Nida Təhlil
Din pərdəsinə bürünmüş anti-Azərbaycan qüvvələrin QARABAĞ HƏDƏFİ
Dini pərdə altında Azərbaycana qarşı qarayaxma
kampaniyası davam etdirilir. Xüsusilə sosial şəbəkələrdə aparılan
bu kampaniya hazırda hər bir azərbaycanlının və Azərbaycan
dövlətinin ən həssas nöqtəsi olan Dağlıq Qarabağ məsələsi üzərindən
davam etdirilir.
Publika.az xəbər verir ki, sosial şəbəkələrdə din pərdəsi
altında gizlənən təxribatçı radikallar Azərbaycan haqqında yanlış
rəy yaratmaq üçün “faktları” tirajlamaqdadır. Bu qruplar müxtəlif
status, rəy və videomüraciətlərdə Azərbaycanda dini və milli
azadlıqların, insan haqlarının pozulduğu, dindarların
sıxışdırıldığı kimi iddialar ortaya atırlar.
Hərçənd, bütün dünya Azərbaycanı tolerant ölkə kimi tanıyır, qəbul
edir. Bu gün Azərbaycanda yüzlərlə məscid, ibadət mərkəzləri dövlət
tərəfindən qorunur, mühafizə olunur. Azərbaycan müharibələrin,
diskriminasiyaların, dini-irqi ayrıseçkliyin baş alıb getdiyi
dünyada multikulturalizm adası olaraq beynəlxalq mərkəzə çevrilib.
Bu baxımdan, Azərbaycanda inanclı şəxslərin sıxışdırıldığına dair
iddialar absurd olduğu qədər də tutarsızdır.
Cəmiyyətin bu cür iddialar üzərindən aparılan manipulyasiyaları
qəbul etmədiyini görən təxribatçı qruplar sosial şəbəkələrdə Dağlıq
Qarabağ məsələsi üzərindən Azərbaycan hakimiyyətinə və dövlətinə
hücum edirlər.
Niyə Qarabağ?
Azərbaycan dövləti ərazi bütövlüyümüzün bərpası istiqamətində hərbi
və diplomatik sferada durmadan çalışır. Prezident İlham Əliyevin
həyata keçirdiyi diplomatiya nəticəsində Azərbaycan işğalçı ölkəni
küncə sıxışdırıb. Lakin dünyanın mövcud reallıqları və işğalçı
ölkənin antisülh mövqeyi münaqişənin danışıqlar yolu ilə həllini
uzadır. Azərbaycanın alternativ yolu var: bu, “aprel müharibəsi”ndə
olduğu kimi sözü Ordumuza verməkdir. Bakı bu variantı son çarə
olaraq əlinin altında saxlamaqdadır və buna paralel olaraq,
münaqişənin danışıqlar yolu ilə həlli üçün diplomatik fürsətlərdən
yararlanmağa çalışır.
Təxribatçı dairələr Azərbaycanda xalq-iqtidar birliyini sarsıtmaq
üçün daim nələrəsə cəhd edirlər. İndiyə qədər ortaya atılan
iddialar heç bir nəticə verməyib, çünki xalq öz seçiminin
arxasındadır. Görünür, bu dairələr son həmlə olaraq Qarabağ amilini
gündəmə gətirir. Əsas iddiaları budur ki, “guya hakimiyyət Dağlıq
Qarabağı qaytarmaq istəmir, sadəcə vaxtı uzatmaqla məşğuldur”. Bu
iddianın absurd olduğu məlumdur, lakin bu iddianın arxasındakı
dairələrin hədəfi olduqca təhlükəlidir. Onların hədəfi Azərbaycanda
xalq-iqtidar birliyini pozmaq və ölkəni xaosa sürükləməkdir.
Əslində proseslər Gəncə hadisələri ilə başlanıb və heç bir şey edə
bilməyən radikal dairələr son olaraq Qarabağ amilindən istifadə
etməyə cəhd edirlər.
“Kimsəyə sirr deyil ki, regionun bəzi
dövlətləri...”
Politoloq Elçin Mirzəbəyli də bildirib ki, bütün bunlar Azərbaycana
qarşı həyata keçirilən təxribat kampaniyasının tərkib hissəsi və
davamıdır: “Gəncədə baş verən terror aktı, həmçinin radikal
qrupların ixtişaşa cəhdi zamanı xüsusi amansızlıqla həyata
keçirilən cinayətlərdən nəticə əldə etməyən xarici dairələr və
onların din pərdəsi arxasında gizlətdiyi vətən xainləri nəyin
bahasına olursa-olsun Azərbaycan xalqının və dövlətinin iradəsini
qırmağa, vətəndaşlarımız arasına nifaq toxumu səpməyə çalışırlar.
Bu prosesin vahid mərkəzdən idarə olunduğuna qətiyyən şübhə yoxdur
və prosesin arxasında dayanan xüsusi xidmət orqanlarının, işğalçı
Ermənistanı himayə edən, Azərbaycan torpaqlarının qəsb edilməsi
zamanı Ermənistan üçün “həyat yolu” missiyasını yerinə yetirən,
regionu münaqişələr, qarşıdurmalar yolu ilə nəzarətdə saxlamağa
çalışan dairələrin də ünvanı hər kəsə bəllidir. Təəssüf ki,
beynəlxalq hüququn bəzi subyektləri nəinki elan etdikləri
prinsiplərə, qoşulduqları konvensiyaların müddəalarına əməl etmir,
əksinə terrorizm, aqressiv separatizm və digər bu kimi insanlıq
əleyhinə cinayətlərə ortaq olur, bütün dinlərin, o cümlədən İslam
dininin təşviq etdiyi humanizm prinsiplərinin, bəşəri dəyərlərin
gözdən salınmasına xidmət edirlər".
Onun fikrincə, kimsəyə sirr deyil ki, regionun bəzi dövlətləri
ayrı-ayrı Azərbaycan vətəndaşlarını qanunsuz yollarla əməkdaşlığa
cəlb edir, onları qeyri-qanuni hərbi birləşmələrin, terror
qruplarının təlim mərkəzlərinə göndərir və ölkəmizə qarşı müxtəlif
cinayət əməllərində istifadə etməyə çalışırlar. Maraqlıdır ki,
Azərbaycana qarşı həyata keçirilən bu təxribatlarda bir-birinə
tamamilə zidd ideoloji müstəvidə formalaşan teokratik və sekulyar
rejimlərin təmsilçiləri vahid mövqedən çıxış edir, yayındırıcı
manevrlərlə diqqəti hücumların real məqsədindən yayındırmağa
çalışırlar. Diqqəti cəlb edən məqamlardan biri də öz sərhədlərindən
kənarda terrora, dinin radikallaşmasına və siyasi məqsədlər üçün
istifadə edilməsinə qarşı çıxdığını iddia edən bəzi subyektlər öz
sərhədləri daxilində başqa bir ölkəyə, indiki halda Azərbaycana
qarşı təşkil edilən terror və separatizm ssenarilərinin yazıldığı
və icrasına sifariş verildiyi məkana çevrilir. Öz ərazisində baş
qaldıran separatizm və terrorizm dalğasına, din pərdəsi arxasında
daldalanan radikal qruplara qarşı tanklarla, raketlərlə mübarizə
aparan, bütöv kəndləri, şəhərləri bombalayan dövlətlər başqa ölkəyə
qarşı oxşar təxribatları həyata keçirən qrupları himayə edir,
onlara hər cür imkanlar yaradır, şəbəkələşmələrinə, imformasiya və
kommunikasiya texnologiyalarından geniş istifadə etmələrinə
hərtərəfli şərait yaradırlar. Bütün bunlar isə sübuta yetirir ki,
təxribatçıların istifadə etdikləri “din”, “Qarabağ məsələsi”,
“sosial problemlər” və bu kimi tezislər onlara haqqında danışdığım
subyektlərin müvafiq strukturları tərəfindən ötürülüb və
Azərbaycana qarşı həyata keçirilən təzyiq kampaniyasının tərkib
hissəsidir”.
Təslimçi sülhə sövq etmək gedişi
Elçin Mirzəbəylinin qənaətinə görə, əslində Azərbaycan hökumətini
“Qarabağı azad etməkdə maraqlı olmadığını” iddia edənlərin niyyəti
ölkəni qarşıdurmaya sürükləmək, gücdən salmaq və təslimçi sülhə
sövq etməkdir:
“Bunun üçün isə onlara Azərbaycanda özlərinin idarə etdiyi,
hətta forpostdan da aşağı statusa malik olan oyuncaq dövlət və
marionet idarəçilər lazımdır. Onlar Azərbaycanın maraqlarını
müdafiə edən, silahlı qüvvələri gücləndirən, ordunu dünyanın
müxtəlif ölkələrində istehsal edilən ən müasir silah-sursat, hərbi
texnika ilə təchiz edən, ölkənin beynəlxalq əlaqələrini
genişləndirən, nüfuzunu artırmaq üçün çalışan, dövlətinin
maraqlarını və qürurunu qoruyan dövlət başçısını özlərinə ən böyük
təhlükə görürlər”, - deyə o bildirib.
Politoloq hesab edir ki, bu təxribatların detalları arasında
Azərbaycanı dünyadan təcrid etmək, bir, yaxud ortaq mövqedən çıxış
edən bir neçə subyektin təsiri altında saxlamaq, ölkəmizin uğurlu
enerji siyasətinin qarşısını almaq, dövlətimizin dünyaya açılışını,
inkişafını əngəlləmək, asılı vəziyyətə salmaq niyyəti də var:
“Şübhəsiz ki, bütün bu amillər sübuta yetirir ki, hədəfdə
Azərbaycan dövləti, xalqı və övladlarımızın gələcəyidir. Bütün bu
təhdidlər sabitliyimizə, təhlükəsizliyimizə, azad və firavan
yaşamaq iradəmizə qarşı yönəlib. Və bu təhdidlərə qarşı bu günə
qədər olduğu kimi yenə də dövlət və xalq olaraq birlikdə
dayanmalıyıq”.
Publika.az
-
Maraq dünyası12:00
May ayının şanslı BÜRCLƏRİ
-
Hadisə11:18
"Oğlan subay olub, qız isə..." - Bakıda gənclər hamamda necə ölüb? - VİDEO
-
Dünya10:41
Rusiya hərəkətə keçdi: Bu ölkə qırıcıları havaya qaldırdı
-
Avropa10:15
Zelenskini öldürmək istəyən şəxs bu ölkədə saxlanıldı
-
MDB09:48
Moskvada motosikletçini öldürən Şahin Abbasovun mənzilindən görün nə qədər pul tapıldı - FOTO
-
Yaxın Şərq09:12
İsrail İranı vurdu: görün neft bahalaşaraq neçəyə oldu
-
Hadisə08:07
Qızı ilə Kürdə batan atanın meyiti TAPILDI
-
Magazin106:16
Əməkdar artist: “Oğlumun vəfatından sonra yatmıram”