Nida Təhlil
İki müsəlman ölkəsi Qətərə ordu yeridir: müharibəyə hazırlıq, yoxsa?
ABŞ prezidenti Donald Tramp Səudiyyə Ərəbistanına
gələrək, Ərəb-İslam-Amerika sammiti keçirtdi və müsəlman
coğrafiyasının əksər ölkəsi bu sammitə qatıldı. Trampın bu
gedişinin bölgədə yeni ittifaq yaratmaq və İrana qarşı böyük
koalisiya formalaşdırmaq məqsədi daşıdığı məlumdur. ABŞ prezidenti
bölgəni tərk edəndən sonra 8 ərəb ölkəsi Qətərə diplomatik hücum
etdi və bütün əlaqələrini kəsdi. Əsas ittihamlardan biri Qətərin
İranla əməkdaşlığı idi. Ardınca İranda terror hücumları başlandı.
Regionda “bombalar” ard-arda partladığı vaxtda Türkiyə Qətərə arxa
çıxdı və Türkiyə prezidenti Rəcəb Tayyip Ərdoğan Qətər ərazisində
türk hərbçilərinin yerləşdirilməsinə haqqında sazişin ratifikasiya
edilməsi haqqında sərəncam imzaladı. Türkiyənin bu addımından sonra
Pakistan Qətərə 20 minlik ordu göndərmək haqda qərar verdi.
Pakistanın bu addımı Türkiyə ilə eyni strateji xətt üzrə hərəkət
etməklə yanaşı, növbəti qurbanın özünün olması ehtimalından da
irəli gəlir. ABŞ Mərkəzi Kəşfiyyat İdarəsinin (CİA) kölgəsi hesab
olunan Xarici Münasibətlər Konseyi (CFR)-nin analitiki Bruce Ridel
bildirir ki, Pakistan “Ərəb NATO-su”na qoşulmaqdan imtina etdiyi
üçün yeni hədəf bu ölkədir.
Proseslər “Türkiyə-Pakistan-İran-Qətər ittifaqı”nın yaranması ilə
bağlı ehtimallarını ön plana çıxarır.
Siyasi ekspertlər bu məsələni Publika.az-a şərh
edib.
Politoloq Qabil Hüseynli bildirib ki, baş verənlər
Yaxın Şərqdə qüvvələr nisbətinin yenidən qurulması ilə bağlıdır:
“Amerika Rusiyanı Suriyadan, İranı isə Suriya və İraqdan vurub
çıxarmaq istəyir. İrana hücumu da regiondakı müttəfiqləri, yaxud
əlaltıları vasitəsilə edir. Qətər kiçik dövlətdir və daim
Səudiyyənin təsiri altında olub. İndiki əmri məhz Səudiyyənin
dəstəyi ilə öz atasını devirərək, həbsə atıb. Cəmi 33 yaşı olan
əmirin xaricdə təhsil alması, iki universitet bitirməsi
qabardılarsa, hadisələr göstərir ki, təcrübəsizdir. İranla bağlı
bəyanat da səhv idi. Səudiyyə Ərəbistan və onun ətrafındakı ərəb
ölkələr bu bəyanata dərhal sərt reaksiya verdilər, ardınca da
əlaqələri kəsdilər. Qətərin iqtisadi marşrutu Səudiyyədir, dəniz
yolunu isə ABŞ gəmiləri tutub. Yalnız Türkiyə və İrandan hava yolu
qalır. Buna görə də ölkə demək olar ki, blokadaya düşüb. Belə
təsəvvür yaranır ki, Səudiyyənin hədəfi Qətərdə dövlət çevrilişi
etməkdir. Rusiya və İran buna etiraz etsə də, nəsə edə biləcəkləri
çətin görünür”.
Politoloq hesab edir ki, Türkiyənin Qətərdə hərbi baza yaratmaq
niyyəti səhv addımdır.
“Türkiyə Suriyadan sonra daha qəliz olan bu bölgəyə daxil olursa,
bu, onun üçün çətin olacaq. Eləcə də Pakistanın Qətərə qoşun
göndərmək qərarının da nə qədər doğru olduğunu demək çətindir.
Hesab edirəm ki, Amerika Türkiyə-Pakistan-İran-Qətər ittifaqının
yaranmasına imkan verməz. Ümumiyyətlə, regiondakı hadisələr ildırım
sürətli ilə cərəyan edir, buna görə də belə bir ittifaqın yarana
biləcəyini proqnozlaşdırmaq çətindir. Əgər niyyət olsa belə, bunu
həyata keçirmək mümkün olmayacaq”, - deyə o vurğulayıb.
Azərbaycan Strateji Tədqiqatlar Mərkəzinin rəhbəri,
politoloq Natiq Miri hesab edir ki, Türkiyə və
Pakistanın Qətərə ordu göndərməsinin kökündə ittifaq yaradılması
dayanmır: “Yaxud bu, xaricdə hansısa geosiyasi qazanc əldə etmək
məqsədi də daşımır. Türkiyə və Pakistan anlayır ki, regionda
qlobal, geosiyasi oyun oynanılır və bu oyundan orada iştirak edən
regional ölkələr yox, ssenarisini quranlar qazanclı çıxacaq.
Regionda böyük müharibə ocağı hazırlanır. Buna görə də Türkiyə və
Pakistan razılaşdırılmış şəkildə Qətərə ordu göndərməklə, bu
müharibənin qarşısını almağı düşünürlər. Yəni nüvə dövləti olan
Pakistan və NATO üzvü olan Türkiyənin Qətərdə olması müharibəni
başlamaq istəyənlərin qarşısında maneə ola bilər”.
N.Miri əlavə edib ki, Körfəz ölkələri Türkiyə və Pakistana hücum
etmək istəsələr, bu İranın və Rusiyanın da prosesə qoşulması ilə
nəticələnək.
“Belə olarsa, regionda Türkiyə-Pakistan-İran-Rusiya hərbi bloku
yarana bilər”, - deyə o bildirib.
Asif
-
Sosial19:46
Azərbaycanın Milli Qəhrəmanı infarkt keçirdi - FOTO
-
Kriminal19:12
Borcu ödəməmək üçün tanışını öldürdü
-
Magazin118:48
Röya Ayxan bu tarixdə ƏRƏ GEDİR - VİDEO
-
Səhiyyə18:12
Azərbaycanda uşaqlarla bağlı yeni tibbi mərkəz YARADILDI - FOTO
-
Avropa17:28
Bu ölkə Rusiyanı hədələdi: Şəhərlərinizi bombalayarıq
-
Region17:00
İrandan növbəti hədə: Görün SEPAH İsraili nə ilə qorxutdu
-
MDB16:22
Moskvada 21 yaşlı azərbaycanlı avtomobilini səkidə saxladı, ona irad tutan gənci öldürdü - VİDEO
-
Nida Təhlil 15:51
İşğalçı erməniyə göz yaşı tökən molla: İran silahı ilə Azərbaycanın neçə əsgəri öldürülüb?