Nida Təhlil
Əli Kərimli niyə islahatları “öz əməyinin nəticəsi” kimi təqdim etməyə çalışır?
Bu gün sosial şəbəkələrdə Bakıya yağan qarla bağlı
maraqlı deyim əsas gündəm idi: “Mitinq olmasaydı, qar
yağmayacaqdı!”. İnsanlarımızın kreativ yumor hissindən süzülən bu
ifadənin kökü Milli Şuranın ölkədə aparılan bütün islahatların “19
yanvar mitinqindən sonra” həyata keçirildiyi iddiasından
qaynaqlanır. Və burada yumor hissimizin güclü olduğu təsdiqini
tapmaqla yanaşı, müxalifətin kiçik bir qanadının toplaşdığı, lakin
“ana müxalifət” adına iddia edən Milli Şuranın faciəsi də aydın
görünür.
“Potensialı ilə iddiaları üst-üstə düşməmək
ədəbsizlikdir”, psixologiya elmində ədəbsizliyin tərifi
belə izah olunur. Milli Şuranın potensialı ilə iddialarının
üst-üstə düşməməsi də bu kəsimin psixoloji “ədəbsizliyinin”
təzahürüdür.
Milli Şuranın potensialı: 19 yanvar mitinqi bu
kəsimin nəyə qadir olduğunun bir daha aşkar nümayişi idi.
- Cəmi 2800 nəfər iştirak edirdi; ictimaiyyətin tanıdığı, hörmət
etdiyi heç bir ziyalı mitinqə qatılmamışdı; 25 ildir “astarı üzünə
çıxmış” şüarlar və heç vaxt gerçəkləşməyən, reallıq hissindən uzaq
vədlər səsləndirildi; iki onillikdir tribunaya çıxan eyni adamlar
yenə “iş başında” idi; gündəlik həyatda bir-birinə salam belə
verməyən, bir-birini fürsət düşdükcə ittiham edən şəxslər
tribunadan “həmrəylik pozu” verirdi.
Milli Şuranın iddiaları: Əli Kərimlinin rəhbərlik
etdiyi bu qanadın iddiaları təsəvvür edilməyəcək qədər böyük və
qeyri-realdır. “Hakimiyyət mitinqə görə islahatlara getdi!”.
Təsəvvür edin, bir tərəfdə 3 minə qədər tərəfdarı olan Milli Şura,
digər tərəfdə isə Prezident İlham Əliyevin rəhbərlik etdiyi komanda
var və sual yaranır: əslində kim kimdən çəkinir?
Prezidentin İctimai-siyasi məsələlər üzrə köməkçisi Əli Həsənov
“Müxalifətçilik missiyası və Azərbaycanın milli maraqları” adlı
məqaləsində bu sualın cavabını verib:
- “Milli Şura” əhalinin rifahının yüksəldilməsi ilə bağlı
hakimiyyətin atacağı addımlara dair sızan məlumatları əlində bayraq
edib siyasi xal qazanmağa cəhd göstərir.
- Əli Kərimli və ətrafı hakimiyyətin atacağı addımlara dair
sızan məlumatlarla bağlı kampaniya təşkil edib məsələni “öz
əməyinin nəticəsi” kimi göstərməyə çalışır.
Çünki, “İlham Əliyev hakimiyyətinin qazandığı hər bir uğur
Əli Kərimli və bu tipli insanların siyasi iflasını
sürətləndirir”.
Əli Həsənovun məqaləsində yer alan nüanslar Əli Kərimli
Azərbaycanda liderinin rəhbərliyi ilə ölkədə aparılan islahatlardan
qorxduğunu təsdiqləyir, çünki baş verənlər onun “əbədi müxalifət”
tituluna təhlükə yaradıb.
“Dövlət başçısı şəhid ailələrinə kompensasiya ödənilməsi
ilə bağlı Sərəncam imzalayır, minimum əməkhaqlarını 40 faiz
artırır, tələbələrin təqaüdlərini yüksəldir, qaçqınlara müasir
evlər verir, yeni iş yerləri yaradır, regionları yenidən qurur və
abadlaşdırır, sahibkarlara kredit verilir, əhalinin aztəminatlı
hissəsinin sosial müdafiəsi üçün ardıcıl təşəbbüslər göstərir, bir
sözlə, sosial müdafiəni dövlət siyasətinin ən ümdə prioriteti elan
edir və əməldə də bunun belə olduğunu sübut edir”, -
Prezidentin köməkçisi yazır.
Əli Kərimli isə narazıdır və bu narazılığın arxasında ciddi
səbəblər yatır:
Birincisi: islahatlar cəmiyyətin hakimiyyətə daha
çox inanması və dəstəyini artırması ilə nəticələnir. Bu mənzərə
narazı kütlənin sıfıra enməsi və Əli Kərimlinin “əbədi müxalifət”
titulunu saxlaması üçün tərəfdarının qalmaması deməkdir.
İkincisi: Ölkədə müsbət tendensiya ilə davam edən
dəyişikliklər Əli Kərimlinin ətrafında topladıqlarının narazılığına
səbəb olur. Onlar “bugün-sabah hakimiyyətə gələcəyik” vədlərinin
cavabını tələb edir və tədricən uzaqlaşırlar.
Üçüncüsü: İlham Əliyevin komandasının uğuru Əli
Kərimlinin siyasi Olimpə yüksəlmək xəyallarını puça endirir.
Halbuki, o, ölkədə sosial problemlərin həll edilməməsini,
insanların səfalət içində yaşamasını, vətəndaşı incidən məmurların
cəzalandırılmamasını, əmək haqlarının, pensiyaların
artırılmamasını, dövlət başçısının xalqla ünsiyyət qurmamasını
sidqi-ürəkdən arzulayır. Çünki hesab edir ki, belə vəziyyət onun
hakimiyyətə gəlişi üçün münbit şərait yaradacaq. Bunun əksi isə onu
narahat edir. Əli Kərimli narahatdır ki, İlham Əliyevin
prezidentliyi dövründə niyə Azərbaycan iqtisadiyyatı 3,3, maaşlar
7, pensiyalar 9, valyuta ehtiyatları 24 dəfə artıb, işsizlik və
yoxsulluq həddi 5 faizə düşüb.
Xəyalları gerçək olmadığı üçün Əli Kərimli son ümid kimi ölkədə
həyata keçirilən işləri “öz əməyinin nəticəsi” kimi təqdim etmək
iddiasına düşür. Və bununla həm də “potensialı ilə iddiaları
arasındakı uçurumu” nümayiş etdirir. Belə yanaşma psixologiyada
“natamamlıq kompleksi”nin ən üst səviyyəsidir.
Asif Nərimanlı
-
Sosial16:08
Əli Əsədov yeni qərar imzaladı
-
Rəsmi xronika14:51
İlham Əliyev bu qanunu təsdiqlədi
-
Nida Xəbər 14:26
Yeni Kaledoniyada Azərbaycan bayrağı qaldırıldı
-
Magazin113:31
Tolik pərt etdi: "Bu da liftdə öpüşən Sabir" - VİDEO
-
Magazin112:56
Xalq artistindən valideynlərə və müəllimlərə MÜRACİƏT - VİDEO
-
Ekologiya12:31
Sabaha olan hava PROQNOZU - 20 dərəcə isti
-
Cənubi Qafqaz12:01
Paşinyan Şahramanyana cavab verdi - İrəvanda “mühacir hökumət” davası
-
Hadisə11:46
Ağdərədə qumbaraatan tapıldı - FOTO