iki qat
artıracaqlar. Rusiyanın Avrasiya İqtisadi İttifaqı və Kollektiv
Təhlükəsizlik Müqaviləsi blokları daha aktiv fəaliyyət
göstərəcəklər”, - deyə “Stratfor” yazır.
Asif Nərimanlı
-
Nida Xəbər 11:31
Araikin müsahibəsi buna görə yayımlanmadı - Sensasion iddia
-
MDB11:15
Putin bu ölkələrlə birlikdə yeni müharibəyə başlayacaq - Hədəf onlardır
-
Dünya10:44
Bu valideynlər bir uşağa görə 125 min manat alacaqlar
-
Region10:10
Rusiyadakı azərbaycanlılara PİS XƏBƏR - Bu sahələrdə işləmək qadağan edildi
-
Cənubi Qafqaz09:48
Rusiya bu həftə Paşinyanı devirəcək - Şok iddia
-
Hadisə09:21
Məktəb binasında yanğın
-
Sosial08:43
Azərbaycanın tanınmış professoru vəfat etdi - FOTO
-
Magazin208:36
Kristofer Nolan cəngavər olacaq, xanımı isə... - FOTO