Nida Təhlil
Yeni münasibətlər formatı hamının maraqlarına uyğundur - Deputat
“Azərbaycan və Türkiyə arasında imzalanan tarixi Şuşa Bəyannaməsi böyük rəmzi xarakter daşıyır. Bu bəyannamənin məhz Şuşada imzalanması bölgənin təhlükəsizliyi, Azərbaycan Silahlı Qüvvələrinin inkişafı və Azərbaycan-Türkiyə münasibətlərinin yeni rəsmi müttəfiqlik səviyyəsində gələcək inkişafı üçün çox böyük əhəmiyyətə malikdir”.
Bunu Publika.az-a açıqlamasında Milli Məclisin deputatı, Azərbaycan Demokratik İslahatlar Partiyasının (ADİP) sədri Asim Mollazadə deyib. Millət vəkili bildirib ki, Bakı-Ankara münasibətləri yeni çoxşaxəli bir sistemi formalaşdırır:
“Bu sistemin məğzində ölkələrin hər bir sahədə birliyi və əməkdaşlığı dayanır. Bununla yanaşı, bu bəyannamə digər ölkələr, eləcə də region üçün böyük təhlükəsizlik təminatıdır. Yeni strateji məqamların həyata keçirilməsi üçün bizim birliyimiz geniş əməkdaşlıq platformasıdır. Bu bəyannamə həmin platformanın həyata keçirilməsi baxımından böyük imkanlar yaradır. Digər ölkələrin regional maraqlarının birləşməsi üçün yeni hüquqi əsaslar formalaşdırır”.
Deputat qeyd edib ki, Şuşa Bəyannaməsi Azərbaycan Silahlı Qüvvələrinə müasir texnologiyalara sahiblənmək baxımından yeni imkanlar yaradır:
“Eyni zamanda, düşünürəm ki, Şuşada imzalanan və bəyan edilən yeni münasibətlər formatı hamının maraqlarına uyğundur. Bu kontekstdən yanaşdıqda bəyannamə tərəfdaşlıq və əməkdaşlıq baxımından gələcək münasibətlərin formalaşdırılmasında çox mühüm xarakter daşıyır. Bizim əməkdaşlığımız yalnız təhlükəsizlik və iqtisadi istiqamətləri əhatə etmir. Humanitar sahələri - təhsili, mədəniyyəti də özündə cəmləşdirəcək.
Şuşa Bəyannaməsi xalqlarımızın inkişafı üçün çox mühüm sənəddir. Bu tarixi hadisə gələcəyə yönəlik uzunmüddətli sistem yaratmaq üçün imkan formalaşdırır. İmzalanan sənədlərin Şuşanın adı ilə bağlı olması, bunun Azərbaycanın mədəniyyət paytaxtında həyata keçirilməsi yeni işıqdan xəbər verir”.
Tural Turan
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO
-
İdman28 Mart 22:24
UEFA-dan Avro-2024-lə bağlı YENİLİK - Yekun qərar bu tarixdə veriləcək
-
Magazin228 Mart 22:00
Sevgilisi məşhur aktrisanı döydü: "Aylarla..."
-
Sosial28 Mart 21:36
Daxili İşlər Nazirliyi əhaliyə ÇAĞIRIŞ ETDİ
-
İnanc28 Mart 21:24
Ramazanın 19-cu gününün duası - İmsak və iftar vaxtı
-
Sosial28 Mart 20:24
Şahmar Hüseynova yeni VƏZİFƏ VERİLDİ - FOTO
-
Maraq dünyası28 Mart 20:15
"Tarqovı"da çiy ətdən libas geyinən qızdan QƏRİBƏ HƏRƏKƏTLƏR - VİDEO