Nida Xəbər
Ermənilər Qarabağın qaytarılmasını tələb edəcək - Putinə ŞANTAJ
Ermənistanın Avrasiya İqtisadi İttifaqından və Kollektiv
Təhlükəsizlik Müqaviləsi Təşkilatından (KTMT) çıxmaqla bağlı “Yelk”
blokunun təklifi ölkəni qarışdırıb.
Publika.az xəbər verir ki, Daşnaksütyun partiyasının
parlament fraksiyasının rəhbəri Armen Rustamyan bu təklifin
əleyhinə çıxıb və qalmaqallı bəyanat verib.
“Bu məsələləri qaldıranlar, təhlükəsizliyin nə demək olduğunu
anlamırlar. Əgər kimsə düşünürsə ki, müharibədə yalnız əsgərlər
qalib gəlir, onlar səhv edir. Əgər bizdə hərbi vasitələr olmasaydı,
rəqiblə döyüşə bilməzdik. Ermənistan Avrasiya İqtisadi İttifaqına
girməsəydi, silahlar ala bilməzdi”, - deyə o bildirib.
Ermənistan mediası isə Rustamyanın bu açıqlamasından sonra “aprel
döyüşləri”ni xatırladıb.
“Lragir” saytı yazır ki, “aprel müharibəsi”ndə Ermənistan ordusu
80-ci illərdən qalma silahlarla döyüşürdü: “Bunu Serj Sarkisyan özü
etiraf etdi. Daşnaksütyunun belə mövqeyi maraqlıdır, çünki onlar
millətçi partiyadır. Lakin son illər bu partiya sağ qalmaq üçün hər
şeyə gedirlər, indi də rusların müdafiəsinə qalxıblar”.
Sayt əlavə edir ki, daşnaklar Qarabağ siyasətini dəyişə bilər.
“Vaxtilə inqilabçı olan daşnaklar görünür, bir azdan Qarabağın
qaytarılması ehtiyacını əsaslandırmağa başlayacaq”, - deyə məqalədə
bildirilir.
Erməni siyasətçi Zarui Postandjyanın “Yelk” blokunun təklifi ilə
bağlı fikirləri də maraqlıdır.
Postandjyan hesab edir ki, Ermənistanın rus ittifaqından çıxışı
ilə bağlı təklifi səsləndirmək tapşırığı “Yelk” blokuna “Baqramyan
26”-dan (Ermənistan Prezident Administrasiyasının ünvanı - red.)
gəlib.
“Bu, səmimi proses deyil. Sadəcə olaraq, Sarkisyan bolşevik kimi
şantajla məşğuldur. Əgər təklifin qəbul olunmaq şansı olsaydı,
Sarkisyan buna qoşulmazdı. Bu, sadəcə Sarkisyanın oyunudur”, - deyə
o vurğulayıb.
Erməni analitiklərin fikrincə, Sarkisyan Rusiyadan müəyyən
dividentlər əldə etmək üçün şantaj gəlir.
Asif
-
Nəqliyyat08:25
Paytaxtın bu yollarında tıxac yarandı - SİYAHI
-
Sağlamlıq07:37
Yaz aylarında infarkt riski artır - Hansı tədbirləri görmək lazımdır?
-
Ekopublika.az07:25
Azərbaycanda bəzi ərzaq məhsulları ucuzlaşdı - VİDEO
-
Nida Xəbər 02:19
Paris Bakı ilə münasibətlərin normallaşması üçün addım atmasa... - Hadisələr necə inkişaf edəcək?
-
Qoroskop00:46
Günün qoroskopu: şəxsi həyatınızda ciddi dəyişikliklər ola bilər
-
Hadisə17 Aprel 23:11
Aytən Səfərovanın düşdüyü qəzada ölən gəncin FOTOSU
-
Sosial17 Aprel 22:58
Sosial şəbəkələrdə satılan soyuq silahlarla bağlı DİN-dən AÇIQLAMA - VİDEO
-
Magazin117 Aprel 22:24
Azərbaycanlı bloqer Dubayda çətin vəziyyətdə qaldı - VİDEO