Nida Təhlil
ABŞ-Türkiyə döyüşü Azərbaycana necə təsir edəcək? - Vaşinqton Bakının...
Türkiyənin Rusiya ilə S-400 hava hücumundan müdafiə
sistemlərini almaqla bağlı müqavilə imzalamasından sonra okeanın o
tayında oturanlar Ankaranı təzyiqlərlə hədələdi. Ötən həftə
Türkiyəyə qarşı qəbul edilmiş iki qərar – F-35 təyyarələrinin
satışının dayandırılması və beynəlxalq kredit şirkətlərindən kredit
almasının qarşısının alınması – Vaşinqtonun Ankaraya hücumunun əsas
elementi oldu və gözlənilənlərə görə, bu, hücumlar hələ
başlanğıcdır.
ABŞ son olaraq Türkiyədə PKK və FETÖ terror təşkilatlarına dəstəyə
görə həbs edilən amerikalı rahib Endryu Brunsonu bəhanə etdi, lakin
əsas hədəfin Türkiyənin müstəqil xarici siyasət yürütməsi, xüsusilə
Rusiya ilə yaxın münasibətlər qurmasının qarşısını almaqdır.
Vaşinqtonda “ABŞ rəqiblərinə əks-təsir sanksiyaları haqqında”
qanunun qəbulundan sonra Rusiyadan silah alan ölkələrin “qara
siyahıya” salınması prosesi başlandı. Türkiyənin S-400 almaq istəyi
isə amerikalılar üçün ikiqat təhlükəyə çevrildi. Maraqlıdır ki,
Azərbaycan da Rusiyadna silah alır və Türkiyənin əsas müttəfiq
ölkəsidir, lakin Vaşinqton Bakıya qarşı indiyə qədər adi bir
xəbərdarlıq da etməyib. Türkiyə-ABŞ xəttində son gərginlik baş
verənlərin Azərbaycana necə təsir göstərəcəyi haqda suallar
yaradır.
Publika.az xəbər verir ki, rusiyalı siyasi şərhçi
Sergey Strokanya okeanın o tayından Azərbaycana sakit münasibət
sərgiləyəcəklərini hesab edir.
“Azərbaycan Rusiyadan silah alan əsas ölkədir. Lakin Türkiyəyə
qarşı bu təzyiq edildiyi halda, Bakının qarşısında susqunluq
nümayiş etdirilməsi diqqət çəkir. Burada bir sıra səbəblər var.
Birincisi, Azərbaycan ABŞ-dan silah almır, öz ordusunun arsenalını
Rusiya, Belarus, Şərqi Avropa ölkələri, Pakistan, Türkiyə, İsrail
və digər ölkələr hesabına zənginləşdirir. Yəni Vaşinqtonun faktiki
olaraq Azərbaycana qarşı silahla bağlı nəsə etməyə texniki imkanı
yoxdur. Doğrudur, ABŞ-da Rusiya ilə Azərbaycanın hərbi
əməkdaşlığını kəsmək istəyənlər var, xüsusilə erməni lobbisi buna
can atır. Lakin Vaşinqtonun belə bir niyyəti yoxdur. İkincisi,
Azərbaycanın əsas hərbi əməkdaşlarından biri İsraildir. ABŞ-ın
müttəfiqi olan İsrail də buna qarşı çıxır”, – deyə rusiyalı şərhçi
qeyd edib.
S.Strokanya ABŞ-ın Türkiyənin Rusiyadan silah almasına bu qədər
sərt reaksiya verməsinin başqa bir səbəbinin də olduğunu
vurğulayıb: “Türkiyə ordusu dünyanın ən güclü ordularından biridir,
həmçinin NATO-da ABŞ ordusundan sonra ikinci əsas ordudur. Türkiyə
ordusunun silah arsenalı da əsasən ABŞ və Qərb istehsalçılarının
silahları ilə doludur. Problemin kökü də əslində burdadır. Türkiyə
son illər boyunca öz hərbi-sənayesini inkişaf etdirir, həmçinin,
hərbi-texniki əməkdaşlığını diversifikasiya etməyə çaışır. Hələ
2013-cü ildə Türkiyə Hava Hücumundan Müdafiə texnologiyasına giriş
əldə etmək istəyəndə Qərb “qırmızı işıq” yandırdı. Rusiyadan
S-400-lərin alınması isə Türkiyənin qismən də olsa hava hücumundan
müdafiə sistemlərinin texnologiyasının əldə edilməsi ilə
nəticələnəcək. Qərb məhz bunu istəmir”.
Asif
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...