“Mən bunu çox müsbət qarşılayıram. Axır ki, “Amnesty International” vicdanının səsinə qulaq asdı və real faktı gördü. Çünki bundan əvvəl də Ermənistan silahlı qüvvələri Gəncədə, Naftalanda, Tərtərdə uşaqları öldürmüşdü, amma onlardan bir səs çıxmırdı. Ancaq birinci dəfə belə bir bəyanatla çıxış etdi, olduqca məqbul haldır”.
Publika.az xəbər verir ki, bu fikirləri deputat Nəsib Məhəməliyev açıqlayıb.
Deputat hesab edir ki, “Amnesty International” və “Human Rights Watch”un Ermənistanın Azərbaycanın Bərdə şəhərinə qadağan olunmuş kasetli bombalı raket atdığını rəsmən təsdiqləməsi Ermənistanın, terror dövlətin başçılarının məhkəmə qarşısında hərbi cinayətə cəlb olunması üçün bir elementdir: “O, gələcəkdə istifadə oluna bilər, ancaq kifayət deyil. Lazımdır ki, bu tipli təşkilatlar Azərbaycana səfər etsinlər və yerində digər anoloji cinayətlərin baş verdiyini sənədləşdirsinlər. Bu sənədləri gələcəkdə Haaqa tribunalının baxış tribunalına çevirə bilərlər. Hesab edirəm ki, artıq bu barədə zaman yetişib. Dünya birliyi Ermənistanın cinayətlərini görür. Hər şey fakt qarşısında acizdir. Biz bu işi davam etdirməliyik və o tipli təşkilatlara daha çox müraciət etməliyik”.
N.Məhəməliyevin fikrincə, beynəlxalq məhkəmədə ikili standartlardan söhbət gedə bilməz: “Çünki bizdə belə bir presendet var. Çıraqovun işi ilə bağlı Avropa İnsan Haqları Məhkəməsində Azərbaycanın xeyrinə qətnamə çıxarılıb. Hesab edirəm ki, bu işdə də Paşinyan və onun komandasının üzvü olan cinayətkarların məhkəmə qarşısında durmaq perspektivi var və biz bundan istifadə etməliyik. Orada hər hansı bir ikili standart ola bilməz. Məhkəmə öz sözünü deyəcək”.
Şamo Emin
.jpg)
.jpg)
