• USD 1,7000 0,00% EUR 1,9828 0,00%
    • GBP 2,2148 0,00% RUB 0,0267 0,00%

Lütfi Zadə ilə vida mərasiminin vaxtı və yeri DƏQİQLƏŞDİ (YENİLƏNDİ)

Lütfi Zadə ilə vida mərasiminin vaxtı və yeri DƏQİQLƏŞDİ

Dünya şöhrətli alim Lütfi Zadə ilə vida mərasiminin yeri və vaxtı məlum olub.

Bu barədə APA-ya Lütfi Zadənin yaxın qohumu, xalq artisti, rejissor Cənnət Səlimova məlumat verib.

Onun sözlərinə görə, alimin cənazəsi Bakıya sentyabrın 29-da səhər saatlarında gətiriləcək:

“Bakı-Nyu-York reysini yerinə yetirən təyyarə sentyabrın 29-da səhər saat 6-da Bakıya çatacaq. Lütfi Zadənin cənazəsi aeroportdan birbaşa Heydər Məscidinə aparılacaq. Daha sonra saat 12:00-da Milli Elmlər Akademiyasında vida mərasimi başlayacaq. Lütfi Zadə I Fəxri Xiyabanda dəfn olunacaq”.

Cənnət Səlimova əlavə edib ki, alimin oğlu Norman Zadə dəfn mərasimində iştirak etməyəcək.

AMEA-nın vitse-prezidenti İsa Həbibbəyli də APA-ya bildirib ki, Lütfi Zadə ilə vida mərasimi sentyabrın 29-da saat 12:00-dan 14:00-dək Azərbaycan Milli Elmlər Akademiyasında keçiriləcək.

Onun sözlərinə görə, dəfn mərasimində AMEA-nın bütün heyəti, rəsmi şəxslərin iştirakı gözlənilir.

Vida mərasimdən sonra mərhum I Fəxri xiyabanda dəfn ediləcək.

***

Lütfi Zadə ilə vida mərasimi sentyabrın 29-da Azərbaycan Milli Elmlər Akademiyasında keçiriləcək.

Bu barədə Publika.az-a AMEA Rəyasət Heyətinin aparatıİctimaiyyətlə əlaqələr və elmin populyarlaşdırılması idarəsi İctimaiyyətlə əlaqələr şöbəsindən məlumat verilib.

Qeyd edək ki, görkəmli alim Lütfi Zadənin nəşi sentyabrın 29-da günorta saatlarında Azərbaycana gətiriləcək.

Gülxar

Загрузка...

Xəbər lenti

DAHA ÇOX XƏBƏR
/body>