Nida Xəbər
Lukaşenkodan İrəvana ZƏRBƏ: Slavyan-Türk ittifaqının Qarabağ PLANI
Belarus prezidenti Aleksandr Lukaşenko Dağlıq Qarabağ
münaqişəsinin xarici müdaxilə olmadan həll edilməli olduğunu
açıqlayıb.
Publika.az xəbər verir ki, Minskdə Kollektiv Təhlükəsizlik
Müqaviləsi (KTMT) Təhlükəsizlik Şurasının katibləri ilə görüşən
Lukaşenko “Qarabağ, Dnestryanı, Ukrayna kimi münaqişələr bizim
problemlərimizdir və bu münaqişələri xarici müdaxilə olmadan həll
etməliyik” deyə o vurğulayıb.
A.Lukaşenkonun bu fikirləri İrəvanda narazılıqla qarşılanıb.
Xüsusilə Ermənistan mediası Belarus prezidentinin çıxışını öz
ölkələri üçün təhlükəli hesab edirlər.
Erməni jurnalist Sarqis Artsruni hesab edir ki, Lukaşenko əslində
Bakının nöqteyi-nəzərini dilə gətirib: “Azərbaycan KTMT və Avrasiya
İqtisadi İttifaqının üzvü olmasa da, faktiki olaraq, bu
meydançalardan effektiv istifadə edir. Ermənistan isə bu
strukturlarınn üzvü olmasına baxmayaraq, heç nə edə bilmir. Burada
əlbəttə ki, diplomatiyanın yoxluğundan söhbət gedir. Lakin
ümumilikdə Ermənistan yanlış yerdədir və Azərbaycanın
müttəfiqlərini özünə dost hesab edərək, onlardan mənasız yerə nəsə
gözləyir”.
Erməni jurnalist yazır ki, Qarabağ münaqişəsi
Rusiya-Türkiyə-Azərbaycan oxu üzrə həll oluna bilər.
“Yəni xarici müdaxilə olmadan. Lukaşenko da məhz bunu dilə gətirir.
Burada xarici müdaxilə Qərb nəzərdə tutulur. İstisna deyil ki,
Moskva Belarus prezidentinə belə danışmağı tövsiyə edib. Çünki
Moskva ərazilərin qaytarılması qarşılığında Azərbaycanın siyasi
dəstəyini qazanmağı planlaşdırır”, - deyə o bildirib.
S.Artsruni KTMT və Avrasiya İqtisadi İttifaqının əslində
slavyan-türk ittifaqı olduğunu qeyd edib: “Ermənistan burada yad
bədəndir. Slavyan-türk ittifaqı təkcə Qarabağ münaqişəsini nizama
salmayacaq, həm də Ermənistanı yox edəcək”.
Asif
-
Sağlamlıq02:19
Qadınlarda sonsuzluğa və tüklənməyə səbəb olan nadir sindrom
-
Sosial01:45
Keçmiş məcburi köçkünlərin evləri satışa çıxarılır - QİYMƏTLƏR
-
Nəqliyyat01:30
Qazaxın Aşağı Əskipara kəndinə gedən yol açıldı
-
MDB01:15
Rusiya BMT TŞ-nin qətnaməsinə veto qoydu
-
MDB01:00
Şoyqu İvanovu vəzifəsindən uzaqlaşdırdı
-
Qoroskop00:27
Günün qoroskopu: Yaxın ətrafınızdakı şəxslərdən biri...
-
Ekopublika.az24 Aprel 23:57
Azərbaycanda da satılan məşhur şokolad məhsulu ətrafında QALMAQAL
-
İdman24 Aprel 22:04
"Qarabağ" finalda!