Nida Təhlil
Avropa marginallarının Qarabağ səfəri və ya erməni diasporunun çarəsizliyi
Belçika parlamentinin üzvü Jan Jak Flaon Azərbaycanın
Ermənistan tərəfindən işğal edilmiş Dağlıq Qarabağ bölgəsinə
qanunsuz səfər edib.
Ekspertlər Ermənistan mediasının Flaonun səfərini “Avropadan
növbəti siyasətçinin separatçı rejimi tanıması və ya separatçı
rejimin beynəlxalq aləmə açılması” kimi təqdim etməsinin xülyaçı və
hər hansı əsası olmayan görüntü yaratmaqdan başqa bir şey
olmadığını bildirirlər.
İstər erməni lobbisinin nünayəndəsi Kaspar Karampetyanın, istərsə
də erməni lobbisinin nökərinə çevrilən Fransua Roşbluan kimilərinin
müşayiəti ilə ölkəmizin işğal olunmuş Dağlıq Qarabağ bölgəsinə
səfər edənlərin kimə, nəyə, hansı amala xidmət etdikləri heç bir
şübhə doğurmur.
Karampetyanın qondarma separatçı rejimin təbliği üçün Avropa
siyasətçilərini, daha doğrusu sağlam düşüncəli Avropalı
siyasətçiləri, bu əraziyə aparmaq səyləri hər dəfəsində Brüsseldəki
erməni lobbisinin rəhbərinin çarəsizliyini açıq şəkildə nümayiş
etdirir.
Bir müddət öncə həmin Karampetyan Avropa Parlamentinin deputatı
qismində yalnız bir nəfərdən ibarət siyasi partiyanın rəhbəri,
siyasi təlxək Martin Sonnebornu ölkəmizin işğal edilmiş Dağlıq
Qarabağ bölgəsinə aparmış, indi isə o, homoseksual evlilik qurmuş
ilk Belçikalı deputat-mer kimi tarixə düşmüş Jan Jak Flaonu
müşayiət edir. Maraqlıdır, növbədə daha hansı “nüfuzlu” Avropa
siyasətçisi var?
Karampetyan kimilərinin əlacsız səyləri, əslində dövlətlərin “biz,
Dağlıq Qarabağ Respublikası adlı qurumu tanımırıq” kimi birmənalı
rəsmi mövqeyinin təkrarən səsləndirilməsi və daha çox insanın
Ermənistanın işğalçı siyasəti barədə həqiqətlərdən xəbərdar
olmasına şərait yaradır.
Bu səfəri şərh edən "Bakı Xəbər" qəzetinin baş redaktoru, ekspert Aydın Quliyev bildirib ki, Erməni lobbiçilərinin Avropanın künc-bucaqlarından marginallaşmış adamları guya ən mötəbər diplomat və siyasətçilər adı altında toparlayaraq onların Azərbaycanın işğal olunmuş ərazilərinə səfərini təşkil etməsinin saxta mahiyyəti getdikcə daha çox üzə çıxır və ifşa olunur.
Onun sözlərinə görə, illərdən bəri erməni lobbisinin apardığı bu işlər nəinki istənilən effekti vermir, hətta daha da qeyri-ciddi şəkil almağa başlayır:
"Ermənilər işğal olunmuş ərazilərimizdə yaradılmış qondarma rejimi müstəqil subyekt kimi tanıda biləcəklərinə çox ümidli idilər. Lakin bir tərəfdən Azərbaycan diplomatiyasının izahat işləri, digər tərəfdən isə ümumi erməni iddialarının saxta mahiyyətinin üzə çıxması nəticəsində erməni lobbiçilərinin Qarabağa emissarlar gətirmək taktikası indi onların özlərinə qarşı işləməyə başlayıb. Hər səfərdən sonra mötəbər təşkilatlar qondarma rejimi tanımadıqları barədə birmənalı bəyanatlar verməklə lobbiçilərin oyunlarının saxtalığını bütün dünyaya göstərirlər. Bundan başqa, erməni lobbiçilərinin aldadaraq və ya şirnikləndirərək Qarabağa apardıqları insanların da sayı sürətlə azalır, artıq Avropadakı ciddi dairələrin təmsilçiləri, deputatlar bu səfərlərə o qədər də həvəslə baxmırlar".
Ekspertin sözlərinə görə, iş o həddə gəlib çatıb ki, ermənilərin Qarabağa apardığı qonaqların arasında qeyri-ənənəvi oriyentasiyalı, öz ölkəsində ən pis imicə malik hər cür təsadüfi adamlar peyda olmağa başlayıb:
"Bu günlərdə işğal olunmuş ərazilərimizə aparılmış şəxslərin siyahısına baxmaq kifayətdir. Ermənistanın son ümid yerinə çevrilmiş və sadəcə "cib siyasətçiləri" imicinə malik bu şəxslərin fəallığı bir daha sübut edir ki, Ermənistan rəhbərliyi Qarabağ uğrunda diplomatiyanı prinsipial olaraq uduzduğunu çox yaxşı anlayır və xaricdən Qarabağa gətirilən tör-töküntülər dəstəsinin kölgəsi altında öz böyük məğlubiyyətini ört-basdır etmək istəyir".
-
İdman22:04
"Qarabağ" finalda!
-
Hadisə21:49
Vətən müharibəsi iştirakçısı anasının xəstəliyini eşidib intihar etdi
-
Magazin121:05
O getdi, mən də daha yoxam! - Əməkdar artist səhnə ilə vidalaşdı
-
Sosial19:35
Özünü öldürən sabiq pediatrın iş yoldaşı DANIŞDI: “Ailə məsələsi deyil..."
-
ABŞ19:25
Bayden Ukraynaya hərbi yardım haqqında qanunu İMZALADI
-
Rəsmi xronika18:40
Prezidentlər mətbuata bəyanatlarla çıxış etdilər - FOTO/YENİLƏNDİ
-
Hadisə18:33
Bakı hava limanında həyəcan siqnalı: Təyyarə qəza enişi etdi - FOTO
-
Sağlamlıq17:27
Yapon alimləri xərçənglə mübarizə üçün unikal vasitə hazırladı