Türk general Laçındakı təxribatlara toxundu: Qana-qan, qisasa-qisasla cavab verilməlidir

"Barış əli uzadana barış əli, mərmi atana, silah-sursatdan istifadə edənə qarşı isə anti-terror əməliyyatı, qana-qan, qisasa-qisasla cavab verilməlidir. Azərbaycan ordusu da ona qarşı təxribat törədənlərə anti-terror əməliyyatları həyata keçirməkdədir. Bir qarış torpağını, əsgərinin bir damla qanını hədəf alanlara qarşı tədbirlər görülməlidir. Əlbəttə bunun Vaşinqton görüşü ərəfəsində baş verməsinin səbəbi Azərbaycanı psixoloji olaraq, beynəlxalq müstəvidə çətin vəziyyətə salmaqdan ibarətdir. Məlumdur ki, bu, danışıqları pozmaq cəhdinə əsaslanır".

Bu sözləri Publika.az-a açıqlaması zamanı türk general Yücel Karauz deyib.

O, qeyd edib ki, Ermənistan üçtərəfli bəyanatdakı öhdəliklərin heç birini yerinə yetirmir: "Azərbaycan beynəlxalq hüququn ona tanıdığı bütün imkanlardan diplomatiya meydanında istifadə etməli, əsgərinə, torpağına və bayrağına qarşı edilən hücumlara qarşı qarşılıq verməlidir. Bunun başqa üsulu yoxdur. Ermənilər ənənəvi olaraq təxribat törədilər. Onların sözlə anlamırlar. Ona görə də, anladıqları dillə yəni silah diliylə danışmaq lazımdır. Azərbaycanın daha səbri tükənib. Zəngəzur dəhlizinin açılması baş tutmadığı təqdirdə səbr tükənəcək. Erməni terror qruplarının hərbi müdaxilələrinə son qoyulmadığı müddətcə, sülhün gerçəkləşməsi mümkün deyil", - deyə general yekunlaşdırıb.

Ayşən Rəhim