Prezidentimizin çıxışı onlara dərs olmalıdır - Musa Qasımlı

“Cənab Prezidentin müşavirədəki çıxışı bütün icra strukturunda çalışanlara bir dərs olmalıdır, onlar nəticə çıxarmalıdırlar”.

Bunu Publika.az-a açıqlamasında Milli Məclisin deputatı, Azərbaycan Milli Elmlər Akademiyasının (AMEA) Qafqazşünaslıq İnstitutunun direktoru, AMEA-nın müxbir üzvü, professor Musa Qasımlı deyib.

Deputat bildirib ki, dünənki müşavirə bir daha təsdiq etdi ki, Prezidentin yürütdüyü siyasətin başlıca istiqamətlərindən biri qeyri-neft sektorunun, xüsusən, kənd təsərrüfatının inkişafıdır: “Müşavirəni diqqətlə dinlədim. Qeyri-neft sektorunda pambıqçılığın xüsusi yeri var. Çünki Azərbaycanda ənənəvi olaraq pambıqçılıq inkişaf edirdi. Dövlətimiz kənd təsərrüfatına, pambıqçılığa subsidiyalar ayırır. Müvafiq texnika ilə təmin edir. İldən-ilə ölkədə pambıq istehsalının artması bunu göstərir. Kənd təsərrüfatının inkişafı yerlərdə işlə təmin olunmağa kömək edir. Bu isə öz növbəsində əhalinin həyat şəraitinin yaxşılaşmasına kömək edir”.

Məhərrəm Əliyev