Azərbaycan və Rusiya Müdafiə nazirlikləri arasında əməkdaşlıq planı imzalandı - - <span class="red">FOTO</span>
Bizi izləyin

Nida Xəbər

Azərbaycan və Rusiya Müdafiə nazirlikləri arasında əməkdaşlıq planı imzalandı - - FOTO

Noyabrın 30-da Azərbaycanın müdafiə naziri Zakir Həsənov Rusiyanın müdafiə naziri Sergey Şoyqu ilə görüşüb.

Noyabrın 30-da Moskva şəhərində keçirilən MDB iştirakçı-dövlətlərinin Müdafiə Nazirləri Şurasının növbəti iclasında iştirak edən Azərbaycanın müdafiə naziri general-polkovnik Zakir Həsənov Rusiyanın müdafiə naziri ordu generalı Sergey Şoyqu ilə görüşüb.

Azərbaycan Müdafiə Nazirliyinin mətbuat xidmətindən Publika.az-a verilən məlumata görə, görüşdə ölkələrimiz arasında hərbi və hərbi-texniki əməkdaşlığın hazırkı vəziyyəti və inkişafı perspektivləri müzakirə edilib, eləcə də regional təhlükəsizliyin aktual məsələləri barədə fikir mübadiləsi aparılıb.

S.Şoyqu bildirib ki, hər iki ölkənin Müdafiə nazirlikləri beynəlxalq terrorla mübarizəyə qarşı birgə fəaliyyət göstərirlər. O, həmçinin hərbi əməkdaşlıq sahəsində nəzərdə tutulan planların yerinə yetirildiyini vurğulayıb.

Z.Həsənov Azərbaycan ilə Rusiya arasında hərbi və hərbi-texniki sahədə əməkdaşlığın inkişaf etdiyini bildirib və bu görüşün hər iki ölkə üçün səmərəli olacağını qeyd edib.

Görüşün sonunda iki ölkənin Müdafiə nazirlikləri arasında 2017-ci il üçün əməkdaşlıq planı imzalanıb.

  • Azərbaycan və Rusiya Müdafiə nazirlikləri arasında əməkdaşlıq planı imzalandı - - FOTO

  • Azərbaycan və Rusiya Müdafiə nazirlikləri arasında əməkdaşlıq planı imzalandı - - FOTO

Oxumağa davam et
Reklam
Reklam

Gündəm