Milli Məclisin yaz sessiyası başladı
Bizi izləyin

Nida Xəbər

Milli Məclisin yaz sessiyası başladı

“Bu sessiyada biz bir sıra qanun layihələri ilə tanış olacaq, hökumətin də hesabatını dinləyəcəyik".

Fevralın 1-də Milli Məclisin yaz sessiyası Azərbaycan himinin səsləndirilməsi ilə öz işinə başlayıb.

Spiker Oqtay Əsədov bildirib ki, bu müddətdə parlament bir çox qanunlar qəbul edəcək:

“Bu sessiyada biz bir sıra qanun layihələri ilə tanış olacaq, hökumətin də hesabatını dinləyəcəyik. Ombudsmanın və Bələdiyyələrə nəzarət edən müvafiq qurumların hesabatı ilə tanış olacağıq. Hörmətli deputatlar, mən bu sessiyada hər birinizə uğurlar arzulayıram”.

Publika.az xəbər verir ki, sessiyada ilkin olaraq MM-in İntizam Komissiyasının yeni tərkibi təsdiq edilib. Komissiyaya millət vəkillərindən Ağacan Abıyev, Xanlar Fətiyev, Məlahət İbrahimqızı, Mirkazım Kazımov, Səttar Möhbalıyev, Fazil Mustafa və Kamran Nəbizadə daxildir. Sessiyada həmçinin Hesablayıcı Komissiyanın yeni tərkibi təsdiq edilib. Belə ki, komissiyaya millət vəkillərindən Fəttah Heydərov, Qüdrrət Həsənquliyev, Rafael Hüseynov, Xanhüseyn Kazımlı, Zahid Oruc, Sədaqət Vəliyeva və Mixail Zabelin daxildir. Qeyd edək ki, hər iki komissiyanın ilk iclasında sədr seçiləcək.

Vasif Həsənli

Oxumağa davam et
Reklam
Reklam

Gündəm