Nida Xəbər
Elmar Məmmədyarov ATƏT sədri ilə görüşdü - FOTO
İtaliya xarici işlər və beynəlxalq əməkdaşlıq naziri
Angelino Alfanonun dəvəti ilə Romada işgüzar səfərdə olan xarici
işlər naziri Elmar Məmmədyarov həmkarı ilə görüşüb.
Publika.az-a XİN-dən verilən məlumata görə,
görüşdə nazirlər Azərbaycan və İtaliya arasında ikitərəfli
münasibətlərin və dostluğun yüksək səviyyəsindən məmnunluqlarını
ifadə ediblər. İki ölkə arasında iqtisadi-ticarət, enerji və
mədəniyyət sahəsində əməkdaşlığın uğurla inkişaf etdiyi və
İtaliyanın Azərbaycanın Avropa İttifaqında (Aİ) ən əsas ticarət
tərəfdaşı olduğu bildirilib.
Nazirlər Cənub Qaz Dəhlizi və onun vacib hissələri olan TANAP və
TAP layihələrinin əhəmiyyətini diqqət çəkiblər və bu xüsusda
ölkələrimiz arasında olan əməkdaşlığı təqdir ediblər.
Tərəflər Azərbaycanın Aİ ilə əməkdaşlıq məsələsinə toxunublar.
İtaliya xarici işlər naziri ölkəsinin Azərbaycanın Aİ ilə
əməkdaşlığının genişlənməsini dəstəklədiyini deyib.
Görüşdə İtaliyanın ATƏT fəaliyyətdə olan sədri statusuna toxunulub.
İtaliya xarici işlər naziri ölkəsinin Ermənistan-Azərbaycan Dağlıq
Qarabağ münaqişəsinin diplomatik yollarla ATƏT-in Minsk Qrupunun
həmsədrlərinin vasitəçiliyi ilə beynəlxalq hüququn norma və
prinsipləri və Helsinki Yekun Aktı əsasında həllini dəstəklədiyini
vurğulayıb.
E.Məmmədyarov İtaliyanın münaqişənin həlli ilə əlaqədar ədalətli
mövqeyinə görə təşəkkür edib. O, Ermənistan-Azərbaycan Dağlıq
Qarabağ münaqişəsinin həlli üzrə danışıqlar prosesi haqqında
məlumat verərək Ermənistanın BMT Təhlükəsizlik Şurasının işğalçı
qoşunların Azərbaycanın işğal olunmuş ərazilərindən dərhal, tam,
qeyd-şərtsiz çıxarılması barədə tələblərini hələ də yerinə
yetirmədiyini vurğulayıb. O əlavə edib ki, güc tətbiq edərək
dövlətlərin beynəlxalq səviyyədə tanınmış sərhədlərinin pozulması
qəbuledilməzdir və münaqişə BMT Təhlükəsizlik Şurasının müvafiq
qətnamələri, Helsinki Yekun Aktında təsbit olunduğu kimi
Azərbaycanın beynəlxalq səviyyədə tanınmış sərhədləri çərçivəsində
ərazi bütövlüyü və suverenliyi əsasında həll edilməlidir.
Görüşdə həmçinin beynəlxalq təşkilatlar çərçivəsində əməkdaşlıq,
həmçinin qarşılıqlı maraq kəsb edən regional məsələlər ətrafında
fikir mübadiləsi aparılıb.
-
Magazin206:16
Leonardo Di Kaprio ilə sevgilisi arasında NƏ BAŞ VERİR?
-
Səhiyyə05:15
Ömrü uzadan pəhriz sınaqdan UĞURLA ÇIXDI
-
Avropa03:43
Meqan Markl Keyt Middltonun xəstəliyindən necə istifadə etdi? - ŞOK DETALLAR
-
Avropa02:00
Azərbaycanlı jurnalist Kiyevdə vəfat etdi - FOTO
-
Magazin101:41
Azərbaycanda tanınmış müğənni üçün 2-ci dəfə TOY ÇALINACAQ - VİDEO
-
Magazin100:30
“Sonradan soyunanda göz öyrəşmir” - FOTO
-
Qoroskop00:15
Günün ULDUZ FALI: çox ciddi münaqişə baş verə bilər
-
Sosial28 Mart 22:50
Əhaliyə ŞAD XƏBƏR: pensiya və müavinətlər artırıla bilər - VİDEO