Nida Təhlil
Prezidentin atdığı addımların strateji konturları görünür - Rəy
“Ermənistanın Ağdam rayonu üzrə minalanmış ərazilərin xəritəsini təqdim etməsi Prezident İlham Əliyevin apardığı dəqiqliklə ölçülmüş, sistemli siyasətin məntiqi nəticəsi, növbəti qələbəsi kimi qiymətləndirilməlidir”.
Bunu Publika.az-a açıqlamasında Milli Məclisin deputatı Nəsib Məhəməliyev deyib.
Millət vəkili qeyd edib ki, işğal altında olmuş rayonların arasında ən çox mina məhz Ağdam rayonu ərazisində basdırılıb: “Ermənistanda seçkiqabağı təbliğat günü-gündən qızışır. Sirr deyil ki, müxtəlif siyasi qütblər arasında hakimiyyət uğrunda gərgin mübarizə gedir. Qərbin maraqlarını ifadə edən Paşinyanla Rusiyayönümlü qüvvələrin bölgənin gələcəyi ilə bağlı baxışlarında fərqli yanaşmalar mövcuddur. Azərbaycan tərəfindən xəritələrin əvəzinə adları xalqımızın əleyhinə cinayətlərdə hallanmamış 15 erməninin qaytarılması nizamlama prosesinə müsbət təsir etməklə yanaşı, erməni hakim partiyasının da reytinqini qaldıracaq”.
Deputatın sözlərinə görə, bu məqamda da Azərbaycan Prezidentinin atdığı addımların strateji konturları görünür: “20 il ərzində Ermənistanda siyasi hakimiyyətdə olmuş cinayətkar Qarabağ klanının yenidən iqtidara gəlməsi regionda gərginliklərin artacağından, nizamlama prosesinin pozulmasından xəbər verir. Koçaryanın rəhbərlik etdiyi siyasi blokun hazırladığı təbliğat materiallarında, kliplərdə açıq şəkildə Azərbaycan xalqına qarşı düşmənçilik elementlərini görürük. Belə yanaşma olduqca ziyanlı və təhlükəlidir. Düşünürəm ki, düşmənçiliklərə son qoymağın və hər iki xalqı sülhə hazırlamağın vaxtıdır. Bu istiqamətdə atılacaq növbəti addımlar da praqmatik düşüncəli qüvvələrə dəstək xarakteri daşımalıdır”.
Tural Turan
-
Qoroskop00:15
Günün ULDUZ FALI: qarşıdurmalar ola bilər
-
Sosial25 Aprel 23:48
Bakıda ayıq sürücü müştərinin "Land Rover”indən oğurluq etdi
-
Səhiyyə25 Aprel 23:12
Onkoloqdan XƏBƏRDARLIQ: bu xəstəliklər xərçəngə çevrilə bilər
-
Magazin125 Aprel 22:48
Müşfiq Musanın məşhur mahnısını oxudu - VİDEO
-
Magazin125 Aprel 22:00
Firuzə İbadova həmin xəbəri TƏKZİB ETDİ: "Onun ruhu şad olsun deyə..."
-
Sosial25 Aprel 21:24
Bakıda qızı açıq-saçıq geyiminə görə mağazadan qovdular - VİDEO
-
İnanc25 Aprel 20:24
Ağdam Cümə məscidində ilk Azan - VİDEO
-
Cənubi Qafqaz25 Aprel 19:36
Ermənistan hərbçisi Azərbaycanla sərhəddə minaya düşdü