Nida Təhlil
Putinin adamları Azərbaycana görə Ermənistanı bir-birinə qatdı – XÜSUSİ MİSSİYA
Rusiya prezidenti Vladimir Putinin mediadakı əsas adamı
hesab olunan “Rossia seqodnya”nın baş redaktoru Dmitri Kiselyov,
həmçinin, Kremlin əsas təbliğatçısı olan jurnalist Vladimir
Solovyevin İrəvanda dediyi sözlər Ermənistanı qarışdırıb.
Publika.az xəbər verir ki, martın 7-də Putinə yaxın olan
hər iki jurnalist İrəvanda mətbuat konfransı keçiriblər.
Erməni jurnalistlərin “Rusiya niyə Azərbaycana silah satır” sualına
Kiselyov belə cavab verib: “Azərbaycan ABŞ-dan, İsraildən və
Rusiyadan silah ala bilər. Rusiyanın Azərbaycana silah satmasında
mətnaltı məna axtarmağa ehtiyac yoxdur. Azərbaycan və Rusiya
bununla işgüzar münasibətlər saxlayır. Bu münasibətlərin yoxluğu
daha pisdir. Əslində, Rusiyanın Azərbaycana silah satması
Ermənistanın xeyrinədir. Əgər bizdə əlaqələr varsa, təsir etmək
imkanımız var, yoxdursa, heç nə bacarmarıq”.
Ermənistan KİV-i Kiselyovun bu açıqlamalarını erməni əhalisinin
başını qatmaq kimi dəyərləndirib.
Vladimir Solovyevin sözləri isə daha sərt olub. Rusiyalı jurnalist
bildirib ki, Ermənistanın Moskvadakı səfiri Oleq Yesayan (martın
9-da onun yerinə Vardan Toqanyan təyin edildi-red) Azərbaycanın
səfiri Polad Bülbüloğluna açıq-aşkar uduzur.
“Ermənistanın Rusiyadakı səfiri kimdir? Kimdir o? Siz onu
tanıyırsınız? Azərbaycanın Rusiyadakı səfiri kimdir? Polad
Bülbüloğlu isə görkəmli şəxsiyyətdir. Əlbəttə, Rusiya prezidenti
ilə sizin prezidentinizin münasibətlərinin aydın və çox yaxşı
sistemi var. Başqa cür Qarabağda vəziyyət həll edilməzdi”, - deyə
jurnalist bildirib.
Oleq Yesayan isə rusiyalı jurnalistə cavabı ilə həm də ermənilərin
zəifliyinə işarə vurub.
“Görəsən, Solovyev Bakıda bu cür çıxış etməyə və Azərbaycan
diplomatlarını tənqid etməyə cürət edərdi?”, - deyə o, ünvansız
sual verib.
Erməni politoloq Stepan Qriqoryan rusiyalı jurnalistlərin İrəvanda
belə danışmasının günahkarının İrəvan hakimiyyəti olduğunu
açıqlayıb.
“Erməni səfirlər həqiqətən də aktiv fəaliyyət göstərmirlər. Belarus
və Ukraynadakı səfirlərimizlə bağlı son problemləri xatırlayın.
Diplomatik fəaliyyətsizlik ona gətirib çıxardı ki, Belarus və
Ukrayna ilə aramızda ciddi problemlər yarandı. Bunun məsuliyyətini
birbaşa Serj Sarkisyan daşıyır”, - deyə o bildirib.
Erməni politoloq qeyd edib ki, Rusiya Azərbaycana görə Ermənistanın
maraqlarını tapdalayır: “Bizim strateji müttəfiq hesab etdiyimiz
ölkə ən müasir silahları Azərbaycana satır. Bir müddət öncə Roqozin
bunu biznes adlandırdı. İndi də Putinin jurnalistləri bunu İrəvanda
deyirlər. Bizim hakimiyyət isə sadəcə susur”.
“Armenianreport” saytı isə Ermənistanın Rusiyadakı səfiri Yesayanın
içki düşkünü olduğunu yazıb.
“Yesayan vaxtilə Belarusda səfir idi və bizim Minsklə olan
münasibətlərini məhv etdi. Bu gün Belarus Azərbaycanın ən yaxın
dostlarından biridir. Daha sonra onu strateji ölkə olan Rusiyaya
göndərdilər. Yeddi illik fəaliyyəti dövründə o, heç nə edə bilmədi,
əksinə, Azərbaycan Rusiya ilə əlaqələrini kifayət qədər
genişləndirdi və bu işdə Polad Bülbüloğlunun rolu da var. Yesayan
isə bu müddət ərzində ancaq içdi. Onun içkiyə qurşandığı haqda
məlumatlar var. Özü də yalnız ona görə səfirdir ki, Serj
Sarkisyanın uşaqlıq dostu olub”, - deyə sayt yazıb.
Qeyd edək ki, rusiyalı jurnalistlərin İrəvanda mətbuat konfransı
keçirməsindən sonra Ermənistanda ciddi narazılıq yaranıb. Hətta
bəzi erməni media orqanları Putinin Kiselyovla Solovyevi xüsusi
missiya üçün İrəvana göndərdiyini yazıblar. Ermənilər iddia edir
ki, bu iki şəxs Rusiyanın Azərbaycana silah satmasına bəraət
qazandırmaq üçün Ermənistana səfər edib.
Asif
-
Sosial16:58
Bu avtomobillərlə taksi fəaliyyəti göstərmək qadağan edildi
-
Sosial16:36
Azərbaycanda sayğaclar ikiqat hesablayır - ŞOK İDDİA
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti