Nida Təhlil
2017-ci il Azərbaycan tarixində qızıl hərflərlə yazıldı - Bu il hansı addımlar atılacaq?
2017-ci ildə də dünya siyasi və iqtisadi böhranlardan
kənarda qalmadı. Baş verənlərin məntiqi nəticəsi olaraq bir sıra
ölkələr iqtisadi çətinliklə üzləşib. Sabitlik adasına çevrilən
Azərbaycanda isə iqtisadi inkişaf əldə olundu. Təbii ki, bunun
səbəbi Prezident İlham Əliyevin Nazirlər Kabinetinin 2017-ci ilin
sosial-iqtisadi inkişafının yekunlarına və qarşıda duran vəzifələrə
həsr olunan iclasında çıxışında dediyi kimi “Sabitliyin və
inkişafın mənbəyi Azərbaycan xalqı, onun iradəsi və həyata
keçirilən siyasətdir. Bu siyasət Azərbaycan xalqının milli
maraqlarına söykənir”.
Azərbaycan artıq nəinki Cənubi Qafqaz regionunda, ümumilikdə
Avratlantika geosiyasi arealında səmərəli iqtisadi təşəbbüslərin
müəllifi kimi tanınıb. Respublikamızda son 14 ildə mühüm layihələr
reallaşıb. Ümummilli lider Heydər Əliyevin böyük müdrikliklə irəli
sürdüyü yeni neft strategiyasının tərkib hissəsi olan
Bakı-Tbilisi-Ceyhan əsas ixrac neft, Bakı-Tbilisi-Ərzurum qaz
kəmərləri istifadəyə verilib. Bunun nəticəsində Azərbaycan
Avropanın enerji təhlükəsizliyinin başlıca təminatçısına çevrilib.
Son aylarda isə Bakı-Tbilisi-Qars dəmir yolunun işə salınması,
“Əsrin müqaviləsi”nin yenilənməsi beynəlxalq əhəmiyyətli hadisəyə
çevrilib.
2017-ci ildə də Azərbaycan üçün uğurlu dövr oldu. Dünyanın müxtəlif
yerlərində risklərin, təhlükələrin artdığı, qanlı münaqişələrin,
qarşıdurmaların geniş vüsət aldığı bir dövrdə Azərbaycan xalqı
2017-ci ildə də sabitlik və təhlükəsizlik şəraitində
yaşayıbdır.
İslahatlar ili
Ötən il Azərbaycanda ümumilikdə islahatlar ili olaraq tarixə keçdi.
Dünya Bankı, Avropa Yenidənqurma və İnkişaf Bankı Azərbaycanda
gedən proseslərə yüksək qiymət verirlər. Davos Ümumdünya İqtisadi
Forumunun hesablamalarına əsasən Azərbaycan iqtisadiyyatı
rəqabətqabiliyyətliliyinə görə 2017-ci ildə iki pillə irəliləyərək,
dünya miqyasında 35-ci yerdə qərarlaşıb.
2017-ci ildə Azərbaycanda qeyri-neft sektoru 2,5 faiz, sənaye 3,6
faiz, kənd təsərrüfatı isə 4,1 faiz artıb. Azərbaycanın valyuta
ehtiyatları 4,5 milyard dollar artaraq 42 milyard dollar təşkil
edib. Adambaşına düşən valyuta ehtiyatlarının həcminə görə
Azərbaycan dünya miqyasında ön yerlərdən birini tutur.
Ötən il Azərbaycan iqtisadiyyatına 14,6 milyard dollar sərmayə
qoyulub. İxrac 19 faiz, qeyri-neft ixracımız isə 24 faiz artıb.
Ötən il 2016-cı illə müqayisədə ölkəmizə 500 min turist gəlib.
Azərbaycanın ticarət balansının müsbət saldosu 6,2 milyard dollar
təşkil edib. 2017-ci ildə 221 min yeni iş yeri açılıbdır ki,
onların 177 mini daimi iş yeridir. Azərbaycanda işsizlik 5 faiz,
yoxsulluq isə 5,4 faiz səviyyəsindədir. Bu dünya miqyasında ən
yaxşı nəticələrdən biridir.
İqtisadi və sosial layihələr
2017-ci ildə Prezident İlham Əliyev 30-dan çox rayonda yeni
müəssisələrin açılışında, təməlinin qoyma mərasimlərində iştirak
edib, bölgələrdə gedən vəziyyətlə əyani şəkildə tanış olub, müvafiq
tapşırıq və tövsiyələr verib, qanunvericilik aktları
imzalayıbdır.
Ötən il elektrik təchizatı yaxşılaşdırılıb, yeni yarımstansiyalar
işə düşüb, qazlaşdırma 93 faizə çatıb, 100 min hektardan çox sahə
suvarılmağa başlanıb, 1300 kilometr avtomobil yolu, o cümlədən beş
yüzdən çox kəndə yeni yol salınıb, içməli su layihələri uğurla icra
edilibdir. Bununla yanaşı, 133 yeni məktəb tikilib, 14 məktəb
əsaslı təmir edilib, 500-ə yaxın məktəbdə isə cari təmir
aparılıbdır.
Otuz tibb müəssisəsi tikilib və əsaslı təmir edilibdir. İki Olimpiya İdman Kompleksi istifadəyə verilibdir. 116 min ailə, 400 mindən artıq insan ünvanlı sosial yardım alır, orta hesabla hər ailəyə 150 manat sosial yardım göstərilir. Bu həyata keçirilən sosial siyasətin təzahürüdür.
2017-ci ildə 2300 qaçqın və məcburi köçkün ailəsi, 12 min insan yeni evlərə, mənzillərə köçürülübdür.
Cocuq Mərcanlının qısa müddət ərzində bərpası, yenidən qurulması
onu göstərir ki, işğaldan azad ediləcək bütün ərazilərdə qısa
müddət ərzində bütün təmir-bərpa işləri aparılacaq, şəhərlər,
kəndlər yenidən qurulacaq və bu gün dağılmış vəziyyətdə olan şəhər
və kəndlərə tezliklə həyat qayıdacaq.
Energetika və nəqliyyat
Ötən il “Azəri-Çıraq-Günəşli” yatağı üzrə kontraktın müddəti 2050-ci ilə qədər uzadılıb. Bu, Azərbaycanın neft sektoruna xarici investorlar tərəfindən bundan sonra da böyük həcmdə sərmayə qoyulacağı deməkdir.
İnvestisiyalar iqtisadiyyatın bütün sahələrinə öz müsbət
təsirini göstərəcək, yeni iş yerlərinin, yerli müəssisələrin
yaradılmasına təkan verəcək. Azərbaycanın iqtisadi inkişafının
planlaşdırılmasına və neft amilindən asılılığın daha da
azaldılmasına şərait yaradacaq. Kontraktların uzadılması SOCAR-ın
payının 11 faizdən 25 faizə artmasına, mənfəət neftinin 75 faizinin
Azərbaycana qalmasına səbəb olub. Bu layihədən Azərbaycan 3,6
milyard dollar bonus qazanacaq. Cənub Qaz Dəhlizinin uğurlu icrası
təmin edilib. “Şahdəniz-2” layihəsinin icrası 99 faizə çatıb.
Azərbaycanı Gürcüstanla birləşdirən Cənubi Qafqaz kəməri 93 faiz
icra edilib. TANAP layihəsinin icrası 90 faiz təşkil edir. TAP
layihəsinin icrası 60-62 faiz səviyyəsindədir. Energetika sahəsində
bu iki önəmli layihə Azərbaycanın bundan sonra da uğurlu inkişafını
təmin edəcək.
Transmilli nəqliyyat dəhlizlərinin yaradılması istiqamətində önəmli
addımlar atılıbdır. Bakı-Tbilisi-Qars dəmir yolunun açılışı nəinki
Azərbayacn, bölgə üçün, dünya üçün önəmli hadisə olubdur. Bu tarixi
layihənin icrası Azərbaycanı beynəlxalq nəqliyyat mərkəzlərinin
birinə çevirir. Azərbaycan Şimal-Cənub nəqliyyat dəhlizinin icrası
istiqamətində üzərinə düşən vəzifələri icra edibdir.
İdman və “İslam Həmrəyliyi İli”
2017-ci ildə Azərbaycan idman sahəsində böyük uğurlar
qazanıbdır. İslam Həmrəyliyi Oyunları - Azərbaycanın siyasi,
diplomatik, iqtisadi uğurlarına idman sahəsin dədə uğurun əlavə
olunması deməkdir. İslam Həmrəyliyi Oyunları dünyada İslam
həmrəyliyinin gücləndirilməsi istiqamətində atılan önəmli addımdır
və Azərbaycanın niyyətinin, siyasətinin göstəricisidir.
Azərbaycan dünyada həm İslam həmrəyliyinin gücləndirilməsi, həm də
multikulturalizmin təbliği üçün əvəzolunmaz ölkəyə çevrilir.
2017-ci ilin “İslam Həmrəyliyi İli” elan edilməsi İslam aləmində
çox böyük dəstəyə və rəğbətə səbəb olubdur. 2017-ci ilin “İslam
Həmrəyliyi İli” elan edilməsi göstərir ki, Azərbaycan xalqı öz
tarixi, dini köklərinə bağlıdır. Azərbaycanda bütün dinlərin
nümayəndələri bir ailə kimi yaşayır. Azərbaycan dünya miqyasında
həm İslam həmrəyliyi işlərinin təşkili, eyni zamanda,
multikulturalizmin təbliği üçün əvəzolunmaz ölkəyə çevrilir.
İqtisadi göstəricilər
2017-ci ilin ilk 11 ayında keçən ilin müvafiq dövrü ilə müqayisədə
xarici ticarət dövriyyəsi 12 faiz artaraq 21,8 milyard ABŞ dolları
təşkil edib, əmtəə ixracı isə 19 faiz artaraq 14 milyard ABŞ
dollarını üstələyib. Ticarət hesabında 6 milyard ABŞ dollarından
çox müsbət saldo yaranıb və nəticədə dövlətin məcmu valyuta
ehtiyatları ilin əvvəlinə nisbətən 4,5 milyard ABŞ dolları və ya
13,3 faiz artıb. 2017-ci ilin dövlət büdcəsinin gəlirləri və
xərcləri təsdiq olunmuş proqnoza qarşı 98 faiz səviyyəsində icra
olunub və müvafiq olaraq 16 milyard 447 milyon manat və 17 milyard
588 milyon manat təşkil edib. Sosial sahənin prioritet qaydada
maliyyələşdirilməsi məqsədilə 5 milyard 52 milyon manat və ya
dövlət büdcəsi xərclərinin 28,7 faizi həcmində vəsait yönəldilib.
Dövlət büdcəsinin vəsaiti hesabına investisiya xərclərinə 2 milyard
690 milyon manat vəsait yönəldilməklə, nəzərdə tutulan bütün
layihələrin maliyyələşdirilməsi təmin edilib. Kənd təsərrüfatına
dövlət dəstəyinin daha da artırılması, pambıqçılığın, taxılçılığın,
baramaçılığın, tütünçülüyün və heyvandarlığın kompleks inkişafının
genişləndirilməsi, ərzaq təhlükəsizliyinin daha da gücləndirilməsi
üçün 2017-ci ilin dövlət və icmal büdcələrindən üst-üstə 581,0
milyon manat vəsait ayrılıb.
2018-ci ilin yanvar ayının 1-dən ölkə üzrə ehtiyac meyarının
həddi orta hesabla 12 faiz artırılaraq 130 manat səviyyəsində
müəyyən edilməsi, minimum əməkhaqqının yuxarı həddinin də eyni
səviyyəyə qaldırılması Azərbaycan xalqının sosial və maddi
rifahının yaxşılaşdırılması istiqamətində atılan məqsədyönlü
addımlardır.
2018-ci ilin proqnozları
2017-ci ildə iqtisadi sahədə müşahidə olunan meyllər 2018-ci ildə
daha da güclənəcək, daha böyük uğurlar əldə olunacaq.
Neft Fondunun gəlirlərinin artırılması ölkə qarşısında duran
önəmli layihələrin icrasına imkan verəcək və Azərbaycanın iqtisadi
dayanıqlılığını təmin edəcək.
2018-ci ildə Azərbaycan iqtisadiyyatına 15 milyard dollar
səviyyəsində sərmayə qoyuluşu gözlənilir. Qeyri-neft sektorunun
inkişafı daim diqqət mərkəzindədir. Sahibkarlığın inkişafına
dəstək, yeni iş yerlərinin, istehsal müəssisələrinin yaradılması
davamlı xarakter daşıyacaq. İqtisadi sahəyə, sənaye potensialının,
kənd təsərrüfatının inkişafına göstərilən dəstək və əldə edilən
nəticələr deməyə əsas verir ki, yeni iş yerlərinin yaradılması
prosesi 2018-ci ildə də sürətlə gedəcək. Özünüməşğulluq proqramı
üçün ayrılmış 35 milyon manat vəsait 7 min ailənin büdcəsinə böyük
dəstək olacaq. 2018-ci ildə 20 min köçkün yeni evlərə, mənzillərə
köçürüləcək.
Sosial infrastruktur layihələrinin icrası
istiqamətində: Bölgələrdə modul tipli 137 məktəb
tikiləcək; Altı şəhərdə yeni mərkəzi rayon xəstəxanası istifadəyə
veriləcək; Dörd Olimpiya İdman Kompleksinin tikintisi nəzərdə
tutulur.
Sənaye parklarının yaradılması istiqamətində praktiki
addımlar atılır: Mingəçevirdə Yüngül Sənaye Parkının ilk
fabriklərinin açılışı bu il gözlənilir; Sumqayıt Kimya Sənaye
Parkında işlər uğurla gedir. 2017-ci ilin sonunda dörd yeni
müəssisənin açılışı oldu və üç müəssisənin təməli qoyuldu; 2018-ci
il də sənaye inkişafı ilə bağlı əlamətdar il olacaq. On yeni xalça
fabrikinin açılışı nəzərdə tutulur. Proqnozlara görə, ilin sonuna
qədər xalça fabriklərinin sayı 20-yə çatmalıdır; 2018-ci ildə də
ərzaq təhlükəsizliyi ilə, xüsusilə taxılçılıqla bağlı əlavə
tədbirlər görüləcək. İdxaldan asılılıq azalacaq, ixracyönümlü
məhsulların həcmi artacaq; Pambıqçılıq, baramaçılıq, fındıqçılıq,
tütünçülük, çayçılıq, çəltikçilik, sitrusçuluq üzrə həyata
keçirilən tədbirlər davam etdiriləcək; Yeni kənd təsərrüfatı
texnikasının alınması üçün 160 milyon manat vəsait nəzərdə
tutulub.
2018-ci ildə daha il üç “ASAN xidmət” mərkəzi fəaliyyətə başlayacaq
və mərkəzlərin sayı 15-ə çatacaq. Bir ildən sonra “ASAN xidmət”
mərkəzlərinin sayı 20-yə çatdırılacaq.
Turizmin inkişafı: 2016-cı ildə xarici
turistlərin gəlişi 24 faiz artıb, keçən il isə əlavə daha 20 faiz
artım olubdur. 2017-ci ildə Azərbaycana 2,7 milyon xarici vətəndaş
gəlib.
2018-ci ildə Ələt Dəniz Ticarət Limanının birinci mərhələsinin başa
çatması ilə Azərbaycan Xəzər hövzəsində ən böyük dəniz ticarət
limanına sahib olacaq. Bununla yanaşı, Bakı-Tbilisi-Qars dəmir
yolunun fəaliyyəti üçün çox önəmli il olacaq. Şimal-Cənub nəqliyyat
dəhlizi layihəsinin icrası Azərbaycanda dəmir yolunun sürətinin
artırılmasını tələb edir. Bu məqsədlə Bakı-Yalama və Bakı-Astara
dəmir yolunun tədricən yenidən qurulması, təmiri ilə bağlı işlər
görüləcək. Ləki-Qəbələ dəmir yolu tikiləcək. Şahdağ xizək kurortuna
da dəmir yolunun çəkilişi planlaşdırılır. Yeni yolların çəkilməsi,
qazlaşdırma, suvarma və digər istiqamətlər üzrə işlər davam
etdiriləcək.
-
Müsahibə10:15
Diplomu 175 ölkədə tanınan azərbaycanlı: İki illik proses 40 gündə bitdi
-
Region09:20
Tavuşda etiraz başladı: Ermənilər İrəvan-Tbilisi yolunu bağladılar
-
Ekopublika.az08:35
Azərbaycanda yumurta kəskin ucuzlaşdı - SƏBƏB
-
Nida Xəbər 07:50
Blinken Azərbaycanın kəndlərinin qaytarılması ilə bağlı razılaşmanı alqışladı
-
Magazin107:25
Azərbaycanlı aktrisa əzələlərini nümayiş etdirdi - FOTOLAR
-
İdman03:18
“Mançester Yunayted”in ən seksual azarkeşi - FOTOLAR
-
İdman01:45
Məşhur kluba ağır cəza - 18 xalı silindi
-
Sosial01:01
Azərbaycana qaytarılan dörd kəndin sakinləri DANIŞDILAR - VİDEO