​​​​​​​Soçidə GİZLİ QARABAĞ SAZİŞİ, 20 illik müharibəyə HAZIRLIQ... – HƏFTƏNİN SİYASİ XÜLASƏSİ
Bizi izləyin

Nida Təhlil

​​​​​​​Soçidə GİZLİ QARABAĞ SAZİŞİ, 20 illik müharibəyə HAZIRLIQ... – HƏFTƏNİN SİYASİ XÜLASƏSİ

ABŞ Prezidenti Donald Tramp qarşıdakı aylarda Dağlıq Qarabağ münaqişəsinin həlli üçün imkanlar açılacağını bildirib. ABŞ Dövlət katibi Maykl Pompeo tərəfləri tezliklə intensiv danışıqları bərpa etməyə çağırıb. Azərbaycan XİN Ermənistanın baş naziri Nikol Paşinyanın işğal altındakı Dağlıq Qarabağa gəlişi və aqressiv bəyanatlar verməsini şərh edib. KTMT Ermənistan-Azərbaycan sərhədində baş verən toqquşmaya münasibət bildirib. Aralıq dənizi üzərində Rusiyanlın hərbi təyyarəsi vurulub. Rusiya və Türkiyənin hərbi rəsmiləri İdlibdə silahsız bölgənin sərhədləri ilə bağlı son razılığa gəliblər. İranda hərbi parad zamanı terror aktı törədilib. ABŞ Rusiyadan “S-400” zenit-raket komplekslərini alan Çinə sanksiyalar tətbiq edib. Kiyev Azov dənizi üzrə məxfi planının olduğunu açıqlayıb.

Azərbaycan, Dağlıq Qarabağ

Ərdoğan Putinlə İdliblə bağlı razılaşdı, əvəzində Bakı və Ankara Moskvadan Dağlıq Qarabağı alacaq. Bu iddia ilə Ermənistanın “lragir” saytı çıxış edib.

Sayt yazır ki, Rusiya Türkiyəyə hədiyyə verəcək.

“Bu hədiyyənin nə olduğu Rusiya-Ermənistan münasibətlərinin gərginliyi fonunda aydın olur. Bakı və Ankara Moskvanı Qarabağın qaytarılması məsələsinə razı salıblar. Ermənistan üçün Rusiyasız Türkiyə və Azərbaycanla mübarizə aparmaq çətin olacaq”, - deyə sayt yazıb.

Dağlıq Qarabağ münaqişəsi güc tətbiq olunmadan həll edilməlidir. Bunu Trend-in Ermənistan parlamentinin “Şant-2018” komanda-qərargah təlimləri çərçivəsində Azərbaycana şərti müharibə elan etməsi qərarının münaqişənin həlli prosesinə təsiri barədə sorğusuna cavab olaraq Rusiya Xarici İşlər Nazirliyindən (XİN) bildiriblər.

XİN-dən deyiblər: “Biz dəfələrlə vurğulamışıq ki, Dağlıq Qarabağ münaqişəsi güc tətbiq olunmadan, yalnız sülh yolu ilə həll edilməlidir. Bununla əlaqədar olaraq tərəflərin diqqətini 2017-ci ilin oktyabrında Cenevrədə əldə olunmuş razılığa əsaslanan danışıqlar prosesinin fəallaşdırılmasına yönəltməsini daha aktual hesab edirik”.

Qeyd edək ki, Ermənistan parlamenti “Şant-2018” komanda-qərargah təlimləri çərçivəsində Azərbaycana şərti müharibə elan etmişdi. Müvafiq məlumat parlamentin saytında yerləşdirilmişdi.

“Ermənistan dərhal işğal altındakı rayonların beşini Azərbaycana qaytarmalıdır. Bu kiminsə xoşuna gəlməyə bilər, lakin vəziyyət belədir”. Bu barədə “Milli müdafiə” nəşrinin baş redaktoru, Dünya Silah Ticarətinin Analiz Mərkəzinin rəhbəri, rusiyalı hərbi ekspert İqor Korotçenko deyib.

Onun sözlərinə görə, Qarabağla yanaşı, ətrafındakı rayonlar da işğal altındadır: “Ermənilər bu əraziləri “təhlükəsizlik zonası” adlandırır. Bu faktı dəyişdirməyə heç kimin gücü çatmaz. Bu, Ermənistanın işğal etdiyi Azərbaycan ərazisidir”.

Azərbaycanın işğal edilmiş Dağlıq Qarabağ bölgəsində təmas xəttində gələn Ermənistanın baş naziri Nikol Paşinyan müharibəyə hazır olduqlarını bildirib. Paşinyan cəbhədə vəziyyətə nəzarət etdiklərini iddia edib.

“Bizim ordumuz vəziyyətə nəzarət edir, lakin bu, bizim müharibə istədiyimiz demək deyil. Biz sülhə hazırıq, həmçinin, müharibəyə də hazırıq”, - deyə Paşinyan bildirib.

Azərbaycan Xarici İşlər Nazirliyi Ermənistanın baş naziri Nikol Paşinyanın işğal altındakı Dağlıq Qarabağa gəlişi və aqressiv bəyanatlar verməsini şərh edib.

“Azərbaycan və Ermənistan xarici işlər nazirlərinin Nyu-Yorkda BMT Baş Assambleyası çərçivəsində nəzərdə tutulan görüşü ərəfəsində Ermənistan rəhbərliyi tərəfindən Azərbaycanın işğal olunmuş ərazilərinə belə bir təxribatçı səfərin edilməsi və səfər zamanı aqressiv bəyanatların səsləndirilməsi Ermənistan tərəfinin qəsdən vəziyyəti gərginləşdirmək niyyətinin göstəricisidir. ATƏT-in Minsk Qrupunun həmsədrlərini işğalçı Ermənistanı danışıqlar prosesinə xələl yetirən bu kimi təxribatçı addımlardan və bəyanatlardan çəkindirmək istiqamətində addımlar atmağa çağırırıq. Ermənistan son günlər təmas xəttində, eləcə də Azərbaycan-Ermənistan sərhədində vəziyyətin gərginləşdirilməsi istiqamətində sistematik addımlar atır. Azərbaycan torpaqlarının işğalı, bu ərazilərdə törədilən çoxsaylı qanun pozuntuları və cəbhə bölgəsində yaranmış gərginliyin bütün məsuliyyəti Ermənistan rəhbərliyinin üzərinə düşür”, - bəyanatda deyilir.

Kollektiv Təhlükəsizlik Müqaviləsi Təşkilatının (KTMT) Birləşmiş Qərargah rəisi Anatoli Sidorov Ermənistan-Azərbaycan sərhədində baş verən toqquşmaya münasibət bildirib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Qarşıdan gələn aylarda Dağlıq Qarabağ münaqişəsinin həlli üçün imkanlar açılır. Bunu ABŞ Prezidenti Donald Tramp müstəqillik günü münasibətilə Ermənistanın Baş naziri Nikol Paşinyana göndərdiyi məktubda bildirib.

“ATƏT-in Minsk qrupunun həmsədr dövləti kimi ABŞ münaqişənin uzunmüddətə dinc yolla həlli üçün sizinlə işləməyə hazırdır”, - deyə D.Tramp vurğulayıb.

ABŞ Dağlıq Qarabağ münaqişəsinin dinc yolla həllinə sadiqdir və tərəfləri tezliklə intensiv danışıqları bərpa etməyə çağırır. Bunu ABŞ Dövlət katibi Maykl Pompeo bildirib.

O, Ermənistanın müstəqillik günü ilə bağlı müraciətində bu ölkədə baş verən son dəyişikliklərə də toxunub:

“Demokratik institutların möhkəmlənməsi, korrusiyaya qarşı mübarizə və iqtisadiyyatın artımının tənzimlənməsində Ermənistan xalqı və hökuməti ilə birgə fəaliyyət göstərəcəyimizi səbirsizlikə gözləyirik”.

Ermənistan

Ermənistanın müdafiə naziri David Tonoyan düşmən hərbi birləşmələrinin törətdiyi təxribatdan sonra sərhəddəki vəziyyətdən danışıb. Erməni nazir jurnalistlərə açıqlamasında hazırda sərhəddə nisbətən sakitlik olduğunu deyib.

Qeyd edək ki, bu, erməni nazirin erməni hərbi birləşmələrinin sərhəddə son təxribat hücumundan sonra ilk bəyanatıdır. Bir neçə gün öncə erməni hərbi birləşmələri sərhəddə təxribat hücumuna cəhd edib. Azərbaycan Ordusunun cavab atəşi nəticəsində düşmənə ağır zərbə endirilib.

Xatırladaq ki, Azərbaycan Prezidenti İlham Əliyev bir neçə gün öncə Biləsuvar rayon ictimaiyyətinin nümayəndələri ilə görüşdə erməni hərbi birləşmələrinin sərhəddəki təxribat hücumuna toxunmuşdu.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Ermənistan Baş naziri Nikol Paşinyan noyabr-dekabr aylarında növbədənkənar parlament seçkisi keçirmək istəyir. Bu barədə məlumatı “Jamanak” qəzeti yayıb.

“Paşinyan baş düşür ki, növbədənkənar seçkini yaza qədər təxirə salsa, o zaman onun reytinqi əhəmiyyətli dərəcədə aşağı düşəcək. Paşinyan anlayır ki, Konstitusiya dəyişikliklərini həyata keçirə bilməyəcək. Ona görə ki, parlament bu dəyişikliklərə səs verməyəcək. Yeni parlamentin formalaşması üçün yeganə imkan onun istefasıdır. Parlamentdəki əksəriyyəti təşkil edən Respublikaçılar Partiyasının baş nazir vəzifəsinə namizəd irəli sürə bilməməsi üçün Paşinyan yeni mitinqlər təşkil edib, parlament binasını mühasirəyə almaq niyyətindədir. Bununla o, iki həftə ərzində parlamenti növbədənkənar seçki keçirməsi üçün iclas çağırmağa məcbur etmək istəyir”, – deyə məqalədə bildirilib.

Türkiyə, İran, Yaxın Şərq

Türkiyənin “Haber7” saytının yazarı və “Kanal 7”nin Ankara üzrə nümayəndəsi Mehmet Acet Rusiya və Türkiyə prezidentləri Vladimir Putin və Rəcəb Tayyib Ərdoğanın Soçi görüşündən əvvəl Moskvanın Ankaraya etdiyi bir təklif barədə yazıb. Mənbəyə istinad edən yazarın sözlərinə görə, Rusiya Türkiyəyə “Türkiyə sərhədi boyu 1000 kvadrat kilometrlik ərazini sizin nəzarətinizə verək, qalanına qarışmayın” şəklində təklif edib.

Mehmet Acet qeyd edib ki, təklif Türkiyə tərəfindən rədd edilib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Türkiyə və Rusiya prezidentlərinin Soçi görüşündə İdlib razılığı regiondakı mənzərəni dəyişdi. Bütün dünyanın müharibə gözlədiyi şəhərdə sülh əldə olundu, Əsəd və müxaliflər arasında təhlükəsizlik zonası yaradıldı. Maraqlıdır ki, İdlibə hücuma hazırlaşan Əsəd niyə razılaşmaya boyun əydi? O da maraqlıdır ki, İran İdlib razılaşmasında yer almadı.

Türkiyəli yazar Mehmet Acet İdlib razılaşmasının pərdəarxasında baş verənləri ortaya çıxarıb.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

“Rusiya və Türkiyənin hərbi rəsmiləri dünən İdlibdə silahsız bölgənin sərhədləri ilə bağlı son razılığa gəliblər”. Bu barədə Rusiya xarici işlər naziri Sergey Lavrov deyib.

Lavrov qeyd edib ki, Soçidə əldə olunan razılaşma aktiv şəkildə həyata keçirilir.

“Rusiya və Türkiyənin İdlib razılaşması “ara addım”dır. Silahsız bölgənin yaradılması Suriya ordusuna və Xmeymim bazasına hücumların qarşısını alacaq”, - deyə o bildirib.

Rusiyanın "İl-20" tipli hərbi təyyarəsi rəsmi informasiyaya görə, Suriyanın Hava Müdafiə Qüvvələri tərəfindən səhvən vurulub, amma təyyarənin Rusiya hərbçiləri tərəfindən vurulması istisna edilmir. Bu sözləri Ukraynanın “Apostrof” nəşrinə açıqlamasında “Razumkov Mərkəzi”nin xarici siyasət və beynəlxalq təhlükəsizlik proqramları üzrə direktoru, müdafiə nazirinin keçmiş köməkçisi Aleksey Melnik bildirib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Aralıq dənizi üzərində hərbi təyyarəsi vurulan Rusiyadan əks həmlə gəldi. Türkiyənin “Haber7” saytına istinadən xəbər verir ki, Cənubi Kipr mediasının yazdığına görə, Rusiya Suriyanın Şərqi Aralıq dənizi sahillərini hava və dəniz marşrutu üçün bağlayıb.

Cənubi Kipr mediasının xəbərlərini İsrailin “Haaretz” qəzeti ölkəsindən olan səlahiyyətlilərə istinadən təsdiqləyib. Rusiyanın qəbul etdiyi qərar əsasən, bölgədə gələn həftədən etibarən heç bir təyyarə və gəmi hərəkət etməyəcək.

Qeyd edək ki, sentyabrın 17-dən 18-nə kecən gecə Aralıq dənizi üzərində Rusiyanın "İl-20" tipli hərbi təyyarəsi Hmeymim təyyarə bazasına qayıdan zaman radarlardan itib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Rusiya Aralıq dənizi üzərində vurulan "İl-20" tipli hərbi təyyarəsi ilə bağlı İsrailin təqdim etdiyi dəlilləri qəbul etməyib. “Hizbullah”a yaxınlığı ilə tanınan “Al Mayadeen” telekanalının verdiyi məlumata görə, Təl-Əvivin təqdim etdiyi məlumatlar Rusiyaya inandırıcı gəlməyib.

Xəbərə görə, İsrail Hərbi Hava Qüvvələri komandanı general-mayor Amikam Norkinin rəhbərliyindəki nümayəndə heyəti Rusiya prezidenti Vladimir Putinlə görüşmək istəyib. Lakin Putin İsraildən gələn heyətlə görüşmək istəməyib və onları geri göndərib.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

İran Yaxın Şərqdəki bütün konfliktlərə görə məsuliyyət daşıyır. Bunu BMT Təhlükəsizlik Şurasında çıxışı zamanı ABŞ-ın BMT-dəki Daimi Nümayəndəliyinin rəhbəri Nikki Heyli deyib.

“Əgər Yaxın Şərqdə qeyri-stabillik mənbəyi olan bir ölkə varsa, bu, İsrail yox, İrandır. İran İraqda nəzarət etdiyi qruplardan amerikalılara qarşı hücum üçün istifadə edir. İki həftə əvvəl İranın dəstəklədiyi qruplar ABŞ-ın Bağdaddakı Səfirliyinə və Bəsrədəki Konsulluğun raketlərlə hücum ediblər. Biz bununla barışmayacağıq. İran bu hücumları dayandıra bilər, amma bunu etməyi özünə vacib bilmədi”, – deyə o bildirib.

Tehran BMT-nin Baş Assambleyası çərçivəsində prezident Həsən Ruhaninin ABŞ prezidenti Donald Trampla görüşü üçün sorğu göndərməyib. Bu haqda İranın Xarici İşlər Nazirliyinin rəsmisi Bəhram Qasımi bildirilib.

“Yenidən vurğulayıram ki, İran tərəfi heç vaxt Trampla görüş üçün sorğu göndərməyib”, - o deyib.

Xatırladaq ki, İran tərəfinin sözügedən sorğusu ilə bağlı ABŞ-ın BMT-dəki daimi nümayəndəsi Nikki Heyli bildirib.

Donald Tramp 2018-ci il mayın 8-də Vaşinqtonun İranla nüvə proqramı üzrə razılaşmadan çıxdığını elan edib. Prezident həmçinin, İrana qarşı bütün sanksiyaların bərpa olunacağını bildirib.

İsrail özünün məhvi üçün istifadə ediləcək silahın Hizbullahın əlinə keçməsinə mane ola bilməyib. Bunu Hizbullah lideri Həsən Nəsrullah deyib. Onun sözlərinə görə, artıq Livan və İsrail qüvvələrinin balansı dəyişib:

“Hizbullahın yüksək dəqiqliyə malik silah ələ keçirməsinə qarşı, İsrailin bütün cəhdləri boşa sərf edilib. Əgər hərbi fəaliyyətlər başlasa, İsrail artıq onu nəyin gözlədiyini təsəvvür belə edə bilməz”.

ABŞ Aralıq dənizində əməliyyata başladığını açıqlayıb. Əməliyyat USS Harry Truman təyyarə gəmisi və onu müşahidə edən hücum gəmiləri ilə aparılır.

Əməliyyatın “NATO müttəfiqlərinə, Avropa və Afrikadakı tərəfdaş ölkələrinə, koalisiya tərəfdaşlarına dəstək və ABŞ-ın Avropa və Afrikada milli təhlükəsizlik maraqlarını qorumaq üçün” başlandığı elan edilib.

6-cı donanmanın komandanı Lisa Françetti USS Harry Truman gəmisinin Aralıq dənizində lövbər atdığı müddətdə bütün əməliyyatların qərargahı rolunu oynayacağını açıqlayıb.

İranın Ahvaz şəhərində keçirilən hərbi parad zamanı terror aktı baş verib. Tədbir zamanı çoxlu sayda şəxs hücum edərək atəş açmağa başlayıb. Terror aktı nəticəsində ən az 24 nəfər ölüb, 53 nəfər yaralanıb.

İnqilabçı mühafizəçilərin sözçüsü Ramazan Şərif hücum edən şəxslərin Səudiyyə Ərəbistanının müdafiə etdiyi "Əl-Ahvaziya" təşkilatına bağlı olduqlarını deyib. İranın xarici işlər naziri Məhəmməd Cavad Zərif hücum edənlərin xarici ölkədə təlimatlandırıldığını, silahlandırıldığını və dəstəkləndiyini bildirib.

Ahvaz şəhərində törədilən terror aktını İranın terrorçu təşkilat elan etdiyi “Əl Ahvaziya” üstünə götürüb.

Rusiya, ABŞ, Rusiya-Qərb münasibətləri

Çin və ABŞ arasında ticarət müharibələri yaxın vaxtlarda başa çatmayacaq, 20 il davam edə bilər. Bu fikirlə “Alibaba Qrup Holdinq”in banisi Cek Ma çıxış edib.

“Çin-Amerika münasibətlərinin inkişafı prosesində texnologiya inqilabı dövründə ticarət qarşıdurmaları qaçılmaz olur. Onlar tezliklə iki ay, hətta iki il sonra qurtarmayacaq. Dünya Çin və ABŞ arasında 20 illik ticarət müharibəsinə hazır olmalıdır”, - şirkətin Durektorlar Şurasının sədri bildirib.

Cek Manın sözlərinə görə, bu münaqişədən ən çox kiçik və orta biznes zərər çəkəcək. Korporasiyanın banisi həmçinin proqnozlaşdırır ki, yaxın 10-15 ildə iqtisadiyyatın ənənəvi sahələri üçün son dərəcə ağrılı olacaq.

Yaxın Şərqdə hərbi kampaniya ABŞ üçün ən böyük səhv oldu. Bu haqda ABŞ prezidenti Donald Tramp “Hill.TV” telekanalına müsahibəsində bildirdi.

“Ölkəmizin tarixində ən böyük səhv Yaxın Şərqə qoşunların daxil edilməsidir. Buna prezident Corc Buş təşəbbüs etdi”, - Tramp deyib.

Onun sözlərinə görə, keçmiş prezident Barak Obama da əsgərləri buradan çıxararaq səhv etdi. Tramp Yaxın Şərq hərbi kampaniyasında çoxsaylı qurbanları xatırladıb və həmçinin əlavə edib ki, ABŞ əməliyyatlara 7 trilyon dollar xərcləyib.

“Vətəndaş müharibəsini anlamaq olar. Bu, başqadır. Qoşunlarımızın Yaxın Şərqə daxil edilməsi, ölkə üçün ən pis qərar idi”, - ABŞ prezidenti bildirib.

Pentaqonun qiymətləndirməsinə görə, 2001-2018-ci illərdə İraq, Əfqanıstan və Suriyada döyüş hərəkətlərinə ayrılan xərclər 1,52 trilyon dollar təşkil edib.

Braun Universitetinin məlumatına görə, 2017-ci ilin sentyabrına kimi ABŞ iki müharibəyə, həmçinin Pakistan və Suriyada hərbi hərəkətlərə 5,6 trilyon dollar xərcləyib. Bundan başqa, bu məbləğə milli təhlükəsizliyə və veteranların sağlamlığının qorunmasına xərclər də daxildir.

ABŞ Çini özü üçün ən böyük təhlükə hesab edir, nəinki Rusiyanı. Bunu ABŞ-ın dövlət katibi Mayk Pompeo “Fox News” telekanalına müsahibəsində bildirib.

“Rusiya özünü təcavüzkar aparır. Rusiya bizim seçkilərimizə müdaxilə etməyə çalışır. Rusiya Vladimir Putinin rəhbərliyi altında davakar olaraq qalır. Biz qarşılıq verməli və onları saxlamalıyıq. Amma amerikalıların həyat tərzinə uzunmüddətli perspektivdə təhlükələrə baxsaq, Çin ABŞ üçün ən böyük təhlükədir və Amerikanın iqtisadi artımının davamı üçün risklər yaradır”, - dövlət katibi əlavə edib.

Daha əvvəl “Fox News” bildirib ki, ABŞ-ın Müdafiə Nazirliyi (Pentaqon) kibertəhlükəsizlik üzrə özünün yeni strategiyasında əsas təhdidlər siyahısına Rusiya və Çini daxil edib.

Dövlət Departamenti sentyabrın 20-də dünən Rusiyanın 27 vətəndaşını və 6 şirkətini qara siyahısına daxil edib. Ağ Ev nümayəndələri sözügedən sanksiyaların tətbiqi ilə bağlı səlahiyyətlərin ABŞ Dövlət Katibliyinə verildiyini bildiriblər.

ABŞ-ın Rusiyadan “S-400” zenit-raket komplekslərini alan Çinə sanksiyalar tətbiq etməsi Moskva və Pekin tərəfindən sərt qarşılandı. Çin bəyanata “Nəticələrə hazır ol!” şəklində xəbərdarlıqla cavab verib.

“Ya bu qərardan imtina edin, ya da nəticələrinə hazır ol!”, - Çinin Xarici İşlər Nazirliyinin bəyanatında deyilir.

Moskvadan verilən bəyanatda isə ABŞ-ın atəşlə oynaması “axmaqlıq” adlandırılıb.

Xatırladaq ki, ABŞ Çin Mərkəzi Hərbi Şurasının Qoşunların Təlim və Təchizat Departamentinə qarşı sanksiyalar tətbiq edib. Qadağalar onun rəhbəri Li Şanfuya da şamil olunub.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

ABŞ Rusiyanı iki ölkə arasında imzalanan beynəlxalq müqavilələrin şərtlərinə düzgün əməl etməməkdə günahlandıraraq təhdid edib. Bu barədə ABŞ Müdafiə Nazirliyinin (Pentaqon) müşavir köməkçisi Devid Traktenberq danışıb.

Template blocks/article_inline not found. FILE: /home/publikaaz/www/classes/tpl.class.php, CLASS: tpl, LINE: 69

Ukrayna

Ukrayna Rusiyanın təsirinə qayıdışın heç bir perspektivi olmadan Avropanın ayrılmaz və mübahisəsiz hissəsi olmalıdır. Bunu Ukrayna prezidenti Pyotr Poroşenko Ali Radada çıxışı zamanı deyib.

“Biz döyüş bacarığı olan ordunu qurduq. Biz Ukrayna kilsəsinə dünya pravoslavlığında layiqli yeri qaytarırıq. Ordu bizim torpağımızı müdafiə edir. Dil bizim ürəyimizi müdafiə edir. Kilsə bizim ruhumuzu müdafiə edir”, - o bildirib.

Poroşenko vurğulayıb ki, Ukraynanın strategiyası düzgündür: “Mən dəqiq bilirəm ki, biz strategiya məsələlərində səhv etmədik. Güclü və müvəffəqiyyətli Ukraynanı Rusiyanın təsirinə qayıdışın heç bir perspektivi olmadan Avropanın ayrılmaz və mübahisəsiz hissəsi etmək bizim hədəfimiz, ambisiyamız və missiyamızdır. Biz ölkəni Kremlin “Barbarosa” planından qoruduq, “Rus baharı” planı boğuldu”.

Kiyevdə Azov dənizi üzrə məxfi plan var. Bu haqda Ukraynanın Xarici İşlər Nazirliyinin başçısı Pavel Klimkin brifinqdə danışıb.

Nazir konkret ölçüləri açıqlamaqdan imtina edib, amma vurğulayıb ki, onlar artıq uyğunlaşdırılıb.

“Biz müqavilələr barəsində müxtəlif seçimlərə baxırıq. Əlbəttə, bizim hamınıza aydındır ki, Azov daxili dəniz deyil. Hazırda Qara dəniz və Azov dənizində Ukraynanın hüquqların pozulması, həmçinin Kerç boğazında Krım körpüsünün qeyri-leqal tikintisi haqqında beynəlxalq arbitraj həyata keçirilir”, - Klimkin deyib.

Ukraynanın xarici siyasət idarəsinin başçısının sözlərinə görə, hakimiyyət bütün “dostlar və partnyorlar”la bütün mümkün seçimləri müzakirə edib.

Qeyd edək ki, Kiyev Moskvanı Kerç boğazından keçərək Ukrayna limanlarına üzən gəmilərin hərəkətinə maneə olmaqda ittiham edir. Rusiyanın Federal Təhlükəsizlik Xidmətinin Krım Sərhəd Xidməti isə yoxlamaların beynəlxalq dəniz hüququna uyğun keçirildiyini bildirir.

Koreya böhranı

Koreya Respublikasının prezidenti Mun Cje İn Şimali Koreya lideri Kim Çen Inla görüşdən sonra ABŞ prezidenti Donald Trampa birgə təklif aparacağını bildirib. Mun Cje İn Kim Çen Inın 1953-cü ildən bəri davam edən atəşkəs rejiminin bitməsi və 2018-ci ilin sonuna kimi sülh müqaviləsinin imzalanması təklifini Trampa çatdıracaq.

“Söhbət müharibənin bu ilin sonuna kimi sonlandırılması barədə bəyannamənin imzalanmasından gedir. Mən bunu prezident Trampla müzakirə edəcəyəm” - Koreya Respublikası prezidenti bildirib.

Şimali Koreya Cənubi Koreya ilə birləşənə qədər nüvə silahından imtina etməyəcək. Bunu “RİA Novosti” agentliyinə açıqlamasında yaponiyalı ekspert Takusyoku Xidesi Takesada deyib. Onun sözlərinə görə, Şimali Koreya ABŞ-ın iki ölkənin birləşdirilməsi üçün güc tətbiq edəcəyindən qorxur:

“Bu birləşmədə Pxenyanın maraqları nəzərə alınmayacaq. Məhz buna görə də Pxenyan nüvə silahından imtina etmir. Nüvə silahı onlara Koreyanı öz rəhbərlikləri altında birləşdirmək üçün gərəklidir. Ona görə də Şimali Koreya bütöv Koreya bərpa olunana qədər nüvə silahından imtina etməyəcək”.

Ömər Dağlı

Oxumağa davam et
Reklam
Reklam

Gündəm