Nida Təhlil
Azərbaycanın düşməni tir-tir titrədən QORXUNC SİLAHLARI: bir atışla İrəvanı... - FOTO/VİDEO
Dağlıq Qarabağ münaqişəsi ətrafında pik həddə çatan
gərginlik Azərbaycan Prezidenti İlham Əliyevlə Ermənistanın baş
naziri Nikol Paşinyanın Düşənbə görüşündən sonra müəyyən sakitlik
yaranıb, lakin hadisələrin inkişafı bundan sonra İrəvanın
sərgiləyəcəyi mövqedən asılı olacaq. Ermənistan danışıqlar masasına
qayıdaraq, münaqişənin beynəlxalq hüquq çərçivəsində həllinə razı
olmasa, Azərbaycanın ərazi bütövlüyünü bərpa etmək üçün öz
torpaqlarında anti-terror əməliyyatı keçirməkdən başqa yolu
qalmayacaq. “Aprel müharibəsi”ndə işğalçıya ağır zərbə vuran
Azərbaycan Ordusunun potensialı və silah arsenalı baş verə biləcək
hərbi eskalasiyada ərazilərin asanlıqla işğalçı ordudan
təmizlənəcəyinə əminlik yaradır. Ermənistanı dəhşətə salan da məhz
Ordumuzun hərbi-texniki imkanlarıdır.
Publika.az açıq mənbələrə istinadən Azərbaycan
Ordusunun arsenalında mövcud olan hərbi texnikaların bir qismini
təqdim edir:
Polonez: Belarus istehsalı olan bu raket kompleksi
ordumuzun arsenalına yeni daxil edilib. Polonezin maksimal atış
uzaqlığı 300 kilometrə qədərdir. Raketin çəkisi 780 kiloqram, döyüş
başlığı hissəsinin çəkisi 140 kiloqram, zərərvurma radiusu isə 80
metrdir. “POLONEZ”in maksimal uçuş müddəti saniyədə 310 metr, atışa
hazırlıq vaxtı 10 dəqiqədir. Bir döyüş maşınında 8 raket olur.
Bu kompleks düşmənin əməliyyat düzülüşünün bütün dərinliyində onun
nüvə və kimyəvi hücum vasitələrinə, kəşfiyyat-zərbə sistemlərinin
yerüstü elementlərinə, qoşunların əsas qruplaşmalarına, bazalarda
yerləşən aviasiyasına, hava hücumundan müdafiə vasitələrinə və
obyektlərinə, idarəetmə məntəqələrinə, radioelektron vasitələrinə,
arxa cəbhə və digər obyektlərinə zərbə vurulması üçündür. Raket
kompleksi GPS və İNS sistemləri ilə idarə olunur.
LORA: Əməliyyat-taktiki raket kompleksi olan
LORA-nın maksimal atış uzaqlığı 300 kilometrdən artıq olan bu
kompleksin raketinin çəkisi 1580 kiloqram, döyüş başlığı hissəsinin
çəkisi isə 240 kiloqramdır.
Raketin zərərvurma radiusu 100 metr təşkil edir. Bir döyüş
maşınında 4 raket olur. Onların maksimal uçuş müddəti saniyədə 300
metrdir, atışa hazırlıq vaxtı 13 dəqiqədir. Raket kompleksi GPS və
İNS sistemləri ilə idarə olunur. İsrail istehsalıdır.
ZRS S-300PM2 “Favorit” zenit-raket kompleksi: atış
uzunluğu 195 kilometrdir. Müasir pilotsuz aparatları məhv etmək,
düşmənin hərbi düzülüşünü pozmaq gücünə sahibdir.
Zenit-kompelski 48N6E2 təkmilləşdirilmiş raketlərlə təchiz olunub.
Eyni anda 12 raket atmaq qabiliyyətinə malikdir. Hədəflərin
maksimal vurulma sürəti saniyədə 2800 metrdir.
Bell-412 helikopteri: ekstremal şəraitdə hərəkət
etmək gücünə malik olan bu helikopterlər çoxməqsədli istifadə
olunub.
Həm səhra, həm də dağlıq relyeflərdə hərəkət edə bilir. Uçuş
uzaqlığı 745 kilometrdir. ABŞ istehsalıdır.
SPİKE-LR: tank əleyhinə raket kompleksi. Bu
raketlər “aprel müharibəsi”ndə işğalçı orduya ağır zərbələr vurması
ilə yadda qalıb.
Raket saniyədə 130-180 metr uzunluğunda 5 kilometr uzaqlığındakı
hədəfi məhv etmək qabiliyyətinə malikdir. Döyüş hazırlığında
gətirmə vaxtı 15-30 saniyədir. İsrail istehsalıdır.
BTR-82A zirehli avtomobil: saatda 100 kilometr
hərəkət gücünə malikdir, dağlıq relyefdə saatda 9 kilometr, şosedə
isə 600 kilometrə qədər hərəkət edə bilir.
Turbodizeldir, mühərrikin gücü 300-dür. 7,62 millmetr PKTM
pulemyotu ilə təchiz olunur. Bir lentdə patronların sayı
2000-dir.
T-90S tankı: maksimal sürəti saatda 70 kilometdir,
şose üzrə 550 kilometr sürətlə hərəkət edə bilir. Döyüş başlığı
46,5 kiloqramdır.
Lazerli məsafəölçən, periskopik nişan və qaranlıqda 3000 metrdəki
hədəfi müəyyənləşdirən teplovizor sisteminə malikdir.
9K33-1T “OSA1t” zenit-raket kompleksi: döyüş
başlığının çəkisi 128 kiloqramdır.
Raketin uzunluğu 3158 millimetr, korpusun diametri 206 millimetr,
qanadların açılması 650 millimetrdir. Uçuş sürəti saniyədə 500
metr, hədəfin uzaqlığı 45 kilometrdir.
Xrizantem SPRK: tank əleyhinə özüyeriyən raket
kompleksi.
Döyüş başlığının çəkisi 54 kiloqram, maksimal diametri 152
millimetrdir. Maksimal sürət saatda 70 kilometr, dağlıq relyefdə
saatda 52 kilometrdir.
RSZO RM-70 yaylıq atəş sistemi: özüyeriyən işə
salmaq quruğusundan ibarətdir. 20 kilometrdəki hədəfi məhv edir.
Döyüş vəziyyətinə gətirilməsi vaxtı 2.5 dəqiqə, yerdəyişmə vaxtı 3
dəqiqədir. 3,5 hektar radiosundakı ərazini məhv edir, mərmisinin
çəkisi 66,35 kiloqram, hədəfə çatma müddəti 2,5 dəqiqədir.
“Vampir” adlanan yaylım atəş sistemi 40 raket atmaqla yanaşı,
daşımaqla yanaşı, yerləşdiyi şassinin üzərində quraşdırılmış unikal
hidravlik sistem sayəsində 80 belə raketi qısa bir müddət ərzində
düşmənə ata bilir. Bir komplekt raket 70 hektar ərazini məhv etməyə
qadirdir.
SOM qanadlı raket: 180 kilometrdən artıq məsafədə
həm hərəkətdə olan, həm də stasionar hədəfləri məhv etmək gücünə
malikdir.
DANA özüyeriyən artilleriya qurğusu: “Tatra 815”
yük maşının xüsusi modifikasiya olunmuş 8x8 təkər sistemli şassisi
üzərində yerləşən artilleriya qurğusudur. Sonralar bu sistem
“təkərlər üstündə cəhənnəm” adlandırıldı. DANA 7 dəqiqə ərzində 30
mərmi ata bilər, bir saat ərzində isə 90 atış həyata keçirir.
Qurğunun döyüş komplekti 60 mərmidir.
Sistem atış üçün D30 sovet qaubitsasının mərmilərindən istifadə
edir. Lülənin maksimal qalxma bucağı 70 dərəcədir, enmə bucağı 4
dərəcədir. 225 dərəcə sektor boyu atış həyata keçirə bilir.
Qəlpəli-fuqas mərmiləri ilə maksimal atış məsafəsi 19 kilometrə
yaxındır. Qurğu cəmi 2 dəqiqə ərzində atəş mövqeyi tuta, atəşi başa
vurandan sonra bir dəqiqə ərzində mövqeyini tərk edə bilər. Qurğu
şose yolda saatda 80 kilometr sürətlə gedir, dolu yanacaq çənləri
ilə 800 kilometr məsafə qət edir.
“Barak – 8” zenit-raket kompleksi: atış mənzili 90
kilometr, “Barak-8ER” konfiqurasiyasınınkı isə 150 kilometrə yaxın,
hədəfi məhv etmə yüksəkliyi isə 16 000 metrə yaxındır. Raketin
uzunluğu 4.5 metr, diametri 0.225 m, ümumi ağırlığı 275 kq, döyüş
başlığı 60 kq təşkil edir.
Yüksək manevr qabiliyyətinə malik “Barak 8” iki pilləli raket
mühərrikinə sahibdir və şaquli atışla buraxılır. Raket aktiv
arayıcı başlıq (RF/infraqırmızı) sayəsində hədəfə yönəlir və sürəti
2 maxdır (680 metr/saniyə).
Bunlar Azərbaycan Silahlı Qüvvələrinin arsenalında olan hərbi
texnikaların bir qismidir. Qarabağda baş verə biləcək müharibədə
Ordumuzun hərbi-texniki təchizatı düşmən üzərində qısa müddətdə
qələbəni təmin edəcək.
Asif
-
Avropa03:43
Meqan Markl Keyt Middletonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."