Nida Xəbər
Hüquq müdafiəçisi: "Prezidentin sərəncamı yuvenal ədliyyəni inkişaf etdirəcək"
Xəbər verdiyimiz kimi, prezident İlham Əliyev fevralın 10-da penitensiar sahədə fəaliyyətin təkmilləşdirilməsi, cəza siyasətinin humanistləşdirilməsi və cəmiyyətdən təcridetmə ilə əlaqədar olmayan alternativ cəza və prosessual məcburiyyət tədbirlərinin tətbiqinin genişləndirilməsi ilə bağlı sərəncam imzalayıb.
Sərəncama əsasən, cəmiyyətdən təcridetmə ilə əlaqədar olmayan
cəzaların icrasına effektiv nəzarətin təşkili və bu sahədə
idarəetmənin səmərəliliyinin artırılması məqsədilə Ədliyyə
Nazirliyinin Probasiya xidməti yaradılıb. Həmçinin cəzaların icrası
və qətimkan tədbirlərinin tətbiqi zamanı müasir İKT-dən istifadəni
təmin etmək məqsədilə elektron nəzarət vasitələrinin tətbiq
olunması tapşırılıb.
Vətəndaşların Əmək Hüquqlarını Müdafiə Liqasının sədri, İnsan
hüquqları məsələləri üzrə Birgə İşçi Qrupun katibi, hüquq
müdafiəçisi Sahib Məmmədov Femida.az-a açıqlamasında bildirdi ki,
prezidentin sözügedən sərəncamı ədliyyə sahəsində bir sıra
problemlərin kompleks həllinə öz töhfəsini verəcək:
“Azərbaycanda cəza sisteminin hümanistləşdirilməsi prosesi çoxdan
başlayıb. Prezidentin məlum sərəncamı da bu prosesin davamı idi.
Sərəncam bir neçə məsələnin birdən həllini özündə ehtiva edir. Bu,
həm qanunvericiliyin təkmilləşdirilməsi haqqında müvafiq orqanlara
tapşırıq və tövsiyyələrin verilməsini özündə birləşdirir, həm də
mövcud praktikanın dəyişdirilməsini nəzərdə tutur. Bilindiyi kimi
probasiya ilə bağlı Azərbaycanın Ədliyyə Nazirliyi ilə Avropa
İttifaqı arasında əməkdaşlıq layihəsi mövcuddur. Bu mənada
Azərbaycanda Probasiya Xidmətinin yaradılması ədliyyə sahəsində
irəli atılmış ən mühüm addımlardandır. Alternativ cəzaların
hazırlanması, bəzi maddələrin dekriminallaşdırması sərəncamdan
irəli gələn məsələlər içərisindədir. Digər kompleks məsələ isə cəza
sistemində müasir texnologiyaların tətbiqi ilə bağlıdır. Məsələn,
elektron brosletlər sistemi var. Bu vasitə ilə şəxsi nəzarət
altında saxlamaq olur. Məqsəd odur ki, həmin şəxs qaçıb aradan
çıxmasın və yeni cinayət əməlləri törətməsin. İctimai işlər növündə
cəzanın tətbiqi ilə bağlı ciddi problemlər var. Məsələn, cəza
müəyyən olunur, lakin icra mexanizmləri demək olar, yoxdur.
Cəzaçəkmə müəssisələrində məhkumların əməyə cəlb olunması ilə bağlı
ciddi problemlər var. Prezidentin sərəncamı ilə bütün bu
problemlərin öz həllini tapacağına inanıram”.
Sahib Məmmədov bildirdi ki, Prezidentin məlum sərəncamı yuvenal
ədliyyə sisteminin də təkmilləşdirilməsinə öz töhfəsini
verəcək:
“Biz balaca bir ölkəyik, buna görə də ayrıca bir yuvenal məhkəmənin
yaradılmasına ehtiyac görmürəm. Mövcud məhkəmələrin tərkibində
ixtisaslaşmış hakimlər olmalıdır. Hesab edirəm ki, sərəncamdan
irəli gələn məsələlərin yerinə yetirilməsi həm də yuvenal ədliyyə
sisteminin, yəni uşaqlara alternativ cəzaların verilməsi
məsələlərinin kömək edəcək”.
-
Cənubi Qafqaz19:36
Ermənistan hərbçisi Azərbaycanla sərhəddə minaya düşdü
-
Avropa17:21
Makrondan qorxunc iddia: Avropa dağılacaq, köçkünlər olacaq
-
Kriminal16:33
Özünü ölmüş kimi təqdim edən biznesmenə hökm oxundu
-
MDB16:00
Avropa Yer üzündən silinəcək, Amerika isə... - Belarusdan şok hədə
-
Rəsmi xronika15:29
İlham Əliyev və Japarov Ağdamda - FOTOLAR
-
Sosial14:51
Videomu paylaşıb məni biabır etmək istəyirlər - Cahangir Əsgərov
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!