Nida Təhlil
Düşmən tir-tir əsir, ordumuz erməni texnikasını MƏHV EDƏCƏK - Hərbi ekspert AÇIQLADI
Azərbaycanın Ermənistan tərəfindən işğal edilmiş Dağlıq
Qarabağ bölgəsində separatçı rejim aviasiya təlimlərinə başlayıb.
Məlumata görə, təlimlər 25-28 sentyabr tarixində həyata
keçiriləcək.
Publika.az xəbər verir ki, Ermənistanın Azərbaycan
torpaqlarında yaratdığı kukla rejimin bu addımı cəbhədə vəziyyətin
gərginləşməsi ilə nəticələnə bilər.
Beynəlxalq hüquqda Dağlıq Qarabağ Azərbaycan ərazisi olaraq
tanınır, Qarabağın hava məkanı da Azərbaycanın hava məkanına
daxildir. Ermənistan Qarabağda hava limanı açsa da, Azərbaycanın
vura biləcəyi ehtimalına görə indiyə qədər heç bir təyyarə havaya
qaldıra bilməyib. İndi Qarabağın hava məkanında aviasiya
uçuşlarının həyata keçirilməsi Azərbaycana istənilən təyyarəni
vurmaq haqqı verir.
Azərbaycan Müdafiə Nazirliyi yaydığı bəyanatda bildirilir ki,
“Ermənistan hərbi-siyasi rəhbərliyi qoşunların qarşıdurma xəttində
vəziyyətin gərginləşdirilməsinə yönəlmiş növbəti təxribat
xarakterli addım atır. İşğal olunmuş ərazilərimizdə hərbi
aviasiyanın cəlb olunması ilə təlim uçuşlarının keçirilməsi barədə
düşmən tərəfinin yaydığı məlumat bunun əyani sübutudur. Ön xətdə
yerləşən bölmələrimizin mövqelərinə yaxınlaşmağa cəhd göstərən
düşmənin istənilən uçuş vasitəsi tərəfimizdən dərhal
neytrallaşdırılacaq və baş verə biləcək itkilərə görə məsuliyyət
tamamilə Ermənistanın hərbi-siyasi rəhbərliyinin üzərinə
düşəcək”.
Tərxis Olunmuş Hərbçilərin Gəncləri Maarifləndirmə İctimai
Birliyinin sədri, hərbi ekspert Emin Həsənli Publika.az-a
açıqlamasında Qarabağ hava məkanında istənilən hərbi obyekti
zərərsizləşdirməyin Azərbaycanın beynəlxalq konvensiyalara
əsaslanan hüququ olduğunu deyib.
Hərbi ekspert hesab edir ki, Azərbaycan öz hüququndan istifadə
edəcək.
“Burada maraqlı məqam odur ki, ATƏT-in Minsk qrupu buna səssiz
qalır. BMT Təhlükəsizlik Şurası Qarabağla bağlı qəbul etdiyi
qətnamələrinə barmaqarası yanaşırlar. Ermənistanın təxribat
addımlarına yumşaq halda desək, göz yumurlar. Ermənistanın baş
naziri daxili siyasətdə reytinq qazanmaq üçün öz övladını
Azərbaycan torpaqlarında hərbi xidmət etməyə göndərir. Bu,
beynəlxalq hüquqda böyük cinayətdir, lakin həmsədr ölkələr buna heç
bir reaksiya vermir”, - deyə o bildirib.
E. Həsənli qeyd edib ki, Ermənistan və onun yaratdığı qondarma
rejim Azərbaycanın işğal altındakı ərazilərində dəfələrlə hərbi
təlimlər həyata keçirib.
“İndi də aviasiya uçuşları həyata keçirir. Azərbaycanın reaksiyası
təbii və hüquq normalarına uyğundur. Lakin ermənilər anlamırlar ki,
Azərbaycan Ordusu hərəkətə keçəcəksə, onlar üçün ağır nəticələr
olacaq. “Aprel müharibəsi” bunun əyani sübutudur. Bu gün Ermənistan
ordusunun zabitləri Azərbaycan Ordusunun qarşısında tir-tir
əsirlər. Çünki onlar “aprel müharibəsi”ndə bizim gücümüzü gördülər.
Bütün bunlara baxmayaraq, yeni hakimiyyət daxili siyasətdə xal
qazanmaq üçün bölgədə müharibə vəziyyətini qızışdırır. Hərçənd,
Azərbaycan 2014-ci ildə təmas xəttində yaxınlaşan erməni
helikopterini məhv etdiyi kimi bu dəfə də işğalçı ölkənin istənilən
uçan hərbi obyektini məhv edəcək”, - deyə hərbi ekspert
vurğulayıb.
2014-ci ilin 12 noyabrında işğal olunmuş ərazilərdə hərbi təlimlər
keçirən erməni hərbi birləşmələrinin helikopteri Ağdam
istiqamətində təmas xəttinə yaxınlaşan vaxt Azərbaycan
hərbiçilərinin açdığı dəqiq atəş nəticəsində məhv edildi. Həmin
vaxt Ermənistan bu məsələni beynəlxalq platformada Azərbaycana
qarşı “hərbi cinayət” kimi təqdim etməyə çalışsa da, böyük
dövlətlər və dünya ictimaiyyəti Azərbaycanın beynəlxalq hüquqa əsas
belə bir addım atdığını qəbul etdilər. İndi eyni situasiya yenidən
təkrarlanır və Ordumuz düşmənin istənilən təxribatına ağır cavab
verəcək.
Asif
-
Ekologiya18:49
Hava şəraiti kəskin dəyişəcək - XƏBƏRDARLIQ
-
Avropa18:38
İranın Parisdəki konsulluğuna partlayıcı ilə daxil olan şəxs SAXLANILDI
-
Region17:53
Əcnəbilərə sertifikatları pulla satan rektor işdən çıxarıldı
-
Nida Xəbər 17:20
Razılıq əldə edildi: Qazaxın 4 kəndi Azərbaycana qaytarılır
-
Rəsmi xronika16:58
İlham Əliyev bu qanunu təsdiqlədi
-
Magazin116:03
Məşhurlar televiziyaların paxırını açdılar: “Yatağa girib irəli gedirlər”
-
MDB15:17
İstanbul razılaşması: Moskva Kiyevə hansı zəmanəti veribmiş? - Lavrov sirri açdı
-
Nida Xəbər 15:02
Bu universitetin mətbuat katibi vəzifəsindən ayrıldı - FOTO