Nida Təhlil

Bu, ermənilərin Ordumuzu əməliyyata dəvət etməsidir

27 May 2021 09:09

Ermənistan daxilində seçkinin təxirə salınmasını istəyən qüvvələr var. Həmin qüvvələr Nikol Paşinyanın seçkidə yenidən qələbə qazanacağını proqnozlaşdırır və bunu həzm edə bilmirlər. Sərhəddə vəziyyət gərginləşməkdə davam edərsə və müharibə ehtimalı artarsa, Ermənistanda parlament seçkiləri təxirə salınacaq. Həmin qüvvələrə də elə bu lazımdır.

Publika.az xəbər verir ki, bu sözləri politoloq Elxan Şahinoğlu qeyd edib.

O bildirib ki, həmin qüvvələr sərhəddə vəziyyətin gərginləşməsində, toqquşmaların başlamasında maraqlıdırlar. Onlar bu yolla Paşinyanın sonunun gələcəyini düşünürlər.

Politoloq vurğulayıb ki, Müdafiə Nazirliyinin açıqlamasında ermənilərin Gədəbəy, Kəlbəcər və Şuşa istiqamətində atəşkəsi pozduqlarını bildirməsi ermənilərin Azərbaycan Ordusunu növbəti anti-terror əməliyyatına dəvət etməsidir:

“Rusiya hərbçiləri separatçı-terrorçuları tərk-silah etməliydi. Etməyiblər, ona görə də Azərbaycan Ordusu hərəkətə keçə bilər”.