Nida Xəbər
Sarkisyan Putinin hüzuruna niyə gedir? – Qorxunc səfər, yaxud ÖLÜM HÖKMÜ
Ermənistan prezidenti Serj Sarkisyan noyabrın 15-16-da
Rusiyaya işgüzar səfər edəcək. Ermənistanın Rusiyadakı səfiri
Vardan Toqanyan bildirib ki, Sarkisyan həmin tarixdə Moskvada
keçiriləcək erməni mədəniyyət günlərində iştirak edəcək. Lakin bu
səfər zamanı Ermənistan prezidentinin Rusiya prezidenti Vladimir
Putin tərəfindən qəbul edilib-edilməyəcəyi dəqiq deyil.
Publika.az xəbər verir ki, Ermənistan mediası Sarkisyanın
Moskva ziyarətini “ölüm səfəri” adlandırıb.
Erməni siyasi şərhçi Aram Amatuni yazır ki, Sarkisyan Moskvada
olacağı vaxt Putin tərəfindən qəbul edilməyəcəksə, bu, onun üçün
böyük zərbə olacaq: “Bu şəraitdə Sarkisyan üçün Moskva səfəri
“siyasi ölüm hökmüdür”. Bu baxımdan, Sarkisyanın Moskvada Putin
tərəfindən qəbul ediləcəyi ehtimalı böyükdür. Çünki, noyabrın 24-də
Sarkisyan Şərq Tərəfdaşlığı sammiti çərçivəsində Avropa
İttifaqı-Ermənistan sənədlərinin imzalanması məqsədilə Brüsselə
yola düşəcək. Güman ki, o, Moskvada Brüssel səfəri ilə bağlı son
müzakirələri aparacaq. Hərçənd, Avropa İttifaqı ilə sazişim
imzalanması şübhə altındadır”.
Erməni şərhçi bildirir ki, Sarkisyan Avropa İttifaqı ilə saziş
imzalanması məsələsindən “öz qiymətini artırmaq” məqsədilə istifadə
edir.
“Bu, onun öz oyunudur. Lakin buna rəğmən, Sarkisyan arxa planda –
Moskvada təhlükəsizliklə bağlı zəmanət almalıdır. Lakin Brüsselə
səfər ərəfəsində böyük sürprizlər də ola bilər. Ermənistan
prezidentinin Moskvaya səfəri də məhz bu sürprizlərin qarşısını
almaq məqsədi daşıyır”, - deyə Amatuni bildirib.
“Lragir” saytı isə Sarkisyanın Moskva səfərini qorxunc
adlandırıb.
“Sarkisyan Moskvaya təkcə mədəniyyət günlərində iştirak üçün
getmir. Güman ki, siyasi məsələlər müzakirə olunacaq. Lakin bu
müzakirələrin Ermənistan üçün qorxunc qərarların verilməsi ilə
nəticələnə biləcəyi də gözləniləndir. Bu, 2013-cü ilin 3 sentyabr
səfəri ilə müqayisə olunur. Həmin səfərdən sonra Ermənistan Avropa
İttifaqı ilə Assosiativ Sazişi imzalamaqdan imtina etdi və Avrasiya
İqtisadi İttifaqına daxil oldu. İndi də əsas sual budur: Sarkisyan
Moskva səfərindən sonra Avropa İttifaqı ilə sazişi imzalamaqdan
imtina edəcəkmi? İndi top nə İrəvanda, nə də Brüsseldə deyil,
Moskvadadır”, - deyə sayt qeyd edir.
Asif
-
Sosial14:16
Elmira Süleymanova vəfat etdi - FOTO
-
Cənubi Qafqaz13:40
İrəvandan İlham Əliyevin təklifinə cavab gəldi: Hazırıq!
-
Sosial13:03
Prokurorluqdan Nəsib Quliyevin intihar faktı ilə bağlı çağırış: bu məlumatlar...
-
Sosial12:25
Baş nazir təyin olunan Ceyhun Cəlilov kimdir? - Dosye
-
Əmlak11:55
Qərar verildi: Ev almaq istəyənlərə 55 min manat ödəniləcək
-
İdman11:25
Ulduzu sönən futbolçunun parlaq gözəli - FOTOLAR
-
Nida Xəbər 10:47
Ermənilər Azərbaycanın nəzarətinə keçəcək körpünü tutdular
-
ABŞ10:17
Arxeoloqlar ABŞ-ın ilk prezidentinin içki anbarını tapdılar: Görün nə içirmiş - FOTO